Култура

Промовирана монографијата „Гого Попов – Звукот на тишината“ од авторот Јован Божиноски

Планинарскиот клуб „Љуботен“ од Тетово вчера организираше промоција на монографијата „Гого Попов – Звукот на тишината“ од авторот Јован Божиноски.

Монографијата e за професионалниот фотограф, Гого Попов-Стариот (1908-1979), човек кој со фотографирањето го зачувал споменот и историјата на развојот на планинарството и скијањето на Шар Планина и низ Македонија од почетокот на дваесеттите години па се до крајот на седумдесеттите години на минатиот век.

Промоторот на монографијата, д-р Бранислав Светозаревиќ – Покорни рече дека фотомонографијата со околу 580 фотографии за Гого Попов доловува многу посуптилни моменти и дека читателот пред себе има една уникатна книга и дело во кое на маестрален начин авторот Божиноски да ја истакне и убавината на фотографијата и мајсторството на Гого Попов како раскажувач на историјата.

- Фото документите и податоците за нивното настанување не водат низ една неверојатна приказна: дознаваме за неговото потекло и неговото семејство кое го формирал со неговата сопруга, тетовчанката Дана; го запознаваме Гого Попов како неверојатен фотограф на планината кој ги прави и првите авионски снимки на македонските планини; почетоците на македонското организирано планинарење, првите планинарски организации, првите планинарски домови, а ги запознаваме првите планинари во Македонија. Преку неговите фотографии се запознаваме со почетоците и развојот на скијачкиот спорт, истакна Бранислав Светозаревиќ-Покорни во дел од своето обраќање.

Претседателот на Федерацијата на планинарски спортови на Македонија, Зоран Читкушев истакна дека монографијата е дело кое заслужува почит и внимание.

- Претставува резултат на сериозна и долгогодишна работа Јован Божиноски кој успева да собере податоци за човекот кој има реализирано високи дострели во активностите кои според нивната содржина се поливалентни. Монографијата станува дел од нашата книжевна меморија и да се збогатиме со информации за луѓе и настани кои во најголем дел ни се непознати, рече Читкушев.

Авторот на монографијата „Гого Попов – Звукот на тишината“, Јован Божиноски, објасни дека мотивот е роден во 2000 година, кога ја организирал изложбата по повод 75 години од ПК Љуботен, кога слушнал од постарите планинари за важноста на фотографиите на Попов кои ги имаат во клубот.

- И тогаш почнав и јас да фотографирам на планина. Ова мое интересирање за фотографија ме врза со оние фотографии кои во клубот ги имаше од Гого Попов и да почнав да ја средувам таа фото-архива на ПК Љуботен. Албум од Гого Попов изработен 1952 година пејзажи од Љуботен до Кораб, е највредното дело на Попов кое се наоѓа во ПК Љуботен. Откако го видов тој албум, почнав да се навраќам на тој период и се обидувам да го доловам моментот што тој Гого Попов го доживувал кога ќе чкрапнел со фотоапарат. Ги овековечил сите моменти, првите организирани движења на Шар Планина, првите планинарски тури, градењето првите објект, први скијачки натпревари, искачувања на некои врвови, се она што денес Шара го нема, истакна Божиноски во своето обраќање.

Монографијата тематски е поделена на три сегменти: Семејство и живот, Фотографија и професија и Планина (планинарење и скијање).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Страшна несреќа во Бразил: Најмалку 22 мртви

Најмалку 22 лица загинаа во судир помеѓу минибус и камион на автопат во бразилската држава Парана, соопшти денес Федералната сообраќајна полиција.

Уште пет лица се повредени во несреќата, која се случи рано утрово, објави „CNN“. Повеќето од загинатите биле патници во минибус кој припаѓал на здравствената служба на општината Имбитува.

Возачот на камионот, исто така, починал. Повредените се однесени во болниците во Понта Гроса. Минибусот патувал од Имбитува до болниците во пошироката област Куритиба, додека камионот патувал од Карамбеј до Прудентополис.

Acidente entre ônibus da Saúde e caminhão deixa 22 mortos na BR-373, em Ipiranga
Um grave acidente envolvendo um micro-ônibus da Secretaria de Saúde de Imbituva e um caminhão deixou ao menos 22 pessoas mortas na madrugada desta quarta-feira (19), na BR-373, em Ipiranga Pr pic.twitter.com/r6T6hdDp2p
— São José Alerta (@saojosealerta) August 19, 2026

На местото на несреќата интервенирале членови на Федералната сообраќајна полиција, цивилната полиција, брзата помош, противпожарната служба и екипи од концесионерот Виа Араукарија, кој управува со делницата.

Фото: X

Тагови: Бразил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иран до земјите од заливот: Секоја помош за американската армија ќе ја сметаме за учество во војната

Иран ги предупреди земјите од заливот да не даваат никаква помош на американската војска, нагласувајќи дека тоа ќе го смета за поддршка на воените операции на Вашингтон против Исламската република.

„Сакаме да предупредиме: секоја помош или соработка што и се дава на агресорската американска армија е еднаква на учество во воените операции на САД“, изјави началникот на генералштабот на иранските вооружени сили, Али Абдолахи.

Во меѓувреме, Иран ги негираше обвинувањата дека вчера вечерта испалил ракети врз Обединетите Арапски Емирати, опишувајќи ги како „целосно неосновани“, јави ДПА. Претходно, министерството за одбрана на емиратите објави дека биле пресретнати две балистички ракети лансирани од Иран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вашингтон им ја мери „лојалноста“ на НАТО сојузниците

Администрацијата на американскиот претседател Доналд Трамп испратила до земјите членки на НАТО прашалник со кој, со цел да ја оцени нивната лојалност со американската политика..

Како што објави Блумберг, прашалникот навлегува токму во темите што го делат Вашингтон од дел од европските сојузници, како американските воени активности против Иран и односот кон Николас Мадуро.

Земјите требале да одговорат и за европските набавки на оружје и дали тие ги насочуваат кон домашни или кон американски компании..Белата куќа, според медиумите, поставила и директни прашања за американската надворешна политика и од членките се бара да наведат дали јавно ги поддржале позициите на Вашингтон. Прашалникот стигнува и до американското воено присуство во Европа. Земјите исто така треба да наведат какви ограничувања поставиле за користењето на нивните бази од американските сили.. Извори од нато ваквите чекори ги доживуваат како обид за наметнување идеолошка линија. Според нив, политичката усогласеност се става во равенка со американската воена заштита.. Дел од сојузниците сметаат дека пристапот „безбедност преку лојалност“ ги поткопува темелите на трансатлантските односи воспоставени по Втората светска војна., пишува Блумберг..

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.