Култура

Прв фолклорен фестивал на македонското малцинство во Албанија

Во организација на Македонското друштво „Илинден“, а со поддршка на Министерството за култура на Албанија по првпат во Тирана вечерва ќе се одржи „Фолклорен фестивал на македонското малцинство во Албанија“.

На оваа значајна манифестација за Македонците, ќе учествуваат фолклорната група “Браќа Мемишовци” од Орешек област Гора, фолклорна група од Требиште, област Голо Брдо, како и фолклорна група од Пустец, Мала Преспа, сите со македонски песни и ора од споменатите области.

Присутните ќе имаат пријатна можност да ги проследат и настапите на КУД „Илинден” од Струга и театарот „Скрб и утеха” од Скопје, кои се гости на вечерта.

-Очекуваме голема посетеност како од Македонците кои живеат во Тирана, така и од други делови на Албанија. Се надевам фестивалот да стане традиционален, изјави Никола Ѓурѓај, претседател на друштвото.

Според него, фестивалот не само што се организира за првпат, туку за првпат една ваква манифестација е подржана од страна на албанското министерство за култура.

Фестивалот ќе се одржи во Куклениот театар во Тирана, а влезот е слободен. /MИА

Фудбал

Де Брујне постави рекорд во Премиер лигата

Фудбалерот од средниот ред на Манчестер сити, Кевин Де Брујне стана сопственик на рекорд во англиската Премиер лига.

Белгиецот вчеравечер го одигра својот 18-ти првенствен натпревар на кој постигна две или повеќе асистенции. Тој е лидер по оваа статистичка категорија во историјата на лигата.

„Граѓаните“ победија со 2:0 и со 79 бода се на втората позиција на табелата зад Арсенал кој има 80, но и натпревар повеќе.

Оваа сезона 32-годишниот Де Брујне одигра 21 натпревар за Сити, постигна шест гола и беше творец на 16 асистенции. /МИА

Македонија

СДСМ: Опасни се најавите на ДПМНЕ за блокада на европскиот пат на државата

Блокада на нашата држава од една страна и внатрешни поделби од друга страна ќе предизвика огромна штета за иднината на државата.

Тоа е клучната опасност од доаѓање на власт на ДПМНЕ и режимот во најава.

Граѓаните кои ќе излезат на гласање на 8 мај мора да имаат предвид дека иднината на земјата е под сериозна закана.

Ако десничарската партија добие таква моќ, може да се соочиме со крај на нашата европска перспектива, крај на независните медиуми и крај на надежта за судство и правда додека во државата ќе растат тензии. Добро е познато како изгледа владеењето на режимот.

Затоа е потребна мобилизација на сите демократски, прогресивни сили, масовна излезност на 8 ми мај. Глас за СДСМ и Коалицијата е глас за просперитетна иднина.

Центар за комуникации на СДСМ

Македонија

„5CAST“: Во „На кавга со Иван / На кавга со Мирчевски “ гостува Ивона Талевска

Вечерва на 5CAST, на YouTube каналот на Канал 5 ТВ Македонија, во емисијата: “На кавга со Иван / На кавга со Мирчевски “ гостува Ивона Талевска.

“Кавгата” ќе ја почнеме од оваа премиса: Зошто според нејзе денес нема слобода на говор а имало во времето на режимот на Груевски?

Па ќе удриме една тура малку и за политичко-општествени моменти особено после минатонеделниот прв круг на избори…особено за профеноменот на Максим и контрафеноменот на Левица.