Технологија

Прв пат во историјата е снимено спојување и разделување на атоми (ВИДЕО)

Научниците успеаја за прв пат во историјата да снимат видео на кое се гледа спојувања и раздвојувања на атоми, процес што се одвива во размер што е 500.000 пати помал од дијаметарот на човечко влакно.

Користејќи ги „напредните методи на микроскопија“, физичарите и хемичарите од универзитетот „Улм“ во Германија и универзитетот Нотингем во Велика Британија беа во можност да го снимат врзувањето, а потоа и раздвојувањето на два атоми со големина помеѓу 0,1 и 0,3 нанометри, пренесува Скај њуз.

За да го постигнат ова, тие користеле микроскоп за електронски трансмисија (ТЕМ) за да набљудуваат многу тенок примерок преку тенок зрак на високо-енергетски електрони. Јаглеродните наноцевки, тенки шупливи јаглеродни цевки, биле користени за да се фатат атомите и молекулите и да се позиционираат таму каде што е потребно.

"Заробивме неколку атоми на рениум (Re) кои се здружија за да се формира Re2. Бидејќи раниумот има голем атомски број, полесно е да го видиме со ТЕМ отколку полесните елементи, така што би можеле да го идентификуваме секој атом на тој метал како темна точка", рече хемичарот Андреј Хлобистов од Универзитетот во Нотингем.

Рениумот е инаку еден од најретките елементи во природата. Тој е со сребрено бела боја, сјаен и многу тврд метал со голема густина и голема точка на топење. Неговиот атомски број е 75.

Во видеото, може да се види како двата атоми на рениумот се спојуваат едни со други, а потоа се движат и вибрираат, пред да се разделат и да се скршат.

"Колку што знаеме, ова е прв пат да се забележи развој, формирање и раздвојување на атомска врска. Веруваме дека некогаш во иднината, електронската микроскопија би можела да стане вообичаено прифатена метода за проучување на хемиските реакции", рече Хлобистов.

Шоу биз

Стивен Спилберг откри за кој филм жали

Иако денес важи за еден од најуспешните режисери кои некогаш живееле, Стивен Спилберг зад себе има филмови за кои и денес жали.

И покрај тоа што работел на хорор филмовите „Jaws“ и „Poltergeist“, Спилберг смета дека вториот филм од серијата Индијана Џонс, „Indiana Jones and the Temple of Doom“, е премногу мрачен и не се гордее со тоа.

- Не бев задоволен од „Temple of Doom“. Беше премногу темно, премногу таинствено, премногу застрашувачко. Мислам дека беше пострашно од „Poltergeist“ – изјави Спилберг, пренесе „LADbible“ и додава „Нема ни зрнце мои чувства во „ Temple of Doom “. Проблемот со правењето продолженија е што не можеш да им угодиш на сите“.

Извор: Аваз

Здравје

САД ќе инвестираат милиони долари да се спречи ширењето на птичјиот грип кај стоката и луѓето

Американската сојузна влада планира да потроши милиони долари за спречување на ширењето на птичји грип во стадата и фармите за млеко за да се спречи вирусот да мутира и се прошири меѓу луѓето, изјави денеска службено лице.

Според експертите, вирусот моментално циркулира низ пилешките фарми и говедата меѓутоа неодамнешното префрлање на вирусот и кај млечните крави е причина за узбуна бидејќи постои загриженост дека колку подолго се шири меѓу животните може да ги инфицира и луѓето.

-Нашата мисија е да го запреме ова како настан исклучиво поврзан со животните. Конечно, сакаме да го елминираме вирусот во индустријата и со текот на времето да развиеме вакцина за да спречиме уште една појава на N5H1 во стоката, изјави денеска министерот за земјоделие Том Вилсак.

Инвестицијата доаѓа по критиките од страна на јавните здравствени експерти до владата дека не се тестира доволно стока или работници изложени на инфицираните стада, со што се загрозува способноста на САД брзо да одговори на мутациите на вирусот. Според новиот план, владата ќе ги компензира оштетените фармери за трошоците поврзани со вирусот и ќе ги финансира напорите за негово лоцирање и следење.

Досега е забележан само еден случај на човек заразен од птичји груп, и тоа во Тексас, каде првпат беше регистрирана епидемија меѓу млечни крави.

Сега, со новите напори за лоцирање на вирусот Министерството за земјоделие (УСДА) објави дека четири дополнителни стада во Мичиген и едно во Колораде се тестирани позитивни за птичји грип со што сега се инфицирани се вкупно 42 стада во девет држави. /МИА

Свет

Белгија: Помош од 9 мил. евра за санирање на оштетената енергетска инфраструктура на Украина

Белгија ќе додели дополнителна помош од девет милиони евра за да помогне во санирањето на оштетената енергетска инфраструктура во Украина, објави денеска белгиската министерка за развојна соработка Каролин Женез.

„Со помош на ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воената поддршка, и овие средства ќе помогнат да се изгради отпорноста на Украина", рече министерката.