Прва победа на турнирот во Кина, црвено жолтите подобри од колеџ тим на САД со 69-67 - Канал 5

Кошарка

Прва победа на турнирот во Кина, црвено жолтите подобри од колеџ тим на САД со 69-67

Капитенот Младеновски, капитенски со кош од одбојка ги реше Американците. Прва победа на нашиот комбиниран состав на турнирот во Кина, во 3 коло од Групата Б во Сужоу нашите млади кошаркари го победија колеџ составот на САД со 69-67 и го остварија првиот успех на турнирот во Кина. Во најдобриот меч на турнирот избраниците на селекторот Драган Раце заслужено со минимални 69-67 го совладаа силниот и квалитетен тим од САД.

Прва победа на турнирот во Кина, црвено жолтите подобри од колеџ тим на САД со 69-67
Нашите млади кошаркари против најсилниот ривал го одиграа најквалитетниот натпревар на турнирот во Кина со што покажаа дека на нив може сериозно да се смета за идните репрезентативни акции.

Во првите две четвртини нашиот тим бил максимално рамноправен противник на силниот колеџ тим од САД. Првото полувреме заврши со израмнети 33-33.Во исто темпо црвено жолтите ги одиграле и последните две четвртини.По 30 минути игра нашиот состав предводен од одличниот Тимс и солидниот Варда имал негатива од само 6 поени(47-53).

Со неколку брзи поени на старт на решавачката четврта делница комбинираниот македонски состав влегува во егал финиш, на 29 секунди пред крајот резулатот бил израмнет 67-67.

Но, во последниот напад со поените од одбојка на нашиот капитен високиот Бубе Младеновски нашиот тим стигна до првата победа на турнејата во Кина.

Најефикасни во македонскиот тим на денешниот дуел се Тимс со 24, Варда со 13 и Младеновски со 12 поени, во листата на стрелци се запишаа и Дујковиќ со 6 поени,Њубери со 7 Вудс со 7.

Поради повреди на денешниот меч против САД недостасуваа млад бек Адем Мекиќ и американското крило Хауард кој на загревањето пред средбата го повреди коленото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Клое Кардашијан во проѕирен фустан на роденденската забава на сестра ѝ Ким (ФОТО)

Клое Кардашијан се појави во издание кое привлече посебно внимание во прославата на 46-тиот роденден на нејзината сестра Ким Кардашијан. 

Клое Кардашијан во проѕирен фустан на роденденската забава на сестра ѝ Ким (ФОТО)

За луксузната семејна вечера во Беверли Хилс, таа избра полупроѕирен фустан во боја на кожа кој ја истакнуваше нејзината фигура.

Под тесната креација носеше боди, а комбинацијата ја комплетираше со долги чевли во иста нијанса и елегантна бела чанта. Клое самоуверено позираше за фотографите пред да влезе во ресторанот Балди, сместен во хотелот Валдорф Асторија, каде што се одржа прославата.

Семеен собир

Сестрите Кортни Кардашијан (47) и Кајли Џенер (29) и мајката Крис Џенер (70) беа на вечерата со славеникот Ким. Им се придружи и братот Роб Кардашијан (39), кој ретко се појавува во јавноста во последните години. Единствениот член од најблискиот семеен круг кој не дојде на прославата беше Кендал Џенер.

Честитки на социјалните мрежи

Ким објави фотографија на Инстаграм како дува свеќи на голема црвена торта, а Кортни откри повеќе детали од раскошната прослава, вклучувајќи мени на кое пишуваше „Среќен роденден Ким“.

Социјалните мрежи беа исполнети и со емотивни честитки. Клое посвети серија заеднички фотографии од патувања и разни настани на својата постара сестра. „Те сакам тебе и нашите авантури! Луди сме, но барем сме луди заедно“, напиша таа покрај една објава. На друга, додаде: „Засекогаш моја девојка! Засекогаш сум благодарна“.

Особено емотивна порака ѝ испрати нивната мајка Крис Џенер, која нагласи колку е горда на своите достигнувања и посветеност на своето семејство. „Ти си неверојатна мајка, и гледањето колку ги сакаш своите деца ми го прави срцето толку среќно“, ѝ рече таа.

Нејзината ќерка Норт Вест објави забавна фотографија од Ким како спие на фотелја. ѝ честитаа и многу познати личности, вклучувајќи ги Лорен Санчез Безос и Викторија Бекам.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хари Кејн ја прослави „Златната топка“ во ноќен клуб во Лондон (ВИДЕО)

Англискиот фудбалер Хари Кејн ја освои Златната топка на церемонијата одржана во понеделник вечерта во Лондон Паладиум. 

Хари Кејн ја прослави „Златната топка“ во ноќен клуб во Лондон (ВИДЕО)

Капитенот на англиската репрезентација и напаѓач на Баерн со тоа доби една од најпрестижните индивидуални награди во фудбалот на 33-годишна возраст.

Прослава со најблиските во Лондон

Една од најважните вечери во кариерата на Кејн заврши со прослава со луѓе кои беа со него дури и пред да стане светски познат. По церемонијата на доделување на наградите, забавата се пресели во Лондон, каде што Кејн славеше до раните утрински часови во ексклузивниот ноќен клуб Cirque Le Soir во Сохо, пишува Yahoo Sports.

Ѕвездата на Баерн таму беше пречекана од толпа со прскалки на шишиња шампањ, а тој им се заблагодари кревајќи чаша. Иако беше во центарот на вниманието, Кејн одлучи да го прослави големиот успех со сопругата Кејти, родителите Ким и Патрик и неговите најблиски пријатели. На церемонијата и последователната прослава беше придружуван од сопругата Кејт и братот Чарли.

Некои од неговите поранешни соиграчи од Тотенхем дојдоа да го одбележат неговиот историски успех, па Ерик Дајер, Бен Дејвис и Мет Доерти беа видени на подиумот за танцување. Баерн, исто така, ја покажа својата поддршка, испраќајќи делегација од играчи и персонал во Лондон. Според „Мирор“, Кејн имал обезбедување кога ја напуштил забавата во раните утрински часови.

Видеата го воодушевија интернетот

Видеата од прославата каде што фудбалерот танцува со својата мајка, татко и сопруга набрзо се појавија на социјалните мрежи. Веселата атмосфера со музика и шампањ траеше до утрото. Видеата привлекоа големо внимание, а корисниците на социјалните мрежи беа особено воодушевени што Кејн одлучи да го сподели својот најголем професионален успех со своето семејство.

„Тој го заслужуваше сето ова и повеќе“, „Само треба да го сакате“ и „Тој го заслужуваше овој момент“, се само дел од коментарите од воодушевените фанови.

Посвети емотивен говор на својата сопруга

За време на доделувањето на Златната топка, Кејн особено ѝ се заблагодари на својата сопруга Кејти, на која ѝ посвети емотивен дел од својот говор. Тој ѝ рече дека таа е негов најголем поддржувач и дека без неа немаше да ги оствари своите соништа. „До мојата сопруга Кејт, мојата најдобра пријателка. Заедно поминавме низ подеми и падови. Ти си мојата најголема поддржувачка. Всушност, имав чувство дека ја посакуваш оваа награда уште повеќе од мене“, рече Кејн.

Тој, исто така, се присети на неизвесноста што ја доживеаа заедно додека ги чекаа резултатите.

„Знам колку беше тешко да те чекам, но еве нè - успеавме! Ти секогаш го сакаш најдоброто за мене, правиш жртви за да ми помогнеш да ги остварам моите соништа и знам дека тоа се и твои соништа. Ништо од ова не би било можно без тебе“, продолжи тој.

На крајот, тој нагласи дека Златната топка ја смета не само за свој успех, туку за успех на целото семејство. „Ова не е трофеј што го славам сам, ова е наш заеднички успех. Мој и твој, на нашите семејства и на сите наши најблиски кои беа со нас. Затоа сакам да ти се заблагодарам. Те сакам“, заклучи тој.

Тагови: Хари Кејн Златната топка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во близина на Берлин: Волк нападна девојче во зоолошка градина

Осумгодишно девојче е повредено кога било нападнато од волк во зоолошка градина во германската покраина Бранденбург, соопшти полицијата.

Драма во близина на Берлин: Волк нападна девојче во зоолошка градина

Девојчето е пренесено во болница со хеликоптер на брза помош, а во моментот на нападот покрај неа имало уште две деца и едно лице вработено во зоолошката градина, објави Дејли Меил.

Зоолошката градина, која е во приватна сопственост и се наоѓа на околу 45 километри јужно од Берлин, е привремено затворена. На сајтот на таа институција пишува дека меѓу другото во таа зоолошка градина живеат кафеави мечки, рисови, сиви и поларни волци.

Во 2016 година два лава избегаа од таа зоолошка градина, по што следеше голема полициска акција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер