Проштално обраќање на Бајден: Во САД се создава „опасна“ олигархија, закана за демократијата - Канал 5

Свет

Проштално обраќање на Бајден: Во САД се создава „опасна“ олигархија, закана за демократијата

 Во САД се создава „опасна“ олигархија, закана за демократијата и слободата.

Проштално обраќање на Бајден: Во САД се создава „опасна“ олигархија, закана за демократијата

Џо Бајден, претседател на САД во заминување, во проштално обраќање синоќа од својот кабинет во Белата куќа предупреди дека во Америка се формира „опасна“ олигархија која е закана за демократијата и слободниот свет.

Во обраќањето, Бајден подвлече заклучоци од неговата полувековна политичка кариера.

-Во Америка денес се формира олигархија на екстремно богатство, моќ и влијание, која навистина е закана за нашата демократија и нашите основни права и слободи, изјави тој.

Бајден, кој е на возраст од 82 години, го критикуваше екстремно богатиот „технолошко-индустриски комплекс“ кој, според него, може да ја злоупотреби власта на штета на Американците.

Во своето последно телевизиско обраќање од Белата куќа тој упати предупредувања и за климатските промени и дезинформациите на социјалните мрежи.

Бајден ја пофали работата на неговата администрација, и истакна дека се отвориле рекорден број нови работни места, се инвестирало во инфраструктура, здравствената заштита и дека земјата излегла пандемијата и станала побезбедна.

-Ќе биде потребно време за да се почувствува целосниот ефект од сето она што го направивме заедно, но семето е посеано, и тоа ќе расти и ќе цвета со децении.

Бајден посака успех на доаѓачката администрација на Доналд Трамп, но потоа упати низа остри предупредувања, наведувајќи дека „многу е ставено на коцка во овој момент“.

За климатските промени, тој рече дека „моќни сили сакаат да го искористат своето неограничено влијание за да ги елиминираат нашите напори за справување со климатските промени за задоволување на нивните сопствени интереси за власт и профит.“

За дезинформациите, Бајден предупреди дека „Американците се затрупани од лавина дезинформации и погрешни информации, а тоа овозможува злоупотреба на власта.“

Тој исто така упати директна критика против социјалните мрежи како Мета, која што неодамна објави дека ќе ја запре независната проверка на факти. „Социјалните мрежи се откажуваат од проверката на факти. Вистината се гуши од лаги кажувани само за да се добие власт и профит,“ кажа Бајден.

Неговата критика кон ултрабогатиот „техно-индустриски комплекс“ е алузија за Илон Маск, најбогатиот човек во светот, кој е близок со Трамп и обезбеди огромна финансиска поддршка за неговата кампања.

Други технолошки директори, како Џеф Безос и Марк Закерберг, во изминатит пероид сторија многу да ги пододбрат односите со Трамп пред неговото враќање во Белата куќа.

Завршувајќи го својот говор, Бајден ги повика Американците нa „будност“ за својата земја: „Да бидете сите чувари на пламенот.“

Обраќањето на Бајден дојде веднаш откако тој објави договор за прекин на огнот меѓу Израел и Хамас. Рече дека тое биле едни од најтешките преговори во неговата кариера и ја истагна заслугата за помошта на САД во постигнувањето на договорот.

Според договорот прекинот на огнот започнува од 19 јануари, еден ден пред инаугурацијата на Трамп кој исто така си зеде заслуга за договорот, велејќи дека бил возможен само затоа што тој победил на изборите во ноември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голема сообраќајна несреќа со повеќе возила во Кенија: Најмалку 17 загинати

Бројот на загинати во несреќата со повеќе возила на автопатот кон крајбрежниот град Момбаса во Кенија се искачи на 17, соопшти полицијата.

Голема сообраќајна несреќа со повеќе возила во Кенија: Најмалку 17 загинати

Во соопштението се наведува дека несреќата се случила во текот на ноќта во областа Салама, откако возач на камион не успеал да престигне друго возило, што довело до судири со други возила – вклучително и комбе – пренесе АП.

Полицијата претходно соопшти дека во несреќата загинале најмалку 13 лица.

„Луѓето патуваа кон место за молитва во округот Накуру, западно од кенискиот главен град Најроби“, изјави Мартин Кивува, надбискуп на Католичката надбискупија во Момбаса.

Сообраќајните несреќи се сериозен проблем низ цела Африка.

Тие често се припишуваат на лошото одржување на возилата, прекумерната брзина и лошата состојба на патиштата.

Извор: Б92

Тагови: Кенија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер