Први резултати за мистериозните топчиња, поради кои се затворени 9 познати плажи во Сиднеј

Мистериозните топчиња, кои предизвикаа затворање на неколку плажи во Сиднеј минатата недела, соопштија властите, содржеле заситени масни киселини, ешерихија коли и фекални бактерии.

Советот за северните плажи на Сиднеј соопшти дека испратиле примероци за понатамошна анализа до Агенцијата за заштита на животната средина на Нов Јужен Велс (ЕПА), објави Би-Би-Си.

Девет плажи, вклучувајќи ги и популарните места Менли и Ди Вај, беа затворени на 14 јануари откако морето почна да исфрла топчиња со големина на џамлија на брегот.

Ова доаѓа неколку месеци откако илјадници црни топчиња почнаа да се појавуваат на бреговите на градот во октомври, што доведе до затворање на некои од најпознатите плажи во градот на неколку дена и наредба за голема операција за чистење.

Последната серија на топчиња беа исчистени од плажите на пристаништето оваа недела, објави денеска Советот за северните плажи. Тие апелираа секој што ќе ги забележи топчињата да не ги допира и да се обрати до надлежните. Покрај киселините и бактериите, во топчињата имало и пемза од вулканска карпа.

Градоначалничката на Северните плажи, Сју Хајнс, рече дека се надева дека анализата на ЕПА ќе го „идентификува изворот за да спречи тоа да се повтори на други плажи“.

„Продолжуваме да спроведуваме редовни инспекции на нашите плажи и ја повикуваме заедницата да пријави какви било набљудувања“, рече таа.

Првиот отпад во октомври првично беше погрешно наречен „топчиња од катран“, но подоцна било откриено дека содржи сè, од молекули за готвење и ѓубриња од сапун, до лекови за крвен притисок, пестициди, коса, метамфетамин и ветеринарни лекови.

Научниците рекоа дека тие личат на маси од маснотии и масло, кои често се нарекуваат „фатберг“, кои најчесто се формираат во канализационите системи. Сепак, Сиднеј Вотер објави дека станиците за третман на вода функционираат нормално и дека нема познати проблеми со градските системи за отпад.

Екотип донира 255 системи за филтрација на воздух вредни 1 милион евра, за градинки, училишта

Екотип донира 255 системи за филтрација на воздух во вредност од 1 милион евра, за градинки, училишта, болници.

Денеска и формално владата го потпиша договорот за донација на 255 системи за филтрација на воздух со ЕКОТИП ДООЕЛ Скопје, компанија лидер во оваа област, во вредност од 1 милион евра.

Уредите кои ги донира компанијата ќе бидат распределени во градинките, училиштата, болниците и други критични јавни установи...

Во март во Скопје концерт на Пласидо Доминго за прв пат во Македонија

Светски познатиот тенор Пласидо Доминго, во март за прв пат доаѓа во Македонија. 

Ќе одржи концерт на 14-ти следниот месец, во салата Борис Трајковски, а настанот ќе биде вистински спектакл, вели директорот на Националната опера и балет, Оливер Арсовски.

Вели, со голема посветеност ќе се работи на пробите, со цел концертот да помине одлично.

Организаторите велат дека иако Димонго е светска ѕвезда, сепак имал многу скромни барање, во однос на некои нови ѕвезди кои не се понзати надвор од границите на Балканот.. Очекуваат овој настан да биде одлична можност за земјава да го развие и ваквиот вид туризам, со оглед големиот интерес и во соседните држави

Билетите за концертот се пуштени во продажба од претходно и се движат од 2.000 до 5.000 денари. Доминго во својата богата кариера која трае пет децении има над 150 оперски улоги на италијански, француски, германски, шпански, англиски и руски јазик во најпрестижните оперски куќи во светот.

Тој има освоено 12 Греми награди. Имал повеќе од 4.400 настапи како тенор и повеќе од 600 настапи како диригент. Бил генерален директор на Операта во Лос Анџелес и на Националната опера во Вашингтон.

Барбов: Не знаев дека ќе бидам распореден на друг оддел

„Јас не знаев дека ќе бидам распореден на друг оддел во клиниката за неврологија. .

„Јас не знаев дека ќе бидам распореден на друг оддел во клиниката за неврологија. Никој не ме повика да ми ја објасни причината зошто сум на друг оддел кога две деценија работам со пациенти со невромускулни заболувања“, изјави за Канал 5 професорот од Клиниката за неврологија Иван Барбов. Тој моментално е на боледување и се уште го нема потпишано решението. Но и дека и претходно имало одредени дисциплински постапки за него.

За директорот на Клиниката за неврологија Фатмир Меџити нема проблем преместувањето на Барбов од еден на друг оддел и дека промената е направена со стручни и организациски критериуми.

„Новиот раководител има докажано знаење и искуство во областа, како и ангажман во Комисијата за ретки болести што овозможува подобра координација на здравствените политики и третманите за оваа категорија пациенти“.-Клиника за неврологија.

Од Здруженијата на пациенти со реакција дека внатрешните недоразбирања во клиниката да не бидат на товар на пациентите. Не може некој што со децении лекувал пациенти да не ги лекува. Сепак тие пациенти во секое време имале контакт со професорот Барбов и бил достапен за нив, велат од здружението за ретки болести. Пациентите бараат професорот Барабов да се врати на претходниот оддел. Досега нема никаков одговор од министерството за здравство за промената на раководни места на доктори од клиниката за неврологија каде што доктор е и министерот за здравство Арбен Таравари.

притисни ентер