Прва награда за студенти на ФЕИТ на натпреварот ICAMES во Истанбул - Канал 5

Прва награда за студенти на ФЕИТ на натпреварот ICAMES во Истанбул

 Петмина студенти од Факултетот за електротехника и информациски технологии (ФЕИТ) освоија прво место на натпреварот ICAMES 2018 (International cultural and Academic Meeting of Engineering Students),  во Истанбул.

Прва награда за студенти на ФЕИТ на натпреварот ICAMES во Истанбул

ICAMES претставува меѓународен натпревар за инженерство и култура на кој учествуваат студенти од речиси сите континенти во светот и 23 години, традиционално, го организира Универзитетот Богазичи во Истанбул. Годинава се одржуваше од 4 до 10 мај.

Ангела Попова, Ангела Најдовска, Илија Ивановски, Ведран Симовски и Виктор Рудан, под менторство на доц. д-р Живко Коколански, изработија проект, симулација од областа на енергетска ефикасност за зградата на ФЕИТ која ги интегрира конвенционалните и обновливите извори за енергија.

- Симулацијата е изработена во графичкиот програмски јазик LabVIEW и користи реални податоци од консумацијата на енергија на зградата на ФЕИТ за формирање неколку сценарија за заштеда на енергија и зголемување на енергетската ефикасност, објаснува доц. д-р Живко Коколански.

Проектната задача на наградените студенти се однесува на анализа на енергетската ефикасност на зградата на ФЕИТ според неколку релевантни критериуми: интеграција на обновливи извори за енергија, енергетски ефикасна фасада, намалување на врвна ангажирана моќност, енергетски ефикасно осветлување и друго. Овие критериуми се имплементирани во симулација која користи реални податоци и работи во реално време. Податоците се добиени од системот за менаџирање на енергија на ФЕИТ, кој непрекинато собира информации веќе две години. Во зависност од соодветниот критериум симулацијата предвидува намалување на расходите по основ на електрична енергија, и претставува добра основа за понатамошни истражувања кои дипломците и магистрантите на ФЕИТ може да ги искористат.

Натпреварот, каде вообичаено учествуваат околу 100 студенти од 20 различни земји, се реализира во три категории, односно конкретен проект, симулација и концепт, но се доделува и една тематска награда, која годинава беше „Зелена енергија“. Покрај официјалниот натпревар, се организираат и голем број социјални настани за интеркултурално зближување.

Според деканот на ФЕИТ проф. д-р Димитар Ташковски наградата е доказ за одличните услови за практична и теоретска работа на Факултетот за елекротехнички и информациски технологии.

Годинава на ICAMES 2018 партиципираа околу 70 учесници од 18 земји од светот, меѓу кои и Канада, Колумбија, Египет, Италија, Бангладеш, Украина, Индија, Македонија и други.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Расчистен случајот со оштетување канделабра во парк на подрачје на општина Карпош

На 12.06.2026 во 21:30 часот во Полициската станица Карпош е извршен разговор со 48-годишник од Скопје.

Расчистен случајот со оштетување канделабра во парк на подрачје на општина Карпош

Имено, по преземени мерки и постапување по пријава од општина Карпош, полициски службеници од СВР Скопје - Полициска станица Карпош дојдоа до сознание дека на 11.06.2026 во 21:30 часот на ул."Волгоградска", во близина на фитнес игралиштето, неговиот 13-годишен син оштетил и откорнал канделабра за улично осветлување.

По целосно документирање на настанот ќе бидат поднесени соодветни пријави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски на пуштање во употреба на Дом за стари лица во Илинден

Денес во 12:00 часот претседателот на Владата на Република Македонија, Христијан Мицкоски ќе присуствува на пуштање во употреба на Дом за стари лица „ПУСЗ Оаза by Adora“ во Општина Илинден.

Мицкоски на пуштање во употреба на Дом за стари лица во Илинден

За време на настанот предвидено е премиерот Мицкоски да даде изјава за медиуми .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сончево со мала до умерена локална облачност

Времето денес ќе биде сончево со мала до умерена локална облачност.

Сончево со мала до умерена локална облачност

Ќе дува слаб до умерен северозападен ветер. Минималната температура ќе биде во интервал од 7 до 17, а максималната значително ќе опадне во однос на денешната и ќе дбиде во интервал од 25 до 33 степени.

Во Скопје, претежно сончево. Ќе дува слаб ветер од северозападен правец. Минималната температура ќе се спушти до 13, а максималната ќе достигне до 32 степенa.

За време на викендов и во понеделник времето ќе биде претежно сончево со мала локална облачност. Во вторник локално, а во среда на повеќе места ќе има врнежи од дожд кои наместа ќе бидат поројни, проследени со повремено засилен ветер и појава на грмежи. Од четврток времето повторно ќе биде променливо облачно со сончеви периоди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер