Протест во Истанбул поради новиот закон за кучиња- илјадници ќе бидат убиени - Канал 5

Протест во Истанбул поради новиот закон за кучиња- илјадници ќе бидат убиени

Илјадници демонстранти се собраа денеска во Истанбул за да протестираат против неодамна донесениот закон за кој критичарите велат дека ќе доведе до убивање на кучињата скитници во засолништата.

Протест во Истанбул поради новиот закон за кучиња- илјадници ќе бидат убиени

Демонстрантите повикаа на укинување на законот, мавтајќи со плакати на кои пишуваше „Засолништата се логори на смртта“ и „Повлечете го крвавиот закон“, пренесува АП.

Според извештаите, меѓу насобраните има и поддржувач на претседателот Реџеп Таип Ердоган, иако неговата партија АКП го промовираше усвојувањето на контроверзниот закон.

Главната опозициска Републиканска партија поднесе барање за укинување на овој закон помалку од две недели по неговото усвојување.

Владата проценува дека околу 4 милиони кучиња скитници шетаат по улиците и руралните области во Турција, и иако повеќето се безопасни, околу 65 луѓе се убиени од кучиња скитници во последните две години.

Новиот закон бара општините да ги собираат кучињата скитници и да ги сместат во прифатилишта за да можат да се вакцинираат и стерилизираат пред да бидат ставени на посвојување.

Кучињата кои се болни, терминално болни или претставуваат ризик по здравјето за луѓето ќе бидат евтаназирани, а во првичната измена беа вклучени и мачки, но тој член бил променет по критиките на јавноста.

Критичарите прашуваат и каде општините ќе најдат пари за изградба на потребните дополнителни засолништа.

Активистите за права на животните изразија загриженост дека некои општини може да убиваат кучиња под изговор дека се болни, па затоа не мора да одвојуваат средства за засолништата.

Неодамна на социјалните мрежи кружеа видеа на кои се гледаат мртви мачки и кучиња закопани во ровови, а активистите тврдат дека по донесувањето на законот почнало неселективно убивање на скитници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Савески, до каде е кривичната пријава против Славески за Алта банка?

Времето поминува а обвинителството молчи за Кривичната пријава поднесена од СДСМ за Алта банка.

СДСМ: Савески, до каде е кривичната пријава против Славески за Алта банка?

Обвинителот Ненад Савески има обврска пред граѓаните да одговори: до каде е постапувањето по кривичната пријава против Трајко Славески и другите одговорни лица во Народната банка за Алта банка?

Дали е оформен предмет? Дали е определен обвинител што постапува?

Кои дејствија се преземени?

Кривичната пријава е темелна, опширна и со конкретни правни аспекти и основани сомневања за несовесно работење во службата и злоупотреба на службената положба и овластување.

Трајко Славески е директно одговорен, тој ја даде дозволата и како што самиот призна во координација со Мицкоски ја донесоа пералницата на Вучиќ, криминалната Алта банка во Македонија.

Луѓето сега не можат да дојдат до своите пари, пензионерите до своите пензии, загрозен е и банкарскиот систем.

Обвинителството мора бргу да реагира за да спречи уништување на докази, заташкување, криење на сметки и трансакции.

СДСМ веќе побара да се преземат законски мерки за заштита на доказите и спречување евентуално влијание врз сведоците, вклучително и да се побара привремена забрана за вршење на должноста на Славески.

Што е преземено од страна на Обвинителството?

Ниту една функција не смее да биде штит од одговорност.

Обвинителството не смее да биде последната линија на одбрана на власта.

Савески, јавноста очекува одговор: до каде е кривичната пријава за Алта банка?

Скопје, 16.13.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски: Денеска во Брисел остварив средба со Герт Јан Копман

Денеска во Брисел остварив средба со Герт Јан Копман, генерален директор на Генералниот директорат за проширување и источно соседство при Европската комисија, објави на совјот профил на Фејсбук, премиерот Христијан Мицкоски. 

Мицкоски: Денеска во Брисел остварив средба со Герт Јан Копман

Во фокусот на разговорите беа европската перспектива на Македонија, напредокот во реформските процеси и следните чекори во пристапувањето кон Европската Унија.

Нашата определба за членство во Европската Унија е јасна и недвосмислена. Македонија заслужува европска иднина, заснована на принципиелни односи, почитување и заштита на националните интереси, како и доследно спроведување на реформите во интерес на граѓаните.

Продолжуваме со посветена работа, исполнување на реформската агенда, одговорна политика и јасна визија за европска, стабилна и просперитетна Македонија, стои во објавата на Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Стапуваат на сила нови правила во Париз: Полицијата воведува забрана за собири во близина на училишта и факултети

Париската полициска управа, почнувајќи од денес па сè до петок, забрани ненајавени собири и протестни поворки во радиус од 100 метри околу десет средни училишта и пет универзитетски објекти во француската престолнина. 

Стапуваат на сила нови правила во Париз: Полицијата воведува забрана за собири во близина на училишта и факултети

Одлуката за забрана, донесена во неделата поради протестите, опфаќа одредени средни училишта во четвртиот, шестиот, осмиот, единаесеттиот, тринаесеттиот и седумнаесеттиот париски округ, пренесува денес BFM.

Забраната се однесува и на Техничкиот факултет при Универзитетот Сорбона, кампусот „Пари-Сите“ (Paris Cité), центрите „Рене-Касен“ и „Лурсин“ на Универзитетот Пантеон-Сорбона, како и на дел од Универзитетот Пантеон-Асас.

„Забележани се бројни инциденти и блокади во близина на одредени средни училишта и високообразовни институции во Париз и неговата околина, како дел од едно општествено движење чиј обем и насилство не стивнуваат“, изјави шефот на париската полиција, Патрис Фор, образложувајќи ја одлуката.

Како што појасни тој, овие инциденти резултирале со „уништување на јавен имот, пожари, сериозно насилство врз припадници на образовната заедница, како и судири со органите на редот“.

Тој додаде дека од почетокот на движењето во Париз се приведени 1.548 лица. Шефот на полицијата оцени дека блокадите се предводени „главно од малцинство ученици“, но дека тие ја ограничуваат слободата на движење на сите останати, како и основното право на образование.

„Тие го поттикнуваат гневот кај родителите на некои ученици, кои сакаат да се стави крај на блокадите, што доведе до тензии меѓу тие родители и мобилизираните средношколци“, заклучи тој. Во петокот, градоначалниците на осумте париски окрузи побараа од ректоратот да преземе мерки со кои ќе се овозможи обезбедување на влезовите во блокираните средни училишта, како и излезите од тие установи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер