Култура

Промовирана монографијата „100 години Велес –Историја на поштенски картички“

Во Ликовниот салон во Велес синоќа беше промовирана монографијата „100 години Велес-Историја на поштенски картички“ од филателистите и колекционери Виктор Габер и Зоран Стрезовски.

Во монографијата се прикажани 450 поштенски картички – разгледници во кои хронолошки се презентираат историските збиднувања во Велес и неговиот развој во период од 100 години.

Првата поштенска картичка од Велес е од 1899 година чиј мотив е Стариот мост над реката Вардар, што подоцна е обновен, но во ноември 1944 година е урнат од германските воени единици, повлекувајќи се на север. Ја издал и прв од Велес и, тоа за Венеција ја испратил колекционерот Теодор Христов на 24 март 1899 година.

Еден од авторите Виктор Габер, велешанец за МИА информира дека ги собирале сите картички од турско, па сè до денес

-Целта на монографијата е да го опишат Велес во еден воен период од 100 години и токму затоа се вика „100 години Велес“ . Ова е историско филателистичка книга која се занимава со развојот на Велес преку поштенските картички,истакна Габер.

Зоран Стрезовски од Струга за МИА, информира дека пред околу 40 години од кога му е љубовта за собирање на поштенски картички подготвил една богата збирка на поштенски картички за Велес и му предложил на Виктор Габер, кој е велешанец, заедно да направат една монографија и, така настанала монографијата која останува како траен белег за Велес.

-Две години го обработувавме, селектиравме и средувавме и, на крајот, со подршка од Општина Велес, успеавме да го отпечатиме за да остане како траен белег за Велес, а за сеќавање на идните генерации, потенцира Стрезовски.

Промотор на монографијата е истакнатиот македонски писател, проф.д-р. Васил Тоциновски, кој за МИА истакна дека монографијата е ретка и вредносна книга во македонската продукција, па и во светот.

-Низ фото- апаратот кој ја создава поштенската картичка, визуелниот дел, а картичката патува по светот, чиј текстуален дел е, оној што ја праќа и оној што ја прима, претставувајќи една помошна научна дисциплина која ги одредува, ги регистрира и трајно ги меморира времињата настаните и луѓето кои некогаш биле живи. Оваа книга не е прекрасна, таа е магична книга затоа што сведочи за Велес, потенцира проф. д-р Тоциновски.

Тој информира дека меѓу издавачите на поштенски картички се и десетина значајни личности од Велес, што зборува за културниот европски пробив на велешани. Воедно, и како град со богата културно- револуционерна традиција.

Градоначалникот Марко Колев се заблагодари што Велес добива едно вакво монументално уметничко дело.

Промоцијата ја збогати изведбата музичарите Орхидеја Дукова и Сашко Костов на гитара со изворни велешки народни песни.

Промоцијата беше во рамките на програмата за одбележување на 9- ти Ноември, Ден на ослободување на Велес и Ден на Општина Велес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Сред лето не работат хируршките сали – власта го става во ризик здравјето на граѓаните

За две години Мицкоски и ВМРО го доведоа здравството до колапс.

Сред лето, на пеколни температури, хируршките сали, овде во Клиничкиот центар не работат - системот е во дефект.

Се откажуваат однапред закажаните операции и оние за кои е проценето дека не се итни.

Откажани се операции на Клиниката за трауматологија, ортопедски болести, анестезија, реанимација, интензивно лекување и ургентен центар.

Ова е уште еден доказ за целосната негрижа и неспособност на оваа Влада и на Министерството за здравство, да обезбедат елементарни услови за функционирање на здравствениот систем.

Кога во хируршките сали нема услови за работа, не се одложуваат само операции.

Се одложуваат нечии надежи за оздравување, се продолжува нечија неизвесност, се доведува во прашање безбедноста на пациентите.

Кој гарантира дека одложувањата се безопасни, кој ќе сноси одговорност ако се случчат компликации поради чекање за операција?

На една Влада, секој пациент треба да и биде важен. Здравјето и нечиј живот не смее да се третираат селективно.

Но, на Владата на ВМРО, поважно е да има пари за партиски тендери, отколку за функционален и одржлив здравствен систем.

Во буџетот нема пари. На средина од годината дефицитот е целосно истрошен, а државата ја задолжија со нови 2,5 милијарди евра.

Ништо од тие пари не е за мерки за граѓаните, за плати и пензии, ниту пак за инвестиции во здравството.

Пациентите не смеат да бидат жртва на неспособноста, негрижата и лошото менаџирање на оваа криминална власт.

Бараме итно санирање на дефектот и оспособување на хируршките сали за сите пациенти.

Изјава, Рената Младеновска – членка на Извршниот одбор

Скопје, 30.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грчкиот црвен крст со упатство за каснување од рибата зајак

По неколкуте пријави за каснување од риба зајак, грчкот црвен крст со упастава за брза реакција за капачите.

„Веднаш исчистете ја раната со многу чиста вода и сапун, избегнувајте употреба на антисептици освен ако не ви препорача лекар, применете постојан притисок со чиста крпа или завој, држете го повреденото место подигнато доколку има крварење, побарајте медицинска помош што е можно поскоро – каснувањата може да бараат специјалистичка нега.

Во итен случај: јавете се на 166 (брза помош) или 112 (европски број за итни случаи), стои во памфлетот на грчкиот црвен крст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Меркел доби официјален портрет: „Невообичаено е да се стане дел од историјата“

Портрет на поранешната германска канцеларка Ангела Меркел, насликан од малку познатиот уметник Жереми Кејрас, ќе биде свечено претставен во берлинскиот музеј „Боде“ на Музејскиот остров, речиси пет години откако таа ја напушти функцијата.

Сликата ќе биде изложена во музејот „Боде“ во текот на три месеци, почнувајќи од вторник, по што подоцна оваа година ќе биде преместена во кабинетот на сојузниот канцелар.

Во неодамнешно интервју за „Ди Цајт“, Меркел скромно го коментираше тој момент. „Невообичаено е кога полека станувате дел од историјата“, рече таа.

На првиот кат од канцеларијата на федералниот канцелар се изложени портрети на сите германски канцелари, вклучувајќи го и Герхард Шредер, чиј портрет го насликал Јерг Имендорф во 2007 година. Заедно со портретот на Ангела Меркел, недостасува и портретот на Олаф Шолц. Неговиот кабинет објави дека сè уште не избрал уметник.

Тагови: Ангела Меркел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.