Прв пат во историјата Вардар против Реал Сосиедад - Канал 5

Прв пат во историјата Вардар против Реал Сосиедад

Вардар и Реал Сосиедад за прв пат во историјата вечерва на Националната арена во Скопје ќе одиграат заеднички натпревар .

Прв пат во историјата Вардар против Реал Сосиедад
До сега Вардар се нема сретнато со шпанска екипа, ниту, пак, Реал Сосиедад има играно против македонски тим. Единствено Селта Виго играл против Пелистер во рамките од Интер-тото Купот, и на два пати Шпанците триумфирале
- На фудбалски план, Македонија нема победа над Шпанија
- Младинските репрезентативци на Вардар Бобан Николов, Бесир Демири и Дарко Велковски оваа година настапија против Шпанија на европското првенство до 21 година. За Шпанците, пак, од тимот на Реал Сосиедад на таа средба играше само Микел Ојарзабал кој што влезе во второто полувреме
- Ова е прв настап на Реал Сосиедад во групната фаза од Лигата на Европа, откако во минатото играше само во групите од Лигата на шампионите
- Вардар ги чека првите бодови во групната фаза од Лигата на Европа
- На последните шест гостувања, Реал Сосиедад има пет порази и една победа. На последните четири домашни натпревари во Европа, Вардар има три победи и еден пораз
- Вечерашниот натпревар ќе го суди Алијар Агајев од Азербејџан. Тој има судено на Вардар во дуелот со АПОЕЛ во 2015 година кога во Никозија нашиот тим одигра без голови во првиот натпревар од 2. квалификациско коло од Лигата на шампионите
- Реал Сосиедад вечерва го игра својот 71-ви натпревар во Европа. Во досегашните 70 тимот од Сан Себастијан има 28 победи, 16 нерешени средби и 26 порази со гол разлика од 84:87. Вардар, пак, вечерва го игра својот 65-ти меч во Европа. До сега „црвено-црните“ имаат скор од 16 победи, 16 нерешени средби и 32 порази со гол разлика 32:65
- Играњето во групната фаза во Лигата на Европа е најголемиот успех на Вардар на меѓународна сцена во историјата. Најголемиот успех, пак, Реал Сосиедад го има направено во сезоната 1982/83. Тимот од Шпанија тогаш настапуваше во полуфиналето од Лигата на шампионите (тогашниот Куп на шампиони), и беше елиминиран од Хамбургер, подоцнежниот шампион во ова натпреварување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трамп: Путин ѝ попушта на Украина, би требало да биде поостар (ВИДЕО)

Американскиот претседател Доналд Трамп изјави дека рускиот претседател Владимир Путин малку омекнува во однос на војната во Украина, велејќи дека би можел да заземе многу поцврст став. 

Трамп: Путин ѝ попушта на Украина, би требало да биде поостар (ВИДЕО)

Тој, исто така, зборуваше за можноста да се сретне со севернокорејскиот лидер Ким Џонг-ун за време на посетата на Кина.

Путин малку омекнува, вели Трамп

Одговарајќи на новинарско прашање за ставот на Путин во однос на војната во Украина, Трамп ја даде својата оценка за рускиот претседател.

„Мислам дека малку омекнува. Мислам дека би можел да биде поцврст. Искрено, мислам дека би можел да биде многу поцврст. Верувам дека омекнува“, рече Трамп.

Тој додаде дека верува оти Путин би сакал да види крај на војната.

За Украина ќе се разговара со Путин и Си

Трамп објави дека војната во Украина ќе биде една од темите на неговите претстојни разговори со рускиот претседател Владимир Путин и кинескиот претседател Си Џинпинг.

„Ќе разговараме за мојата омилена тема, Украина. Украина ја губи Украина“, им рече Трамп на новинарите во Белата куќа пред да замине на азиска турнеја.

Тој додаде дека Русија, исто така, претрпе големи загуби во војната.

„Русија губи 25.000 војници месечно. Ќе разговараме за тоа“, тврди американскиот претседател.

Средбата меѓу Трамп, Путин и Си треба да се одржи во кинескиот град Шенжен за време на самитот на АПЕК. Една од главните теми ќе биде нуклеарното оружје.

Трамп ја остави отворена можноста за средба со Ким

Американскиот претседател, исто така, ја објави можноста за средба со севернокорејскиот лидер Ким Џонг-ун за време на неговиот престој во Кина.

„Можеби ќе се сретнеме и со Ким Џонг-ун“, рече Трамп, оставајќи ја отворена можноста за уште една средба.

Трамп и Ким се сретнаа три пати за време на неговиот прв мандат како претседател, последен пат во 2019 година. Оттогаш тие не се сретнале повторно.

Вашингтон се обидува да ги обнови разговорите со Северна Кореја за нејзината нуклеарна програма, а евентуалната средба во Кина би можела да го отвори патот за обновување на дипломатските контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Придвижија воз, долг 7,6 километри со 696 вагони- веруваат дека соборија светски рекорд (ВИДЕО)

Јужна Африка успешно лансираше товарен воз со необични димензии, долг 7,6 километри, со вкупно 696 вагони!

Придвижија воз, долг 7,6 километри со 696 вагони- веруваат дека соборија светски рекорд (ВИДЕО)

Овој огромен воз успешно го заврши пробното возење, а државната компанија Транснет верува дека ова постави нов светски рекорд за товарни возови.

Сериозен инженерски предизвик

Зафатот беше извршен на 18 октомври 2026 година на железничката пруга што го поврзува заливот Салдана, на западниот брег на земјата, со рударскиот регион на Северниот ’Рт. Во текот на два дена, возот помина приближно 860 километри и успешно ја заврши предвидената рута.

Зад овој проект стои сериозен инженерски предизвик. Преместувањето на речиси 700 меѓусебно поврзани вагони бара прецизна координација на моќноста на локомотивите и контрола на огромните сили што се јавуваат при забрзување, сопирање и минување низ одредени делови од железницата.

За да се постигне ова, Транснет користеше електрични и дизел-електрични локомотиви распоредени по целиот воз.

Сите локомотиви работеа синхронизирано, користејќи радио-базиран систем за дистрибуирана влечна сила познат како Радио Дистрибуирана Моќ. Оваа технологија овозможува влечење и сопирање да се распределат на различни точки по должината на возот, што го олеснува управувањето со екстремно долгиот воз.

YouTube video

Сите вагони беа празни

Интересен детаљ е што сите 696 вагони беа празни за време на пробното возење. Ова не беше нормална комерцијална операција, туку технички тест насочен кон испитување на однесувањето на воз од оваа големина и подобрување на идните операции за тежок транспорт.

Доколку резултатот биде независно потврден, тоа ќе значи дека јужноафриканскиот воз го надмина рекордот што го држи Австралија од 2001 година. Во тоа време, рударската компанија BHP користеше товарен воз од 7,353 километри со 682 вагони, објавува Diario UNO.

Транснет ќе ги анализира податоците собрани за време на пробното возење, а потоа ќе ги спореди со симулациите направени пред тестот.

Добиените податоци треба да помогнат во подобрувањето на распоредот на локомотивите, системите за сопирање и стратегиите за управување со екстремно долги товарни возови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Апел од родителите на повредената Сара - „Не сакаме протести, туку правда“

Семејството на Сара во разговор за порталот OHRID1 кажало дека не поддржува протести за случајот...

Апел од родителите на повредената Сара - „Не сакаме протести, туку правда“

Тие се заблагодаруваат за огромната поддршка од јавноста, но по последниот развој на настаните во Обвинителството и повторното определување притвор за осомничениот, велат дека во овој момент единствено им се потребни мир и закрепнување на нивната ќерка.

Родителите нагласуваат дека нивната борба нема никаква политичка заднина, ниту пак сакаат трагедијата на нивната ќерка да биде искористена за политички цели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер