Жената починала на Инфективната клиника во Белград и имала и други хронични болести. Во Србија вкупно три лица се регистрирани како болни од вирусот на западно – нилска треска што го пренесуваат комарци.
Во земјите на ЕУ се регистрирани шест смртни случаи , што може да се поврзе со треска од Западен Нил - четири во Грција и двајца во Романија.
Во рамките на ЕУ, пријавени се 68 случаи на заболени од западно- нилска треска, од кои повеќето во Грција - 48.
Пријавени се осум болни Романци, пет Кипарци, тројца Италијанци и двајца Унгарци и по еден случај во Бугарија и Франција.
Во Србија, болеста за прв пат е регистрирана во 2012 година, а во 2018 година, од 415 заболени пациенти, починале 36 лица.