Прва проба на претставата ,,Алиса се враќа дома“ во Драмскиот театар - Канал 5

Култура

Прва проба на претставата ,,Алиса се враќа дома“ во Драмскиот театар

Согласно со планираната динамика Моника Ставревска студентка на режија на Факултетот за драмски уметности, денеска во Драмскиот театар ја започна првата проба на дипломската претстава ,,Алиса се враќа дома“.

Прва проба на претставата ,,Алиса се враќа дома“ во Драмскиот театар

Согласно со планираната динамика Моника Ставревска студентка на режија на Факултетот за драмски уметности, денеска во Драмскиот театар ја започна првата проба на дипломската претстава ,,Алиса се враќа дома“ што ќе се работи по текст на авторката Ивана Смилевска.

Претставата е шеста продукцијата на Драмски што се реализира согласно со Годишната програма за работа на театарот, а премиерата се планира за првата половина на октомври.

Моника Ставревска на денешната прва проба го сподели задоволството што Драмски театар ја продолжува традицијата да ги поддржува младите автори и што таа ја има можноста да ја постави нејзината дипломска претстава ,,Алиса се враќа дома“ токму во годината кога Драмски театар ја одбележува 80- годишнина од работата на театарот.

Во експликацијата за претставата режисерката Ставревска прашува: „Како ја замислувате Земјата на чудата?... Иако ова прашање неизбежно нè потсетува на безвременскиот роман ‘Алиса во земјата на чудата‘ на Луис Керол, одговорот е различен за секој од нас. Токму ова прашање е во фокусот на текстот на авторката Ивана Смилевска по кој ќе се работи претставата ‘Алиса се враќа дома‘“- дополнува режисерката Ставревска.

„Инспирирана од генијалноста и безвременското дело на Луис Карол, претставата ја деконструира препознатливата митологија на култниот роман и ја преобликува во современа, постмодерна бајка со сосема нов авторски контекст. Во едно дистописко кралство наречено Срцелија, над кое демне Црвената месечина, живеат Алиса, Црвената Кралица, Белиот Зајак, Лудиот Шапкар, Чешит Мачорот, Гасеницата, Цвеќињата, Белата Кралица и Твитл Ди и Твитл Дам. Нивното секојдневие, иако сместено во фантастичен свет, многу наликува на реалноста што добро ја препознаваме.

Режисерката Моника Ставревска понатаму појаснува: „Во оваа земја на чудата, исполнета со пророштва, сомнежи и општествени превирања, вечно љубопитната Алиса е хероината која се осмелува да го постави прашањето: колку еден мал субјект може да го разниша системот, особено кога тој систем почнува и завршува во сопствениот дом – Дворецот? Претставата „Алиса се враќа дома“ отвора простор за преиспитување на моќта, поредокот и индивидуалната одговорност, создавајќи современа сценска приказна што зборува за светот во кој живееме денес“ – вели Ставревска.

Ликовите во претставата се доверени на актерскиот тим: АЛИСА – Соња Стамболџиоска, ЦРВЕНАТА КРАЛИЦА – Билјана Драгиќевиќ – Пројковска, БЕЛИОТ ЗАЈАК – Александар Степанулески, ЧЕШИТ МАЧОР – Златко Митрески, ДИНА – Ања Митиќ, ЛУДИОТ ШАПКАР – Лазар Христов, ГАСЕНИЦА – Филип Трајковиќ, БЕЛАТА КРАЛИЦА – Трајанка Илиева-Вељиќ, ЦВЕЌЕ 1, ЦВЕТА – Ангела Пејкоска (к.г.), ЦВЕЌЕ 2, РУЖА – Нина Елзесер, ЦВЕЌЕ 3, НЕВЕНА – Ирена Димеска (к.г.) и ТВИТЛ ДИ и ТВИТЛ ДАМ – Томислав Давидовски и Марјан Наумов.

Уметничката екипа, освен режисерката, е - авторката на текстот, Ивана Смилевска; асистент на режисерката Филип Лафазановски; драматург е Александра Бошковска; сценограф е Ненад Тонкин и костимографката Роза Трајческа. Музиката е на Лука Тошев, а продуцент на претставата е Леа Манева.

Во претставата инспициент е Гоце Бојчев и суфлерка е Ивана Атанасоска.

Режисерката Моника Ставревска ја најавува премиерата на ,,Алиса се враќа дома“ во првата половина на октомври со пораката: „Не прекинувајте да верувате во чуда. Инаку сѐ што ни останува се Зајачки дупки“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политички земјотрес во Германија: АФД убедливо победи во Саксонија-Анхалт, но остана без апсолутно мнозинство

Историска победа за крајната десница во Германија. 

Политички земјотрес во Германија: АФД убедливо победи во Саксонија-Анхалт, но остана без апсолутно мнозинство

Алтернатива за Германија убедливо победи на покраинските избори во источногерманската покрајна Саксонија-Анхалт, но остана на само три пратенички места од самостојно мнозинство. АфД освои 43,8 проценти од гласовите и 39 од вкупно 83 места во парламентот во Магдебург повеќе од двојно од резултатот на изборите во 2021 година.

АфД – 43,8% │ 39 места

ЦДУ – 17,2% │ 15 места

СПД – 9,3% │ 8 места

ЗЕЛЕНИ – 8,9% │ 8 места

ЛЕВИЦА – 8,6% │ 8 места

БСЊ – 5,3% │ 5 места

МНОЗИНСТВО – 42 МЕСТА

АфД – НЕДОСТИГААТ 3 МАНДАТИ

За мнозинство се потребни 42 пратеници. Иако АфД остана под таа граница, нејзиниот покраински лидер Улрих Зигмунд го оцени резултатот како јасен мандат за формирање влада и веќе се гледа себеси како иден премиер на Саксонија-Анхалт.

-Овие историски избори не се единствено важни за Саксонија-Анхал, како што напомена Алис, битни се за цела Германија. Затоа сега овој моментум сакам да го искористам да испратам политичка порака до Берлин. Работите ќе се менуваат, тоа е реалноста не само за Саксонија-Анхалт, туку работите од овој успех ќе се менуваат и на федерално ниво – порача тој.

Луѓето многу јасно покажаа дека конечно сакаат политички промени“, истакна претседателката на АфД на сојузно ниво, Алис Вајдел.

-Со освоени 44 проценти од гласовите за АФД наспроти 17 проценти освоени на ЦДУ, можам да кажам дека партијата ЦДУ доживеа изборен дебакал. Резултат кој ќе се одрази и на федерално ниво – изјави таа.

АфД, уште еднаш предупреди дека нема да се откаже од своите клучни програмски позиции. Партија е за драстично ограничување на имиграцијата и построг азил, обновување на односите со Русија и запирање на помошта за Украина. АфД е и за радикална реформа на ЕУ па дури и напуштање на Германија од Унијата.

Но, изборната победа не значи автоматски и власт. Сите големи партии досега одбиваат коалиција со АфД.

Сепак, изборниот земјотрес во Саксонија-Анхалт силно одекна и во Берлин. ЦДУ на канцеларот Фридрих Мерц падна на историски ниски 17,2 проценти, додека АфД првпат е толку блиску до преземање на извршната власт во една германска покраина. Клучното прашање е дали овој успех ќе остане регионален или ќе прерасне во уште посилен подем на сојузно ниво и закана за канцеларската функција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Угинати се околу 10.000 овци, потврдени 64 жаришта на сипаници кај овците

Сипаниците кај овците се проширија на 64 потврдени жаришта.

Угинати се околу 10.000 овци, потврдени 64 жаришта на сипаници кај овците

Досега се евидентирани околу 10.000 угинати овци, најголем дел во источниот регион.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секој седми вработен во Македонија работи неформално, над 100 илјади лица без формален работен однос

Над 100 илјади луѓе во Македонија работат – а формално ги нема бидејќи, работат во нерегистрирани бизниси или се дел од неплатена семејна работа.

Секој седми вработен во Македонија работи неформално, над 100 илјади лица без формален работен однос

Најновите податоци на Државниот завод за статистика покажуваат дека 101.022 лица се неформално вработени. Тоа е секој седми вработен во земјава или 14,3 проценти од вкупно вработените. Најмногу ги има таму каде што работата е сезонска и најчесто тешко се контролира. Половина од неформалното вработување е во Земјоделство каде се регистрирани 51.487 лица. Следува градежништвото со 17,2 проценти. Заедно, овие две дејности сочинуваат повеќе од две третини од неформалната вработеност. Токму за намалување на овие бројки од нова година почна примената и можноста да се легализираат сезонските вработувања во земјдоелството преку компјутер од дома без тие да го изгубат социјалното, пензиите или било кој друг статус.

Дека проблемот е голем најдобро се гледа преку споредбата колку луѓе официјално бараат работа и колку има неформалсно вработени. Според официјалните бројки во вториот квартал има 90.020 невработени – околу 11 илјади помалку од неформално вработените. За само три месеци бројот на неформално вработените е зголемен за нови 6825 лица што е раст од 7,2%. Сезоната можеби ја поместува статистиката од квартал во квартал но бројката останува. 101 илјада луѓе работат само што не се дел од формалниот пазар на труд.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер