Салман Салехигударза е ирански јасновидец кој ја предвиде судбината на Трамп и глобалната криза. Неговите пророштва за Блискиот Исток и Русија се остваруваат.

Додека светските лидери свикуваат итни состаноци, а Блискиот Исток повторно беснее, зборовите на овој човек кој живее далеку од престолнината и телевизиските камери стануваат сè повеќе популарни на Интернет. Салман Салехигударза е јасновидец од иранската покраина Мазандаран кој со години предупредуваше за она што се случува деновиве.

Старецот живее во осамена пештера во планините. Се зборува дека комуницира со душите на мртвите и ја гледа судбината на земјите толку јасно како што обичниот човек го гледа изгрејсонцето. Многу од неговите пророштва веќе се остварија. Во 2019 година, тој говореше за претстојните војни и катаклизми. А 2020 година, тој ја предвиде ерупцијата на планината Таал на Филипините.

„Сè што се случува на Земјата е предизвикано од човечката рака. Се уништуваме самите себеси. Вулканите на Исток наскоро ќе еруптираат. И тоа нема да биде Божја волја. Тоа ќе биде реакција на Земјата на она што ние го правиме“, рекол тогаш Салман.

Трамп и Иран: Предупредување кое беше игнорирано

Доналд Трамп порано заземаше најважното место во пророштвата на старецот. Салман го нарече непредвидлив и предупреди дека неговите политички амбиции ќе доведат до голема катастрофа.

„Овој човек навистина сака моќ географски, односно да ја прошири својата географија“, јасновидецот не штедеше на зборови.

Ваквите тврдења долго време звучеа како широко поставена политичка проценка, но добија нова тежина на 28 февруари 2026 година, кога Трамп го потврди учеството на Соединетите Држави во операцијата против Иран, претставувајќи го овој потег како превентивен удар за да елиминира заканата за Америка и светот.

Што ги очекува Русија и Европа?

Покрај овие настани, од особен интерес се предвидувањата на Салман за иднината на Русија.

Тој тврдеше дека на земјата ќе ѝ претходи период на големи превирања и нестабилност, но дека ќе излезе посилна од кога било и на крајот ќе заземе водечко место во светот.

„Руската духовност ќе се издигне. За две години (од 2022 година), Русија ќе има многу светла иднина. Ќе стане многу силна сила во светот, најсилна. Многу земји ќе бидат почестени што ѝ се пријатели со Русија“, предвидел тогаш јасновидецот.

Во неговите толкувања, Русија е претставена не само како воена или политичка сила, туку и како држава која, како што рекол, ќе доживее духовен подем и ќе добие посебен углед меѓу другите нации. Според овие тврдења, соработката со Москва во иднина ќе биде прашање на престиж за многу земји.

Европа, како што рекол тој, се соочува со поинаква судбина. „Напливот на бегалци предизвикани од акциите на САД ќе го преплави Стариот свет. А сегашните европски лидери не се способни да се справат со овие предизвици“. Салман беше особено остар во критиките упатени кон Емануел Макрон.

„Веднаш можам да видам дека овој човек донесува одлуки само врз основа на своите чувства. И потоа не е сигурен дали донел правилна одлука. Тој е неодлучен. Амбициозен е, но никогаш ништо нема да постигне во својата област“, ​​го опишал иранскиот јасновидец францускиот претседател.

За Ангела Меркел има кажано дека е многу урамнотежена, со стабилна психа и секогаш ги постигнува своите цели.

Судбината на Иран

Уште во 2020 година, старецот рекол: „Нашата земја има одлична иднина пред себе, иако тоа нема да биде без тешкотии“.

Најсериозните пораки Салман Салехигударза ги упатил токму на Иран и поширокиот Блиски Исток. Тој предупредил на истовремени надворешни притисоци и внатрешни превирања, тврдејќи дека светот влегува во период во кој последиците од човечката алчност, суета и агресија ќе стануваат сè повидливи. Шест години подоцна, сме сведоци на нападот на Америка и Израел врз неговата родна земја.

Според него, луѓето сè повеќе влегуваат во конфликт поради личен интерес, без да бидат свесни за обемот на последиците што можат да ги произведат таквите одлуки. Поради ова, неговите пораки честопати звучеа како мрачно предупредување пред настаните кои веќе не можат лесно да се спречат.

Планетата е уморна

Самиот Иран, според предвидувањата на Салман Салехигударза, се соочува со тешки искушенија. Надворешните закани ќе ги влошат внатрешните превирања. Но, главното предупредување на овој јасновидец се однесува на целата планета.

„Луѓето стануваат зли, му нанесуваат голема штета на својот народ и започнуваат војни. Тие го прават ова само од суета“, рекол тој уште во 2019 година.

Земјата, како што кажал, е уморна од човечката нечистотија. И ќе реагира. Вулкански ерупции, војни, глад - сето ова едноставно е реакција на планетата на она што ние го правиме.

„Земјата ќе одговара за делата на оние кои се капат во крв. Прашина - тоа е она што нè чека. Сè ќе се претвори во прашина ако човештвото конечно не се освести“, се обидел да предупреди старецот.

Денес, додека Блискиот Исток беснее, и претстои закана од ескалација на конфликтот помеѓу Иран и САД во глобална катастрофа, зборовите на овој планински пустиник звучат како последно предупредување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.