Македонија

Проширувањето на ЕУ е во срцето на данското претседателство со Советот на ЕУ

Проширувањето на ЕУ е во срцето на данското претседателство со Советот на ЕУ, а Македонија треба да ја искористи сегашната желба кај Унијата да се прошири.

Проширувањето на ЕУ е во срцето на данското претседателство со Советот на ЕУ, а Македонија треба да ја искористи сегашната желба кај Унијата да се прошири, порача данската амбасадорка во земјава со седиште во Белград, Перниле Деилер Кардел во македонското Собрание. Презентирајќи ги приоритетите на данското претседателство за периодот јули-декември 2025 година, кажа дека прв приоритет за нејзината земја е безбедна и обединета Европа, покрај со Украина и Молдавија и со земјите од Западен Балкан. Таа призна дека руската агресија во Украина била, како што рече, повикот за будење во ЕУ, а Данска била меѓу земјите во ЕУ каде имало умори резерви за прширувањето, но сега околностите, вели, се променети.

Македонија со сите ограничувања, често и со висока политичка цена, останува посветена на европсиот пат, но Копенхашките критетериуми и евроспките вредности, а не билатералните условувања и непринципиелни вета треба да бидат мерило за напредокот на земјите, порача министерот за европски прашања Орхан Муртезани.

-Најважната порака што ја имам денес за вас е можноста за проширувањето која што е поголема сега отколку што била многу подолго време. Би сакале да ја видиме Македонија како дел од следната група земји што ќе станат членка на ЕУ. Знаете што треба да се направи, а ние сме тука да ви помогнеме, да ве поддржиме тоа да се случи. Важно е да се искористи можноста, не може да се гарантира меѓутоа можноста за проширувањето е тука. Ги знаеме предизвиците меѓутоа се работи за заедничка работа отколку да бидеме оставени на страна цело време. За да се осигураме дека оваа убава земја во следното проширување ќе стане земја членка на ЕУ, изјави данската амбасадорка Перниле Деилер Кардел.

-Условувањата што излегуваат надвор од европското правно наследство, наметнувањата што го поткопуваат кредибилитетот на процесот, непринципиелните вета и инсистирањето на билатернални прашања што е предуслов за отворање на кластерот фундаментални вредности не се само неправда тоа е всушност состемски удар врз ЕУ, изјави Муртезани.

Амбцијата на данското претседателство да се посвети на обединета и проширена Европа ја поздравија и македонските пратеници. Доколку ЕУ навистина сака да се обедини со Западен Балкан и Македонија, наместо декларативни пораки треба да спречи некои земји да го злоупотребуваат своето членство и со билатерални прашања и идентитески прашања да ги блокираат процесите за земјава, беа дел од пораките на пратениците.

Вториот клучен сет на приоритети на данското претседателство кои беа презентирани денес се конкурентна и зелена Европа со акцент на подобра животна средина и справување со ефектите од климатските промени.

Тагови: Данска ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Дали ова е најбизарниот спорт во светот? Натпреварувачки се удираат по задникот

Натпреварувачки се удираат по задникот, дали е ова најбизарниот спорт?.

Ако мислевте дека сте ги виделе сите можни боречки спортови, Романците најдоа начин да ги изненадат сите. Промоцијата RXF организира натпревар наречен „Booty Slap“, во кој жените се удираат со дланка по задникот.

Форматот е прилично едноставен. Две натпреварувачки стојат една спроти друга и наизменично упатуваат силни шлаканици со отворена дланка по задникот на противничката.

Според тековните правила на RXF, дуелот се состои од вкупно десет шлаканици, а победничката се одредува врз основа на силината на ударот – односно штетата што ја предизвикуваат ударите.

🍑 Romania has butt-slapping competitions Romanian promotion RXF even has a separate discipline called Booty Slap: contestants take turns slapping each other on the butt, with the winner decided by the force and effect of the hits. So… where do you sign up to be a judge?
— NEXTA (@nexta_tv) September 16, 2026

Натпреварувачките мора да имаат најмалку 18 години, а пред мечот нанесуваат специјална супстанца на рацете за да го максимизираат ефектот на шлаканиците. За разлика од класичниот „Power Slap“, целта овде не е да се нокаутира противничката со удар во главата.

Наместо тоа, натпреварувачките се стремат да зададат што е можно посилна шлаканица, принудувајќи ја ривалката да изгуби рамнотежа или едноставно оневозможувајќи ја да ја издржи болката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бред Пит ја „загубил“ девојката на свадбата на Тејлор Свифт

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси накратко ја изгубил од вид својата девојка, Инес де Рамон.

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси – настан одржан на 3 јули во њујоршкиот „Медисон Сквер Гарден“, кој тој го опиша како „свадба на векот“ – накратко ја изгубил од вид својата девојка, Инес де Рамон, на преполниот подиум за танцување.

„Тоа беше неверојатна ноќ“ .

Говорејќи на премиерата на филмот *Heart of the Beast*, актерот раскажа дека тој и Инес поминале „10, можеби 12 часа“ на свадбата, на која присуствувале околу 1.000 гости, истакнувајќи дека тоа била „неверојатна ноќ“.

Поради правилото што им забранувало на гостите да ги користат своите телефони, Пит рече дека накратко ја изгубил Инес од вид во гужвата на подиумот, но брзо ја пронашол со помош на другите гости, додавајќи дека целата прослава била внимателно испланирана, емотивна и многу забавна.

Двојката, која е заедно од 2022 година, ја официјализираше својата врска на Инстаграм за време на свадбата.

Инаку на свадбата на векот меѓу истакнатите гости беа Џиџи Хадид, Бредли Купер, Ед Ширан, Сабрина Карпентер, Хју Грант, групата „Хаим“ и Том Хенкс.

Во меѓувреме, новиот филм на Пит, *Heart of the Beast*, пристигнува во кината на 23 септември, според „Филм-њуз“ (Film-News).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН едногласно ја усвои Резолуцијата на Македонското друштво „Илинден“-Тирана

Федералната унија на европските националности (ФУЕН), на својот конгрес што се одржува во Хелсинки, Финска, денеска едногласно ја усвои Резолуцијата поднесена од Македонското друштво „Илинден“-Тирана.

Овој чин претставува уште еден голем дипломатски и институционален успех за македонското национално малцинство во Република Албанија.

Со усвоената резолуција, ФУЕН упатува четири клучни барања до албанските и меѓународните институции:

1. Ратификација на Европската повелба: Република Албанија итно да ја потпише и ратификува Европската повелба за регионални или малцински јазици.

2. Заштита на идентитетот: Да се преземат ефективни и конкретни мерки за заштита на македонскиот идентитет од зачестените притисоци, негирања и асимилација.

3. Зачувување на Општина Пустец: Општина Пустец да остане посебна единица на локалната самоуправа и во рамките на претстојната нова административно-територијална реформа во Албанија.

4. Преименување: Општина Пустец официјално да се преименува во Општина Преспа.

Веднаш по гласањето на делегатите, претседателот на Македонското друштво „Илинден“-Тирана, Никола Ѓурѓај, во изјава за весникот „Македониум“ го истакна значењето на овој момент.

„Ова е значаен чекор за зачувување на македонскиот јазик, идентитет, култура и сите права на Македонците во Република Албанија. Веќе 11 години, како рамноправна членка на ФУЕН, активно учествуваме во работата на оваа реномирана европска организација и ги застапуваме интересите на нашиот народ. Ова е можност за нови искуства, зајакнување на соработката со другите национални малцинства во Европа и дополнителна афирмација на македонскиот идентитет, јазик, култура и традиција. Со голем гордост го претставуваме македонското национално малцинство на европско ниво“, изјави Ѓурѓај.

Резолуцијата во најкраток рок ќе биде официјално доставена до сите релевантни албански државни органи, како и до клучните меѓународни и европски институции за заштита на човековите и малцинските права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.