Живот

Првата љубов на папата Франциск: Ако не се омажиш за мене, ќе станам свештеник

Приказната за младешката љубов на папата Франциск, која ја доживеал долго пред да стане поглавар на Католичката црква, по неговата смрт повторно го привлече вниманието на јавноста.

Многумина веруваат дека токму тоа искуство ги обликувало неговите животни вредности и начинот на кој ја водел Црквата, пренесе Иксњуз.

Тие беа соседи во Буенос Аирес

Амалија Дамонте живеела само неколку куќи подалеку од младиот Хорхе Марио Бергољо во скромната област Флорес во Буенос Аирес.

Како дванаесетгодишник, Хорхе развил силни чувства кон својата сосетка Амалија. Во напад на момчешки занес, тој ѝ напишал писмо кое подоцна станало познато ширум светот. „Ако не се омажиш за мене, ќе станам свештеник“, напишал тогаш младиот Хорхе, приложувајќи цртеж од бела куќа со црвен покрив во пораката - замислен заеднички дом.

Но, родителите на Амалија не ја одобрувале нивната љубов од детството. „Татко ми ме претепа затоа што се осмелив да му напишам писмо на едно момче“, изјавила Амалија за Асошиетед прес. Нивната строга забрана го означи крајот на таа кратка љубовна приказна, но во исто време и почетокот на духовното патување на Хорхе.

Папата Франциск е лево на фотографијата. До него се мајка му и татко му.

„Тој беше големо, зрело, прекрасно момче“

Не долго по прекинот на контактот, семејството Бергољо се преселило од улицата Мембрилар. Амалија го продолжила животот и основала семејство, додека Хорхе го избрал патот на духовната служба. Иако никогаш не ја обновиле својата врска, Амалија од далечина ја следела неговата свештеничка кариера и напредок во црквата. „Тој беше големо, зрело, прекрасно момче“, се сеќава Амалија. „Танцувавме, игравме на тротоарите и во парковите. Беше прекрасно време. И двајцата бевме скромни и се грижевме за сиромашните - во тоа бевме сродни духови“, тврди таа.

Марија Елена Бергољо, неговата сестра, еднаш рече дека не сакала нејзиниот брат да стане папа поради „бескрајната осаменост“ што ја носи таа улога. Амалија Дамонте, која сега има 88 години, со насмевка се присетува на тие денови на младешка посветеност, често велејќи: „За негова среќа, реков не“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Литар дизел од денеска се точи за 101,5 денари, за 1,5 денар повисоки цените и на бензините

Нов скок на цените на нафтените деривати – за прв пат по стартот на војната на Блискиот исток, литар дизел скокна над 100 денари и од полноќ литар се точи по цена од 101,5 денари.

Со последната одлука на Регулаторна освен зголемување од 3,5 денари кај дизелот за 1,5 се зголемуваат и цените не бенизните. 95-ка од денска се продава по цена од 93 денари, а 98-цата за 95 денари по литар. Во пресметката влегуваат и намалените акцизи, и тоа за 2 денари кај бенизните и за 4 денари кај дизелот.

Тагови: Дизел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес попладне нестабилно со пороен дожд

Претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер.

Локално процесите ќе бидат во форма на невреме со засилен до силен ветер и појава на град. Минималната температура ќе биде во интервал од 15 до 21, а максималната ќе достигне од 32 до 38 степени.

Во Скопје, сончево и топло со мала до умерена облачност, во вечерните часови во делови во котлината ќе има услови за пороен дожд и грмежи. Ќе дува слаб до умерен ветер од јужен правец. Минималната температура ќе се спушти до 20, а максималната ќе достигне до 38 степени.

До крајот на работната седмица ќе се задржи сончево и топло време со појава на умерена облачност во текот на денот.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во посета на Управата за хидрометеоролошки работи (УХМР)

во 11:00 часот, претседателот на Владата на Република Македонија, Христијан Мицкоски, ќе изврши увид во реализираните инвестиции и модернизацијата на Управата за хидрометеоролошки работи (УХМР).

Предвидено е премиерот Мицкоски да даде изјава за медиумите на крајот од настанот.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.