Првиот човек на Мерцедес тврди дека Хамилтон ја завршува кариерата: Не може да ја надмине болка

Луис Хамилтон размислува да стави крај на кариерата, ако треба да му се верува на Тото Волф, првиот човек на Мерцедес.

Волф тврди дека Хамилтон и целиот тим на Мерцедес се разочарани од случувањата во Абу Даби и победата на Макс Верстапен, кој ја освои титулата светски шампион во Формула 1, пишува Скај Спорт.

„Тој никогаш нема да ја надмине последната трка. Не можам да гарантирам дека ќе продолжи да вози во Формула 1“, рече Волф.

Хамилтон на почетокот на оваа сезона потпиша нов, двегодишен договор со Мерцедес.

„Тој никогаш нема да ја надмине болката предизвикана во неделата. Се надевам дека остатокот од тимот ќе може да помине низ сето тоа“, додаде Волф.

Холанѓанецот Макс Верстапен го престигна Луис Хамилтон во последниот круг од сезоната во драматичен финиш во Абу Даби и стигна до својата прва титула во кариерата.

По трката се појавија бројни контроверзии. Луис Хамилтон бил ограбен бидејќи на Формула 1 и била потребна драма, а кражбата ја извршиле директорот на трката Мајкл Маси, судиите и управата на натпреварувањето.

Да потсетиме, последната, 22-та трка сезонава имаше посебен предзнак бидејќи во пресрет на неа водеа Хамилтон и Верстапен со по 369,5 поени. Хамилтон во последните 20 круга влезе со 17 секунди предност, но и со истрошени гуми, додека Верстапен имаше нови.

И кога се чинеше дека одлуката на Мерцедес да оди во боксот ќе биде победничка, ситуацијата се промени со излегувањето на безбедносното возило.

По несреќата Николас Латифи мораше да излезе на патеката. Хамилтон беше лидер во тоа време, Верстапен втор. Кога безбедносното возило излета од патеката, на Верстапен му требаа само неколку свиоци за да го престигне Хамилтон со нови гуми и да ја освои својата прва титула, или да му ја одземе осмата на Хамилтон со што ќе го престигнеше Михаел Шумахер.

Во последниот круг од последната трка сезонава, Верстапен го престигна бранителот на титулата Луис Хамилтон и ја освои титулата. Мерцедес се пожали по трката бидејќи безбедносното возило ја напушти патеката пред последниот круг и на тој начин му даде шанса на Верстапен да го претекне Хамилтон.

Иако водеа големи битки во текот на целата сезона, имаа неколку судири и јавно се расправаа, Хамилтон по трката му пријде на новиот шампион и му честита.

Санкционирани 29 возачи поради непрописно престигнување на територијата на СВР Тетово

Министерството за внатрешни работи соопшти дека денеска во периодот од 7 до 11 часот била спроведена засилена акциска контрола за санкционирање возила кои непрописно престигнуваат на територијата на СВР Тетово, при што санкционирани се 29 возачи.

На сите прекршители, како што посочуваат од МВР, изготвени им се соодветни поднесоци и ќе се соочат со законски предвидените глоби.

Од МВР информираат дека засилените акциски контроли продолжуваат и во наредните денови и апелираат сите учесници во сообраќајот да ги почитуваат сообраќајните правила и прописи.

Арсовска: Договорот им е прекинат на лица кои не се појавувале на работа

Договорот им е прекинат на лица кои не ги извршувале работните обврски и не се појавувале на работа.

Тоа што на некого не му е продолжен договорот, значи дека раководството не е задоволно од неговата работа. Се работи за лица кои не си ги извршувале своите работни обврски, а најголем дел нив не се ни појавувале на работното место, изјави денеска градоначалничката на Град Скопје, Данела Арсовска одговорајќи на новинарски прашања за отпуштањето од работа на 33 лица вработени во ЈП „Комунална хигиена“.

Во однос на добиените закани кои градоначалничката ги доби изминатиов период поради прекинување на договорот на овие лица, таа посочи дека тие не смеат да се дозволат во едно општество.

Според Арсовска, доколку некој смета дека овие лица треба да бидат поддржани во тоа да не доаѓаат на работа и да не ги извршуваат работните обврски, тој треба да излезе и јавно да го каже тоа.

-Ние, својот мандат го имаме добиено од граѓаните, да им се испорачуваат најдобрите можни услуги и притоа да нема непродуктивни трошења на лица кои не си ги извршуваат своите работни обврски. На крајот, одговорноста за тоа дали работата се завршила како што треба или не, е наша, а оние лице кои не доаѓаат на работа сметам дека треба да наидат на силна осуда во општеството, рече Арсовска.

Напомена дека ќе продолжат со вакви реформи и во следниот период, а како што рече, одговорност треба да има и за оној кој дозволил со години некој да седи на работното место и ништо да не работи.

Србија: Дадилка го киднапирала бебето што го чувала

Полицијата во Крушевац, Србија поднесе кривична пријава против 35-годишна жена поради сомнение дека сторила кривично дело киднапирање малолетно лице.

Жената е осомничена дека го однела бебето старо 40 дена, кое повремено го чувала, кај своето момче, пишува „Новости“.

Таа го изнела детето на прошетка и не го врати во договореното време.

Мајката на детето утрово пријавила дека бебето исчезнало и во полиција рекла дека бебиситерката ја пронашла преку Фејсбук. Таа им кажала и дека мобилниот телефон на 35-годишниот е недостапен.

„Сите расположливи полициски сили веднаш тргнаа во потрага по бебето и набрзо беше пронајдено во куќата на момчето на 35-годишната жена“, соопштија од полицијата.

Бебето е пронајдено без никакви повреди, а полицијата продолжува да работи на околностите на случајот.

притисни ентер