„Газа, со својот голем народ и нејзината издржливост, повторно ќе се крене за да го обнови она што го уништи окупацијата и ќе продолжи по патот на непоколебливост додека окупацијата не биде поразена“, се вели во соопштението на Хамас објавено на вториот ден од прекинот на огнот во Газа, пренесе денеска „Гардијан“.

Во соопштението тие наведуваат дека „во текот на 471 ден, систематските злосторства на окупацијата не успеаја да го одвратат палестинскиот народ и неговиот храбар отпор да останат на земјата и да се спротивстават на агресијата“.

Повеќе од 46.000 Палестинци се убиени во Газа во израелските напади, според здравствените власти на територијата, а училишта, болници и друга инфраструктура, како патишта, се уништени во бомбардирањето. Војната во Газа започна откако Хамас го нападна јужниот дел на Израел во октомври 2023 година, при што, според израелски извори, загинаа повеќе од 1.200 луѓе и зедоа повеќе од 250 заложници. Договорот за прекин на огнот, кој стапи на сила вчера, вклучува и ослободување на заложниците кои ги држеше Хамас./МИА

Активирањето на овој механизам ќе му овозможи на Собранието на Северна Ирска, кое донесува закони во Северна Ирска, да се спротивстави на новите правила на ЕУ.

Пратениците унионисти во регионалното собрание во Белфаст, кои сакаат Северна Ирска да остане во Обединетото Кралство, минатиот месец сакаа првпат да го активираат овој механизам за да ја спречат примената на правилата на ЕУ за пакување и етикетирање на хемикалии.

Северна Ирска остана дел од единствениот пазар на ЕУ кога остатокот од Обединетото Кралство ја напушти Унијата. Водачот на Демократската унионистичка партија (ДУП) Гевин Робинсон рече дека одлуката на Велика Британија да го одбие активирањето на механизмот е сериозна грешка и дека Лондон треба да почне да се залага за Северна Ирска „наместо да се поклонува на диктатите на ЕУ“./МИА

- Денеска ќе потпишам серија историски извршни наредби. Со овие дејствија ќе ја започнеме целосната обнова на Америка и револуцијата на здравиот разум. Се работи за здрав разум, рече тој.

Трамп, исто така, ја истакна својата намера да прогласи национална вонредна состојба на јужната граница на САД.

Трамп, во првите минути на функцијата, рече дека прогласува „национална енергетска вонредна состојба“ за да помогне во намалувањето на цените, едно од неговите клучни предизборни ветувања.

Трамп во говорот истакна дека „инфлациската криза е предизвикана од огромното прекумерно трошење и ескалацијата на цените на енергијата“.

Новиот претседател, исто така, рече дека ќе го насочи својот кабинет да ги искористи „огромните овластувања со кои располага“ за да ја намали цената на стоките.

Трамп рече дека неговиот „живот бил спасен“ со милоста Божја за да ја направи Америка повторно голема, во врска со обидот за атентат врз него во Батлер, Пенсилванија за време на кампањата.

Трамп изјави дека денеска, 20 јануари 2025 година, е „ден на ослободувањето“.

- Се надевам дека нашите неодамнешни претседателски избори ќе останат запаметени како најголеми и најконсеквентни избори во историјата на нашата земја, рече Трамп за време на неговото инаугуративно обраќање.

Тој истакна неколку извршни активности што рече дека ќе ги преземе, вклучително и враќање на иницијативите за чиста енергија.

- Со моите постапки денес, ќе ставиме крај на Зелениот нов договор и ќе го отповикаме мандатот за електрични возила, спасувајќи ја нашата автомобилска индустрија и чувајќи го моето свето ветување пред моите големи американски работници во автомобилската индустрија, рече Трамп по што доби аплауз.

- Со други зборови, ќе можете да купите автомобил по ваш избор. Повторно ќе произведуваме автомобили во Америка со брзина за која никој не можеше да сонува дека е возможна пред само неколку години, рече тој.

Трамп вети дека „веднаш ќе почне со ремонт на трговскиот систем на САД за да ги заштити американските работници и семејства“.

- Ќе ги тарифираме и оданочуваме странските земји за да ги збогатиме нашите граѓани, рече Трамп за време на неговото инаугуративно обраќање. „За таа цел, формираме Служба за надворешни приходи за да ги собере сите тарифи, давачки и приходи“.

Тој додаде дека ова ќе донесе „огромни суми пари“ во касата на земјата „кои доаѓаат од странски извори“.

Трамп изјави дека денеска ќе го смени името на Мексиканскиот залив во Американски залив, истакнувајќи ги неколкуте активности што веднаш ќе ги преземе.

- Америка ќе го врати своето заслужено место како најголема, најмоќна, најпочитувана нација на Земјата – инспирирајќи стравопочит и восхит на целиот свет, рече Трамп. „За кратко време од сега, ќе го смениме името на Мексиканскиот залив во Американскиот залив“, додаде тој./МИА