Бараат да им се исплатат 24 заостанати плати и 2 ипол години стаж на над 500 стечајци. Велат дека веќе една деценија никој од надлежните немал слух за нивните барања, а тие ќе продолжат со протести се додека не се реши нивниот случај.

„Ние ќе продолжиме се додека не се остварат нашите права. Не остапуваме од тоа. Ние работевме, ние си го заслужуваме сето тоа. Не можеме да им остаиме на нив да речат Готово! со „Треска“, се руши се градат напулитанки. Па од тие напулитанки што ќе ги градат едно приземје и еден спрат нека продадат нека не обештетат. Тогаш ќе се повлечеме, ние ништо повеќе од тоа не сакаме, “ вели Виолета Атанасиева, стечаец од „Треска“ .

„Сите се обештетија. Парите што ги земаат од кириите од “Треска“ ги зема државата. Па само државата ли ќе ни ги зема парите ?! Кај сме ние, кои сме ние ?! 24 плати заработени, изработени, земено пари. Имаме уште имот во „Треска“ надвор, само една да се продаде ќе се подмират побарувањата на вработените. Но, не сака никој ни да мрдне,“изјави Димитрија Мицевски, стечаец од „Треска“.

Отткако во 2003тата отиде во стечај „Треска“ изминатиов период е повторно актуелна во јавноста по сознанијата дека според планираниот ДУП на таа локација е предвидено да никнат висококатници. Планот за градење нови згради во Центар ги разгневни и активистите и архитектите кои покренаа и иницијатива до Општината да се распише оглас за тоа како да се уреди просторот на атрактивната локација. Надлежните пак уверуваат дека за судбината на имотот на „Треска“ ќе бидат прашани граѓаните.