Протест за Палестина и на Оксфорд- десетици уапсени по судирот со полицијата (ВИДЕО)

Британската полиција денеска уапси десетина студенти на Универзитетот Оксфорд, а со некои од нив влезе во физичка пресметка за време на пропалестинскиот протест во кампусот.

Групата Оксфорд Акција за Палестина (ОА4П) соопшти дека администрацијата на универзитетот повикала полиција откако студентите почнале да протестираат во канцелариите на администрацијата, како што се случи во другите кампуси во Британија, САД и на други места во светот од почетокот на конфликтот во Газа.

Од полицијата велат дека се запознаени за настанот, а повеќе информации ќе дадат подоцна.

Администрацијата на универзитетот се уште нема официјален коментар, а претходно најави дека го почитува правото на слобода на изразување во форма на мирни протести.

Снимките објавени од ОА4П на социјалните мрежи покажуваат судири меѓу полицајци и студенти кои седеле на патот блокирајќи полициско комбе кое наводно превезувало приведени.

Демонстрантите бараа Универзитетот да ги прекине врските со компаниите поврзани со Израел, кој е во војна со палестинската милитантна група Хамас во Појасот Газа.

„Јасно е дека администрацијата претпочита да ги приведува, замолчи и физички да ги нападне своите студенти, наместо да се соочи со нејзиното олеснување на геноцидот што Израел го спроведува во Газа“, објави групата на X.

Демонстрантката Кендал Гарднер, студент по политички науки на Оксфорд, рече дека полицијата ги извлекла студентите од патот.

„Наидовме на екстремно насилство и непријателство“, изјави таа за Ројтерс.

Ијан Меккелен паднал од театарска сцена и се повредил

Сер Ијан Меккелен, последниве десетлетија познат по улогите во „Господарот на прстените“ и „Икс-мен“, паднал од сцена за време на театарска претстава во Лондон.

Британскиот глумец наводно се сопнал од реквизитите и потоа почнал да вика од болка, пишува „Дејли мејл“.

„Помогнете ми, моите раце...“ - повторувал Меккелен (85) во театарот „Ноел Кауард“, каде што глумел во „Кралски игри“ (Player Kings). Лекарите од публиката му пришле на помош, а набрзо пристигнала и брзата помош којашто го пренела глумецот в болница. Публиката беше изведена надвор од театарот со известување дека претставата е откажана. Од театарот потоа соопштија дека Меккелен се чувствува добро и се очекува брзо закрепнување, но додадоа дека, „за да му се даде време за одмор“, следната претстава што требаше да се одржи - е откажана.

- Сите беа преплашени кога тоа се случи, поради неговата возраст се плашевме дека тоа може да биде смртоносно за него, изјави еден посетител.

Инаку, претставата „Кралски игри“, со приказна сместена во Англија во раниот 15. век, игра во истиот театар до јули, а потоа треба да гостува низ театрите ширум Велика Британија. /МИА

Почина Стојан Андов

 На 89 годишна возраст почина Стојан Андов, првиот претседател на Собранието на самостојна Република Македонија.

Роден е 1935 година во Кавадарци, Република Македонија. Дипломирал на Економскиот факултет во Скопје, а магистрирал на Белградскиот универзитет.

Бил потпретседател на Републичкиот извршен совет, член на македонската делегација во Соборот на републиките и покраините и член на федералната влада во три мандати, каде се забележува неговата улога на преговарач во контактите на поранешна Југославија со експертите на ЕЕЗ (1971-1987).

Бил амбасадор на поранешна Југославија во Ирак (1987-1991 година).

Основач е на Либералната партија на Македонија и како нејзин претседател ја водеше Либералната партија до спојувањето со поранешната ДП 1997 година, кога стана претседател на Советот на новоформираниот политички субјект. По обновувањето на Либералната партија на Македонија, беше избран за член на нејзиниот Извршен комитет.

Избиран е за потпретседател на Либералната интернационала.

На првите повеќепартиски избори 1990 година, беше избран за пратеник во Собранието на Република Македонија и стана претседател на Собранието во јануари 1991 година.

На вторите повеќепартиски избори 1994 година, повторно беше избран за пратеник во Собранието на Република Македонија и за претседател на Собранието - должност што ја извршуваше до март 1996 година.

Беше избран за пратеник во Собранието на Република Македонија и на изборите во 1998 година.

Беше кандидат за претседател на Република Македонија на претседателските избори 1999 година.

На 30 ноември 2000 година повторно беше избран за претседател на Собранието на Република Македонија, функција што ја извршуваше до октомври 2002.

Тејтум: Трофејот ми значи цел свет

Најголемата ѕвезда на Бостон селтикс, Џејсон Тејтум е пресреќен што конечно успеа да дојде до шампионскиот трофеј во НБА-лигата.

-Шампионската титула ми значи како цел свет. Толку долго го чекавме овој момент. Проклето сум благодарен, беше првиот коментар на Тејтум по големиот успех.

Бостон селтикс рано утрово го совлада Далас маверикс со 106:88 и ја заокружи финалната серија со 4:1 во победи.

Титулата е 18-та за Бостон што е нов рекорд во историјата на НБА-лигата. /МИА

притисни ентер