Проукраински демонстрации низ Европа на двегодишнината од почетокот на војната

Илјадници луѓе се собраа денеска во поддршка на Украина во градовите низ Европа, на втората годишнина од почетокот на руската инвазија врз земјата.

Со транспаренти на кои пишуваше „Русија надвор од Украина“, демонстрантите ја изразија својата поддршка, иако релативно мал дел од јавното мислење верува во победата на Киев, пренесува Бета.

Во Германија, околу 5.000 луѓе се собраа во Берлин носејќи украински знамиња и транспаренти на кои пишуваше „Брани ја Украина“ и „Вооружи ја Украина сега“.

Собири се одржаа и во Келн, Франкфурт, Минхен и Штутгарт.

Во Франција неколку илјади луѓе се собраа во неколку градови во знак на поддршка на Украина, а демонстрантите извикуваа „Путин е убиец“ и „Русија надвор од Украина“.

Собири се одржаа во Париз, Лил, Руан, Ница и Тулуз каде демонстрантите носеа големо жолто-сино украинско знаме. Покрај солидарноста, многумина изразија и загриженост, бидејќи на украинските сили им недостига оружје и муниција.

Во Лондон неколку илјади луѓе пешачеа од Хајд Парк до плоштадот Трафалгар носејќи украински знамиња.

Во Стокхолм, исто така, имаше неколку илјади луѓе собрани под слоганот „Русија надвор од Украина“.

Собир се одржа и во Белград со присуство на неколку стотици луѓе, а го предводеше украинскиот амбасадор во Србија, Володимир Толкач.

Во Италија неколку стотици луѓе учествуваа на митинг во Милано под слоганот „Победа за мир“, на иницијатива на проукраински здруженија.

Во Грција околу 400 луѓе се собраа во центарот на Атина.

И покрај поддршката, европските граѓани се песимисти во врска со шансите на Украина да победи во војната против Русија.

Според истражувањето на Европскиот совет за меѓународни односи, само десет отсто од испитаниците веруваат во победа на Украина.

Околу 20 отсто сметаат дека Русија ќе победи, додека 37 отсто веруваат дека војната ќе заврши со некаков компромис. /МИА

Женската репрезентација на Канада по 13 пат светски шампион во хокеј

Хокеарките на Канада ги победија САД ноќеска во финалето на Светското првенство во 2024 година и го освоија трофејот.

Натпреварот се одигра во Јутика, САД и заврши со резултат 6:5, по продолжение.

Кај Канаѓаните два гола постигна Ерин Амброуз, додека Џулија Гослинг, Емили Кларк, Даниел Сердачни и Мари-Филип Пулин имаа по една реализација. Головите за Америка ги постигнаа Лејла Едвардс, Меган Келер, Александра Карпентер, Хилари Хант и Керолин Харви.

Во мечот за третото место Финска ја победи Чешка со 3:2.

Репрезентацијата на Канада стана светски шампион по 13-ти пат. САД имаат 10 победи на Мундијалите. Ниту една друга репрезентација досега не го освоила Светското првенство.

ЈП Водовод и канализација–Скопје- лабораториски извештај за квалитетот и безбедноста на водата

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Неделен лабораториски извештај за квалитетот и безбедноста на водата за пиење ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 08.04.2024 до 12.04.2024 зема 158 примероци за физичко-хемиска и 158 примероци за микробиолошка анализа на вода за пиење од 45 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Казни за 85 возачи на територија на Свети Николе и Пробиштип

Во текот на вчерашниот ден во периодот од 12 до 17 часот во сообраќајна контрола на територија на Свети Николе и Пробиштип казнети се 85 возачи, соопштија денеска од МВР.

Од вкупниот број санкции, 12 се за возење без возачка дозвола, 11 санкции поради измината важност на сообраќајната дозвола, 15 мерки за прекршоци што ги прават возачите на мотоцикл, едно патничко возило е одземено поради истечена сообраќајна дозвола и предизвикување голема бучава... На сите прекршители, се додава во соопштението, изготвени им се соодветни поднесоци.

Сообраќајните контроли продолжуваат и во наредните денови.

притисни ентер