Прв трејлер за новата серија „Диносауруси“ на Спилберг - Канал 5

Шоу биз

Прв трејлер за новата серија „Диносауруси“ на Спилберг

Нетфликс го објави првиот трејлер за новата документарна серија „Диносауруси“ (The Dinosaurs), чиј извршен продуцент е познатиот американски режисер Стивен Спилберг. 

Прв трејлер за новата серија „Диносауруси“ на Спилберг

Документарецот ќе пристигне на платформата следниот месец - на 6 март.

Раскажана од препознатливиот глас на „Оскаровецот“ Морган Фримен, приказната за овие праисториски суштества е пренесена преку најсовремени визуелни ефекти. Се работи за нов проект од продуцентската куќа на Спилберг, „Амблин ентертејнмент“ (Amblin Entertainment), и наградуваните автори на серијата „Живот на Земјата“. Новата документарна серија од четири епизоди ќе го следи еволутивниот пат на древните влекачи, од нивното потекло до нивното крајно истребување. Серијата го најавува оживувањето на праисторискиот свет на начин што не е виден досега, а гледачите веќе го изразија своето воодушевување од прикажаните први снимки, објави хрватски „Индекс“ (Index).

- Ова е приказна за диносаурусите каква што не сте виделе досега. Многу пред нашето време, тие владееле со изгубен свет. Проследете го издигнувањето и падот на најголемото царство на природата - од џиновите под кои земјата се тресеше, до грабливците на небото... Откријте ги тајните на диносаурусите, вели Фримен во трејлерот.

YouTube video

Обожавателите на документарни филмови за природата се воодушевени од новостите, според коментарите на интернет. Многумина од нив веднаш ја споредија серијата со филмовите за „Паркот Јура“ на на Спилберг. За два дена, трејлерот собра 3,7 милиони прегледи.

Серијата ќе прикаже широк спектар на видови - од гигантите со оклоп, како Стегосаурус и Анкилосаурус, и моќните грабливци како Алосаурус и Тираносаурус рекс, до пердувестите летачи како Анкиорнис и Лонгиптерикс.

Тагови: диносауруси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер