Македонија

Пропаднаа измните на Изборниот законик: Европскиот фронт го блокираше влезот на независните кандидати на изборите

Не поминаа измените на Изборниот законик со кои требаше да се регулира учеството на независните кандидати на локалните избори.

Предлогот на пратениците од власта независните листи за советници и кандидати за градоначалници да соберат потписи од 0.95 проценти од запишаните во Избирачкиот список за конкретната општина или Град Скопје, со амандман на комисиска расправа беше намален на 0,5 отсто. Откако предлог измените се вратија на пленарна собраниска седница, за нивно усвојување гласаа 67 пратеници додека 18 беа против, но во гласањето на немнозинските заедници, 11 гласаа „за“, а 18 пратеници „против“, со што предлог измените не беа усвоени бидејќи немаше бадентерово мнозинство.

Против гласаа пратениците од Европски фронт предводени од ДУИ. Од власта обвинија за злоупотреба на бадентеровото мнозинство и обид за политички пазар.

Уште на стартот на вонредната собраниска седница пратениците од ДУИ најавија дека нема да гласаат за предлог измените бидејќи не биле консултирани. Алијанса за албанците пак првично најавија поддршка само ако Владата ја укине одлуката за намалување на бројот на советници во општините а што е поврзано со нерезидентното население.

Проблемот околу учеството на независните кандидати на локалните избори настана откако Уставен суд укина членови од Изборниот законик со кои се крена прагот за собирање потписи за независните кандидати и листи што планираат да учествуваат на избори. И покрај тоа што претседателот на Државната изборна комисија, Борис Кондарко, рече дека на локалните избори ќе може да учествуваат и независни кандидати без собирање потписи, дел од независните организации почнаа со активности за формирање на политички партии.

Тагови: собрание

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Дојдовме до точка нула, а бевме во длабок минус, од сега очекувам само раст

Индустриското производство бележи позитивни движења.

Прометот во индустријата е зголемен за над 5,5 отсто во споредба со третиот квартал минатата година, изјави премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Повеќе од 30 членови на СДСМ од Ѓорче Петров преминаа во Движење ЗНАМ

Повеќе од 30 членови на ОО СДСМ - Ѓорче Петров ја напуштија партијата и пристапија кон Движењето ЗНАМ – За Наша Македонија.

Овој чекор е уште една потврда дека се поголем број граѓани ја препознаваат политиката на ЗНАМ како автентична, принципиелна и посветена на интересите на граѓаните.

Состојба во која се наоѓа СДСМ, отсуството на јасна политичка визија и губењето на довербата кај граѓаните се дел од причините поради кои членството ја напушта партијата.

Новите сопартијци ги пречекаа Генералниот секретар на Движење ЗНАМ, Горан Минчев и претседателот на ОО Движење ЗНАМ - Ѓорче Петров, Славољуб Тотиќ.

ЗНАМ продолжува да ги отвора вратите за сите чесни, искрени и принципиелни луѓе кои сакаат да придонесат за поинаква, одговорна и достоинствена политика.

Центар за комуникации и аналитика

ЗНАМ

Тагови: ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Дали измените на законот за спречување семејно насилство ќе дадат резултат, што покажуваат искуствата во Европа?

Ниту еден случај на фемицид, ова според светските медиуми е билансот во Шпанија, по воведувањето на мерката електронска нараквица за следење на потенцијалните насилници воведена во 2009 година.

Од тогаш под заштита биле ставени над 20 илјади жени, а користени биле речиси пет илјади активни уреди.

Според искуствата во Шпанија и Португалија, Електронската алка меѓудруогото создала силен психолошки ефект врз насилникот, а постојаното чувство на надзор го одвраќа од прекршување на забраните. Од друга стана, на жртвата ѝ обезбедува поголемо чувство на сигурност.

Како Ваквиот модел во најава ќе се одрази во Македонија, преку новите законски измени. Психолозите сметаат дека ваквата мерка може да има само позитивен ефект.

,,Сигурно дека ќе се чувствуваат побезбедно ако знаат дека оној којшто го врши насилството е под контрола и дека може да направи нешто што никој не знае. Мислам дека е добра мерка затоа што ние имаме голем број во Македонија каде насилството се повторува повеќе пати, после првите пријави никогаш не запира. Се надевам дека со оваа токму ова мерка дека ќе се намали бројот на можни повторувања на насилството,, – психолог Мирјана

Предложените измени предвидуваат и побрза полициска интервенција. При сериозна опасност, полицијата ќе може да го отстрани насилникот од домот на 48 часа, а судот да ја продолжи мерката до 30 дена. Потребата од дополнителна заштита ја потврдуваат и бројките на МВР – за десет месеци годинава се регистрирани 1.897 пријавени настани поврзани со семејно насилство, дури 70 проценти повеќе од лани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.