Промовирана монографијата „Возобновителот" - Канал 5

Култура

Промовирана монографијата „Возобновителот"

На промоцијата свои изведби имаше и хорот при храмот „Рождество на Пресвета Богородица" од Скопје, како и од дуетот виолини.

Промовирана монографијата „Возобновителот"

Во соработка со Македонската православна црква – Охридската архиепископија и Православниот богословски факултет (ПБФ) „Свети Климент Охридски" – Комисијата за односи со верските заедници и религиозни групи (КОВЗРГ) како издавач на монографското дело „Возобновителот" во чест на Архиепископот охридски и македонски Доситеј (1906-1981) – ја организираше промоцијата и претставувањето на монографијата пред пошироката јавност, која се одржа во вторникoт во Македонската филхармонија.

На промоцијата, како што соопшти КОВЗРГ, присуствуваа голем број видни гости од државните и црковните институции, меѓу кои архиепископот охридски и македонски и на Јустинијана Прва, г. г. Стефан, кој имаше и свое пригодно обраќање пред присутните.

На промоцијата присуствуаа и бискупот на Скопската бискупија и епарх на Струмичко-скопската епархија, монсињор Киро Стојанов, претседателот на МАНУ академик Љупчо Коцарев, ректорот на УКИМ проф. д-р Никола Јанкуловски, како и нивните високопреосвештенства, митрополитите: преспанско-пелагониски г. Петар, повардарски г. Агатангел, европски г. Пимен, брегалнички г. Иларион, тетовско-гостиварски г. Јосиф, кумановско-осоговски г. Григориј и Митрополитот г. Јосиф, како и неговото преосвештенство, викарниот епископ антаниски г. Партениј, деканот на Православниот богословскиот факултет проф. д-р Ѓоко Ѓорѓевски, Националниот координатор за интеркултурализам, едно општество, развој на културата и меѓуресорска соработка Роберт Алаѓозовски, како и преставници од државните институции, професори, свештеници, студенти, богослови и почитувачи на ликот и делото на блаженоупокоениот поглавар Доситеј во чија што чест се одржа промоцијата.

Промоцијата на монографијата „Возобновителот" издадена од страна на Комисијата за односи со верските заедници и религиозни групи, а подготвена во сотрудништво со МПЦ-ОА и со ПБФ „Свети Климент Охридски" започна со песната за Патрикот „1762 лето" и со тропарот на патронот на МПЦ-ОА – свети Климент Охридски.

Свое воведно обраќање на почетокот на културно-уметничката програма имаше директорот на Комисијата за односи со верските заедници и религиозни групи Даријан Сотировски, кој поздравувајќи ги присутните укажа на значајноста на овој настан и на монографијата, која излегува од печат по повод големиот јубилеј 30 години од обновената современа македонска државна сувереност и независност, како и по повод двојниот јубилеј на архиепископот Доситеј (115 години од неговото раѓање и 40 години од неговото упокојување), кој како Возобновител на древната и славна Охридска архиепископија веќе зазема посебно, светло место во македонскиот национален пантеон.

По промотивните излагања пред присутните се обрати и наследникот на архиепископот Доситеј на охридскиот трон – Престојателот на МПЦ-ОА, Неговото блаженство, Митрополитот скопски, Архиепископот охридски и македонски и на Јустинијата Прва г. г. Стефан, кој уште еднаш ја нагласи големината и делото на архиепископот Доситеј, кое заслужува траен спомен од сите верни чеда на нашата Светиклиментова црква.

На промоцијата свои изведби имаше и хорот при храмот „Рождество на Пресвета Богородица" од Скопје, како и од дуетот виолини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Чудо во Унгарија: Лубеница тешка 84 килограми

Била потребна мала градинарска количка за да се изнесе од стаклената градина.

Видео: Чудо во Унгарија: Лубеница тешка 84 килограми

Необична лубеница - вид што не се гледа секој ден - е одгледувана оваа година во унгарското село Медѓесбоџас,на фармата на Тамас Дарвас, една од лубениците достигна неверојатна тежина од 83,95 килограми.

Била потребна мала градинарска количка за да се изнесе од стаклената градина.

Дарваш одгледува лубеници повеќе од три децении, но неговиот пат кон производството на толку огромни плодови не бил случаен. Сè започнало во 1998 година, кога купил десет семиња во САД.

Оттогаш, од година во година, тој ги избирал семињата од најголемите лубеници за да ги користи во наредната сезона. На тој начин, земјоделецот со децении селектирал растенија што даваат сè поголеми плодови.

Дарваш претходно објасни дека станува збор за сорта првично развиена во американската сојузна држава Арканзас, специјално за натпревари во одгледување џиновски лубеници. Според неговите претходни изјави, под соодветни услови, поединечни лубеници можат да достигнат тежина и до 150 килограми.

Годинешниот резултат е особено значаен за него, бидејќи повеќекратно го надмина неговиот претходен забележителен успех.

Во 2023 година, Дарваш го привлече вниманието на јавноста со лубеница тешка 63,25 килограми. Сепак, сега таа граница е поместена за повеќе од 20 килограми.

Колку изнесува светскиот рекорд?

Иако 84 килограми би биле доволни сериозно да ја оптоварат обичната домашна вага, унгарската лубеница сè уште е далеку од светскиот рекорд. Најголемата официјално регистрирана лубеница во светот тежела дури 159 килограми.

Таа била одгледана од Американецот Кристофер Кент од Сејвил, Тенеси, а рекордот бил потврден на 4 октомври 2013 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден со нова мерка за поддршка на најмладите

Општина Илинден воведува субвенции за првачиња, мерка наменета за помош на семејствата во пресрет на почетокот на учебната година. 

Општина Илинден со нова мерка за поддршка на најмладите

За таа цел, објавен е Јавен повик за доделување еднократна финансиска помош за семејствата со деца кои во учебната 2026/2027 година ќе го започнат своето основно образование.

Со новововедената мерка, секое дете запишано во прво одделение ќе добие еднократна финансиска помош во износ од 3.000 денари. Родителите или старателите кои сакаат да го остварат ова право потребно е да поднесат барање со соодветната документација преку Архивата на Општина Илинден. Деталите за условите, потребните документи и постапката за аплицирање се објавени на официјалната веб-страница на Општината.

Новата мерка има за цел да им помогне на семејствата во подготовките за почетокот на учебната година и да обезбеди дополнителна поддршка за најмладите ученици при нивниот прв чекор во образовниот процес. Паралелно со финансиската помош, Општината ќе продолжи и со досегашната практика на обезбедување ранци со училишен прибор за првачињата.

Финансиската поддршка е дел од Програмата за финансиска поддршка на жителите на Општина Илинден за 2026 година, преку која се спроведуваат повеќе мерки и активности наменети за поддршка на различни категории граѓани.

Линк до повикот: https://ilinden.gov.mk/wp-content/uploads/2026/08/javen-povik-finansiska-pomosh-prvachinja.pdf

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција во потрага по пиромани: Уапсени 474 лица за предизвикување пожари

Во Франција, од почетокот на јули, 474 лица се уапсени под сомнение дека предизвикале пожари, соопшти денеска Министерството за внатрешни работи на таа земја.

Франција во потрага по пиромани: Уапсени 474 лица за предизвикување пожари

Меѓу уапсените има 183 малолетници, односно речиси 39 отсто од вкупниот број, објавија порталите BFM TV и „Фигаро“. На почетокот на август, француското Министерство за внатрешни работи соопшти дека две третини од апсењата биле поврзани со подметнување пожари.

Утрово избувна нов шумски пожар во департманот Ланд во југозападна Франција, каде што синоќа изгореа околу 600 хектари, а околу 500 луѓе беа евакуирани поради приближувањето на пожарот кон населени места.

Франција сè уште е зафатена од топлотен бран. За денес се прогнозираат температури од 35 до 38 Целзиусови степени, а на места и до 40, додека ноќите ќе останат многу топли во голем дел од земјата, со температури меѓу 20 и 26 степени.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер