Македонија

Промовирана поштенска марка издадена по повод 75 години од основањето на Сојузот на филателистите на Македонија

Во Скопје денеска беше промовирана поштенска марка, издадена по повод 75 години од основањето на Сојузот на филателистите на Македонија (СФМ). Настанот беше во организација на АД Пошта на Република Македонија и Сојузот на филателистите на Македонија.

Обраќање пред присутните имаше Синиша Павлески, претседател на Сојузот, чие дело е логото на СФМ, што е на поштенската марка што денеска беше промовирана.

- Чест ми е што денес стојам пред вас, во овој наш, да го наречам така, храм на поштенските марки - Сојузот на филателисти. Сојузот со гордост ја негува својата традиција уште од далечната 1950 година. Тоа е импозантен јубилеј, повеќе од седум децении посветеност на едно од најубавите и наједукативните хобија филателијата, рече Павлески.

Овој Сојуз, нагласи Павлески, создаден во години полни со ентузијазам и желба за културно истражување, стана водилка за сите оние кои во малите, запчести парчиња хартија гледаат многу повеќе од средство за плаќање поштарина.

- Вие, почитувани филателисти и членови, сте чувари на историјата, уметноста, географијата спортот и културата на нашата земја, но и на светот. Секоја марка е прозорец кон минатото и сегашноста, кон големите личности, значајните настани и природните убавини. Посебна почит заслужуваат оние меѓу нас, филателисти учесници на филателистичките изложби, кои со своите извонредни колекции го претставуваат нашиот Сојуз и нашата земја на меѓународните филателистички изложби. Со тоа ние сме вистински културни амбасадори, подвлече Павлески.

Тој рече дека, да се добие признание на светска изложба е кулминација на долгогодишна работа, истражување и страст.

- Нашето учество не е само личен успех, туку и потврда за високиот квалитет и сериозноста на македонската филателија. Ние ја креваме свеста за нашето хоби и ја впишуваме нашата земја на светската филателистичка карта, додаде тој.

Павлески рече дека нивните ангажмани бараат огромно знаење, темелност и посветеност.

- Со секоја освоена награда, со секој нов контакт, ние ги прошируваме хоризонтите на овој Сојуз и ги инспирираме помладите генерации да тргнат по нашите стапки. Нека ова наше дружење биде повод да ја обновиме нашата заложба за унапредување на филателијата, за едукација на младите и за поддршка на нашите претставници на меѓународната сцена, истакна Павлески.

Претседателот на СФМ посака многу успеси во иднина, нови вредни примероци во колекциите, како и многу освоени медали на светските изложби.

Генералниот директор на АД Пошта, Орхан Куртиши рече дека се обраќа во име на вработените и членовите на Управниот одбор.

- Поштенските марки претставуваат уметнички дела од што може да се научат важни и интересни нешта за земјата од која потекнуваат. Така што, токму од овие мали уметнички дела учиме за јубилеи, настани, историски личности, но, исто така и за спортски случувања и натпревари. Затоа, не е премногу ако кажам дека тие се амбасадори на земјата, наши претставници во светот, додаде тој.

Бирото за филателија на Пошта низ годините, како што истакна, има издадено голем број поштенски марки, потсетувајќи на јубилеите.

- Тоа се марки што се дел од колекциите на нашите филателисти, но и од филателистите од светот кои гордо го претставуваат културното и историското наследство на нашата земја. Тому затоа, денес чувствувам особено задоволство што имам можност да ви ја претставам поштенската марка посветена на 75 години од основањето на Сојузот на филателисти на Македонија, издадена од Бирото за филателија на Пошта на Северна Македонија. Автор на марката е Синиша Павлески, издадена е во тираж од 6.000 примероци, а нејзината номинална вредност е 36 ден, појасни Куртиши.

Тој го честиташе јубилејот и изрази надеж дека оваа марка ќе го најде своето место во албумите на присутните, како и во албумите на филателистите ширум светот.

Тагови: поштенска марка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево со мала до умерена облачност

Денес претпладне времето ќе биде сончево време со мала до умерена облачност.

Во попладневните часови ќе има развој на нестабилна облачност, проследена со дожд, грмежи, засилен ветер и ќе има услови за појава на град. Ќе дува слаб до умерен, повремено засилен ветер од северен правец. Минималната температура ќе биде во интервал од 10 до 18, а максималната ќе достигне од 29 до 38 степени.

Во Скопје претпладне сончево време со мала до умерена облачност. Во попладневните часови ќе има услови за развој на нестабилна облачност, проследена со дожд, грмежи и засилен северен ветер. Минималната температура ќе се спушти до 17, а максималната ќе достигне до 35 степени.

Во наредните денови следува период на променливо облачно и нестабилно време со врнежи од дожд, пообилни во вторник и среда (наместа 15 l/m²). Локално процесите ќе бидат во форма на краткотрајно невреме проследено со пороен дожд, засилен ветер и грмежи и услови за појава на град. Ќе дува умерен ветер претежно од северен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љубомир Гајдов вечерва во „Само вистина“

Почитувани, вечерва во Само Вистина ќе гостува Љубомир Гајдов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 22. јуни 2026 година

Дневен хороскоп за понеделник, 22. јуни 2026 година.

Рак 22.6-22.7.

Љубов

Во љубовните прашања ќе бидете наклонети да гледате под површината. Ќе успеете да дознаете нешто што до сега ви било тајна.

Кариера

Фантазија , креативност , уметнички визии и инспирација- сето ова ќе го исполни вашиот денешен работен ден.

Здравје и совет

Следете ја својата интуиција.

Лав 23.7-22.8.

Љубов

Не сте сеуште во најдобра форма , но сте подготвени да се прилагодите колку што е потребно. Прашањето е до кога.

Кариера

Ќе треба уште малку да се позанимавате со некои детали пред конечните заклучоци што наскоро ќе бидат донесени.

Здравје и совет

Не се откажувајте од своите идеали.

Девица 23.8.-23.9.

Љубов

Веќе не очекувате бајка , но соновнот ниво на културно однесување е она под кое не прифаќате никаков однос.

Кариера

Пред вас се нови предизвици поврзани со вашето знаење и стручност. Сеуште анализирате некои детали.

Здравје и совет

Подобрување.

Вага 24.9.-23.10

Љубов

Не сте сигурни како да се поставите кон една личност. Затоа денеска ќе балансирате меѓу повлеченоста и отвореноста кон другите.

Кариера

Ќе се жртвувате на работатат мислејќи дека вие можете повеќе од сите други заедно. Премногу размислувања го забавува работењето.

Здравје и совет

Бидете подготвени за акција.

Шкорпија 24.10-22.11.

Љубов

Ќе ја игнорирате сентименталноста и ќе се фатите во костец со реалноста. Тоа ќе биде здраво , а ќе ги подобри и вашите односи.

Кариера

На дневен ред се нови финансиски анализи. Ваше е да направите добар извештај.

Здравје и совет

Потсетете се на сопствените приоритети.

Стрелец 23.11.-21.12.

Љубов

Вашиот љубовен живот и денеска добро ќе се развива , а партнерот ќе ви даде повод да се врткате ојколу него повеќе од вообичаено.

Кариера

Нови мисли и нови идеи ќе ве преокупираат повеќе отколку што очекувавте.Иамте низа прашања на кои чекате одговор.

Здравје и совет

Ќе бидете креативни.

Јарец 22.12.-20.1.

Љубов

Подгответе нов еротски план за да ја заведете личноста која ве привлекува. На чекор сте до оистваруавање , но има едендетал што треба да го доработите.

Кариера

Пред врата се спонзори , чија понуда не е лесно да ја одбиете. Ќе мора повеќе да се ангажирате во анализата.

Здравје и совет

Внимавајте на здравјето.

Водолија 21.1.-19.2.

Љубов

Станува се појасно дека треба повеќе внимание да и псоветите на саканата личност. Некако не сакате да играте како што таа ви свири.

Кариера

Преговори , договарања и усогласувања дениовиве ќе бидат главна тема. најпрвин ќе треба се да проанализирате.

Здравје и совет

Сигурен пад на имунитетот.

Риби 20.2.- 20.3.

Љубов

Иако веќе сигурно се согласивте на отуѓеност, сепак се надевате дека работите ќе тргнат на подобро. Така ќе биде , но не сега.

Кариера

Денеска ќе се дефинираат последните детали пред донесувањето на една деловна одлука.

Здравје и совет

Сакате да престанете со нездрав живот .

Овен 21.3-20.4.

Љубов

Повторно ќе се фокусирате на тајните во односите.Ќе ве интересираат тајните , скриени работи , а некои ќе почнат со непотребни озборувања.

Кариера

Иако ги иамте сите шанси за да се покажете и дас е докажете, вие денеска ќе играте игра криенка во која ќе нема победник.

Здравје и совет

Делувајте паметно.

Бик 21.4- 20.5.

Љубов

Иако во себе чувствувате де сте се посилни , мопноста за недоразбирање и вербални расправии со партнерот е голема.

Кариера

Се повеќе очи се свртени кон вас и сите имаат големи очекувања. Со тоа се зголемува и вашата одговорност.

Здравје и совет

Контролирајте го своето однесување.

Близнаци 21.5.-21.6.

Љубов

Речиси ништо нема да направите самите. Клучот на вашата среќа се наоѓа во целосната отвореност кон другата страна.

Кариера

Пред вас е договор што содржи и извесни нејаснотии. Ќе се обидете да ги откриете деталите за на сите да им стане јасно.

Здравје и совет

Потребен ви е одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.