Здравје

Просечно 10 до 15 луѓе дневно се јавуваат на брза помош поради мозочен удар

Расте бројот на граѓани со мозочни удари во Македонија. Дури 10 до 15% од вкупниот број на дневни повици кон итната помош се токму за мозочни удари.

Само во Скопје во просек 10 до 15 луѓе дневно се јавуваат на Брза помош поради мозочен удар, состојба која повеќе не е болест само на повозрасната популација, а речиси секој втор граѓанин влегува во ризичната група поради начинот на живот, нивото на стрес, дебелината и хроничните состојби како висок притисок и срцеви заболувања, нездрава исхрана и физичка неактивност, алармираат невролозите.

Од службата за Брза помош кои се првите што асистираат за пациентот со доживеан удар на време да добие терапија за да се избегне поголем инвалидитет велат дека клучно е да се препознаат симптомите кои вклучуваат парализиран дел на телото, одземена страна на лицето и отежнат говор, за веднаш да се знае дека во ваков случај не помагаат шеќер и вода, туку неопходна е итна лекарска грижа.

Од невролошкото здружение денеска организираат скрининг низ цела Македонија и преку прегледи на крвниот притисок и шеќерот утврдуваат кои граѓани имаат ризик за мозочен удар и им даваат совети. Помеѓу нив, имаше и такви кои пред неколку месеци доживеале удар, па и тие добиваа медицински препораки.

Инаку, само лани регистрирани се 25.000 случаи на мозочни удари во Македонија, а најмладиот пациент на Клиниката за неврологија со ваква состојба е тинерџер на 14 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Приведени две лица во Охрид поради агресивно однесување кон полицајци

Министерството за внатрешни работи соопшти дека во Охрид се уапсени две лица поради агресивно однесување кон полициски службеници.

-На 31.10.2026 во 22.35 часот, во угостителски објект во Охрид, приведен е А.Н.(46) од Охрид кој претходно бил агресивен кон полициските службеници кои извршиле контрола во објектот и затекнале малолетни лица кои биле послужени со алкохолни пијалоци. По целосно документирање на настанот, против него и против правниот субјект, ќе биде поднесена соодветна пријава.На 01.11.2026 година во 03.08 часот, на паркинг простор во Охрид приведен е Г.Н.(28) од охридско село кој го нарушил јавниот ред и мир со викање а потоа и со агресивно однесување кон полициските службеници кои вршеле службени дејствија. По целосно документирање на настанот, против него ќе биде поднесена соодветна пријава, стои во соопштението од МВР.

Тагови: охрид полицијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Охрид приведен радовишанец поради напад на сопругата

Во Охрид е приведен 50 годишен жител на Радовиш поради семејно насилство.

-На 31.10.2026 година во 19,30 часот, во СВР Охрид лишен од слобода е О.О.(50) од Радовиш, по претходна пријава дека во дом во Охрид каде привремено престојувал, физички ја нападнал неговата сопруга. По целосно документирање на настанот, против него ќе биде поднесена соодветна пријава, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Италијанците воодушевени од Лука Модриќ

Милан победи против Интер со резултат 3:1 во големото градско дерби, а асот на црвено -црните, Хрватот, Лука Модриќ уште еднаш беше еден од најистакнатите актери.

Хрватскиот играч за врска ги одигра сите 90 минути, а италијанските медиуми беа особено воодушевени од неговиот потег што му претходеше на третиот гол на „росонерите“.

Како што пренесува „Тутомеркатовеб“ (Tuttomercatoweb), по прекршокот на Николо Барела врз Јунус Муса, Диего Мореира му пријде на Модриќ и побара од него да му го препушти изведувањето на слободниот удар.

Искусниот играч од средниот ред се согласи, а Белгиецот упати спектакуларен удар преку „живиот ѕид“ и го совлада Жозеп Мартинез за конечни 3:1. За својата игра, Модриќ доби оценка 7,5 од порталот „MilanNews“, при што беше спореден со диригент кој управува со играта на целиот тим.

„Тој ја презема улогата на диригент и го води целиот оркестар на Милан, го одредува ритамот на играта и го менува темпото кога е потребно.

Семоќен и величествен“, се наведува во образложението. Највисока оценка, 8,5, доби стрелецот на спектакуларниот гол, Диего Мореира, додека Адриен Рабио, Мајк Мењан и Страхиња Павловиќ беа оценети со 7,5.

Тагови: Лука Модриќ Милан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.