Промовирани две изданија на Институтот за национална историја - Канал 5

Промовирани две изданија на Институтот за национална историја

И двете изданија се објавени минатата година, но промоцијата беше одложена поради ковид пандемијата.

Промовирани две изданија на Институтот за национална историја

„Миграции, размена на знаења и академски култури во Европа и Црноморскиот регион до Првата Светска војна" и „Документи за Сојузната и за македонска служба за државна безбедност (1944-1989)" се двете изданија на Институтот за национална историја кои денеска беа промовирани во Музејот на македонска борба и самостојност во Скопје. Првата книга е издадена на англиски, а втората на македонски јазик.

И двете изданија се објавени минатата година, но промоцијата беше одложена поради ковид пандемијата.

Зборникот „Миграции, размена на знаења и академски култури во Европа и Црноморскиот регион до Првата Светска војна" е резултат на меѓународен проект од програмата „Horizon 2020".

Директорот на Институтот за национална историја, Драги Ѓоргиев во своето обраќање на денешната промоција за ова издание посочи дека првиот збор од насловот на овој зборник гласи миграција, а миграциите, како што рече, се еден од основните феномени на човечката цивилизација кои во познатата историја постојано ги трансформираат различните аспекти на земјите и континентите како и расниот, етничкиот и јазичниот состав на нивните популации.

Според него, миграциите имале трауматично влијание врз развојот на човечката историја и цивилизација.

Миграциите, како што рече, може да бидат внатрешни, меѓународни, доброволни или присилни и можат да бидат придизвикани од најразлични причини и мотиви.

Тој додаде дека миграциите отвораат и едно суштествено прашање кое е постојано присутно кога се случува овој феномен и тоа гласи што носат во својот куфер мигрантите.

-Тоа прашање не е прашање од материјално значење, туку во неговото симболично и метафорчно значење на именката „куфер". Вистинскиот одговор на ова прашање би бил неверојатно е што носат мигрантите во своите куфери. Притоа, неверојатно треба да се сфати во неговата најпозетивна и најнеочекувана смисла, затоа што кај сите несреќи што ги содржат искуствата, резултатите од миграциите покажале дека мигрантите покрај другото, со себе носат и куфери полни со знаења, вештини со многу работи, ументички и градежни иксуства, тимски дух, љубов кон учењето, рече Ѓоргиев.

Според него, овој зборник укажува дека мигрантите имале и ќе имаат потенцијал да пренесат важно експертско знаење и вештини, и можат да ги трансформираат начините на живот, однесувањата и поимите во однос на највжните сегменти на едно општество и заедница.

Зборникот „Миграции, размена на знаења и академски култури во Европа и Црноморскиот регион до Првата Светска војна", како што напомена на денешната промоција проф. д-р Владимир Јанев, се состои од предговор и од 15 трудови кои обработуваат различни теми од историјата и историјата на уметноста.

Како што рече, трудовите се таматски поделени во четири поглавја, а авторите на трудовите се од нашата држава, Австрија, Азербеџајн, Бугарија, Грузија, Руската Федерација и Украина.

Редакторот на зборникот „Миграции, размена на знаења и академски култури во црноморскиот регион", Билјана Ристовска Јосифовска на промоцијата изрази надеж дека овие две книги бидат почеток на серија слични промоции и настани за презентирање на нивните резултати пред јавноста.

-Како што успехот кој што го постигнуваше нашиот македонски тим во рамките на овој проект кој што е веќе завршен, е резултат на заедничката работа и заедничките истражувања, кои се исклучително интересни и од кои што допрва ќе има резултати кои ќе излегуваат. Во дел од проектот учествувавме 12 земји. Во рамките на овој проект се организираа голем број конференции, меѓу нив се организираше конференцијата во Скопје при што ни беше доверена одговорноста да редактираме едно издание со името на Институтот за национална историја, рече Ристовска Јосифовска.

Како редактор, таа посочи дека е задоволна од изданието, и се надева ќе има добар одзив најмногу од научната јавност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Крилесто чудовиште се појави на небото над Мексико- луѓе веруваат дека е праисториски предатор (ВИДЕО)

Невообичаен летачки објект кој личи на „медуза“ и суштество „слично на птеродактил“ – летачки влекачи од ерата на диносаурусите – го привлече вниманието на корисниците на социјалните мрежи во последниве денови.

Крилесто чудовиште се појави на небото над Мексико- луѓе веруваат дека е праисториски предатор (ВИДЕО)

На интернет се појавуваат сè повеќе снимки за кои некои веруваат дека прикажуваат „непознати суштества“ или „летачки објекти“ на небото над различни делови од светот. Сепак, нивната автентичност не е потврдена и досега нема сигурни докази дека е снимено нешто „непознато“.

Откако Сара Џејн Осборн снимала НЛО на небото над Алјаска кое изгледа како „медуза“, сега има вирално видео од Мексико кое прикажува суштество кое изгледа како „праисториски птеродактил“.

„Заборавете го НЛО слично на медуза, птеродактил се појави во Мексико“, напиша еден корисник на платформата X, заедно со видео од наводното „суштество“.

Снимката покажува „голема, темна силуета со раширени крилја“, наводно снимена во близина на далноводи, дрвја, градски светла и планина што доминира во позадината. Сепак, врз основа на вакви слики, тешко е да се утврди за каков феномен всушност станува збор, објавува WIO News.

Објавата на истражувачкиот новинар Хаиме Масан привлече посебно внимание, кој сподели видео од наводното суштество и праша дали тоа може да биде „доказ за постоење на димензионален портал во долината Хуарез“ на далечниот север од Мексико.

Сепак, ваквите претпоставки не се поткрепени со научни докази. Експертите ја отфрлија можноста за сигурна идентификација врз основа на кратки клипови.

Не треба да се исклучува можноста снимката на крилест предатор да е создадена со употреба на вештачка интелигенција (ВИ). Со оглед на тоа што дигитално обработените и генерираните видеа сè повеќе се појавуваат на социјалните мрежи, што може да изгледа многу убедливо, не е исклучено дека ваквите сцени се и резултат на напредна технологија.

Без независна анализа и верификација на потеклото, невозможно е со сигурност да се утврди дали станува збор за реални феномени, оптички илузии, монтажи или содржина создадена со употреба на ВИ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Германските шпиони добиваат многу поголеми надлежности: Вакво нешто не е видено 100 години!

Германскиот парламент усвои пакет законски мерки со кои се прошируваат овластувањата на разузнавачките служби, во време кога Русија води хибридна војна насочена, меѓу другото, и кон Германија.

Германските шпиони добиваат многу поголеми надлежности: Вакво нешто не е видено 100 години!

Законот што го усвои Бундестагот во петокот им дава зелено светло и на домашните и на странските разузнавачки служби да вршат надзор со значително помалку ограничувања, како и, за прв пат во повоената историја, да преземаат операции насочени кон спречување, заведување и манипулирање на противниците, пишува „Фајненшл тајмс“.

„Германија е секојдневно нападната: зборуваме за сајбер напади, саботажи, шпионажа и беспилотни летала што летаат над нашите воени објекти и аеродроми“, рече Марк Хајнрихман, претседател на парламентарниот комитет одговорен за надзор на разузнавачките служби.

„Досега, разузнавачките служби можеа да ги детектираат и следат овие закани. Сега тие ќе можат и да интервенираат.“

На конечното гласање во петок, 13 ноември, 309 пратеници гласаа за законот, 190 против, а 71 воздржани. Крајнодесничарската Алтернатива за Германија (AfD), која веќе е под надзор на разузнавачките агенции, и крајнолевичарската партија Ди Линке гласаа против неа.

Иако германската служба за надворешно разузнавање е најголема во Европа, нејзините операции честопати беа ограничени со рестриктивно законодавство поради историјата на Германија.

Правните предизвици и реформите усвоени во текот на изминатата деценија, по откритијата што ги разоткрија врските на Германската федерална разузнавачка служба (BND) со американските разузнавачки агенции, доведоа до сè посложена бирократија која стана сè потешка за управување. Како резултат на тоа, германските разузнавачки служби заостануваат зад оние на другите европски земји.

Затоа, законот за проширување на овластувањата на разузнавачките служби беше неопходен во време кога Кремљ ја засили својата агресивна кампања на хибридно војување и шпионажа. Во текот на 2025 година, беа регистрирани 474 случаи на политичка и технолошка шпионажа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кајли Џенер си разменува нежности со Шаламе- на истиот настан е и таткото на нејзините деца (ФОТО)

Кајли Џенер (29) се појави со момчето Тимоти Шаламе (30) на овогодинешните доделувања на наградите „Гувернерс“ во Холивуд. 

Кајли Џенер си разменува нежности со Шаламе- на истиот настан е и таткото на нејзините деца (ФОТО)

Ријалити ѕвездата привлече внимание со елегантен винтиџ фустан, но интересно е што нејзиниот поранешен партнер, раперот Тревис Скот (35), со кого има две деца, исто така беше на истиот настан, пишува „Дејли меил“.

Кајли и Тимоти се држеа за раце

Кајли го прескокна црвениот тепих, но на Инстаграм покажа што носеше за вечерта. Таа избра винтиџ златен фустан од Роберто Кавали од 2006 година, кој ја следеше линијата на телото и имаше долга перка.

Шаламе прошета сам по црвениот тепих, облечен во црно одело со вратоврска. Подоцна двојката беше фотографирана заедно во внатрешноста на местото каде што се одржуваа доделувањата.

Пред да пристигнат на настанот, двајцата објавија фотографии на социјалните мрежи. Кајли го покажа фустанот и чевлите, додека Шаламе сподели фотографија од автомобилот со натпис „Ноќно излегување!“. Иако пристигнаа заедно на доделувањето на наградите, тие не објавија заедничка фотографија.

Тревис Скот исто така беше на настанот

Раперот Тревис Скот, поранешен партнер на Кајли и татко на нејзините деца, осумгодишната Сторми и четиригодишната Ејр, исто така се појави на истото доделување на наградите. Сè уште не е познато дали Кајли и Тревис се запознале во текот на вечерта.

Кајли и Тревис беа во повремена врска од 2017 до 2022 година. Неколку месеци по нивното конечно раскинување, Кајли започна врска со Шаламе, а тие се заедно од април 2023 година.

Тие јавно ја потврдија својата врска кон крајот на 2023 година, додека првпат се појавија заедно на црвениот тепих во мај 2025 година на доделувањето на италијанските филмски награди „Давид ди Донатело“.

Шаламе јавно ја искажа својата љубов кон неа

Во последните месеци, двојката сè почесто оди заедно на јавни настани. Во јануари оваа година, Шаламе јавно ѝ се заблагодари на Кајли на доделувањето на наградите „Критичарс Чојз“, за време на неговиот говор по освојувањето на наградата за најдобар актер за филмот „Марти Суприм“.

„Сакам да му се заблагодарам на мојот партнер, со кого сум три години. Ви благодарам за сè што изградивме заедно. Ве сакам. Не можев да го постигнам ова без вас. Ви благодарам од дното на моето срце“, рече актерот, а Кајли му испрати бакнеж од публиката.

Доделувањето на наградите „Гувернерс“ се одржа на 15 ноември во Холивуд. Меѓу почесните добитници на Оскар оваа година беа актерката Глен Клоуз, режисерот Ридли Скот и аниматорот Флојд Норман.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер