Промовирана „Мојата македонска приказна“ од Ацо Станкоски - Канал 5

Култура

Промовирана „Мојата македонска приказна“ од Ацо Станкоски

Книгата „Мојата македонска приказна“ од академскиот сликар и публицист Ацо Станкоски во издание на издавачката куќа „Ѓурѓа“ денеска беше промовирана во Скопје.

Промовирана „Мојата македонска приказна“ од Ацо Станкоски
Еден од промоторите, амбасадорот Ристо Никовски истакна дека делото Станкоски претставува колаж на автобиографија, филозофски медитации, историја, уметност, односно хронологија од настани кои се случиле од антиката се до нашата денешна долга криза, при што, како што нагласи, доминира македонизмот. Тој при тоа му оддава признание на авторот за неговата доследност во перцепциите и уверувањата за континуираниот пристап и проценки кои соодветно ги документира, а се осврна и на неговите согледби за кризата во државата и за ризиците од неа.

- Во клучните години на 1990-те ВМРО-ДПМНЕ најавуваше конгрес во Солун, додека Глигоров не возврати на грчката блокада на нашата јужна граница. Тоа беа сериозни историски грешки, сепак, во секој случај, вината за сите наши голготи сите овие 25 години не е ниту кај Глигоров, ниту кај Црвенковски, ниту кај Ѓеоргиевски, ниту кај Груевски, туку е во Вашингтон. Нашите грешки не смееме да ги потценуваме, но од таму доаѓа најголемата опасност за Македонија, не од Грција. Нашата земја не се вклопува во амриканските планови и визии за Балканот и со нивни менаџмент ни се случија и рефернцата во ОН со која нелегално ни го суспендираа уставното име и Времената спогодба, и војната 2001-та и Охридскиот договор со кој целосно се рекомпонира државата по американски терк, а во интерес на Албанците, и Пржино и СЈО и тиранската платформа. Впрочем немаше друга сила која тоа може да ни го наметне освен САД. Станковски одлично ја соголува клучната улога на западниот фактор во уништувањето на Македонија. Меѓутоа, ние немаме опција за вртење кон Русија или Кина, два колоса на меѓународната сцена кои едноставно не се заинтересирани за нас, вели Никовски.

Според него, Станковски со право констатира и дека какво било обединување на балканските држави е илузија.

За новинарот и колумнист Мирка Велиновска книгата е особено значајна бидејќи е запис на автентичен критички осврт, втемелен на познавање на филозофската мисла и на историјата и според изборот на темите ја доживува како самостојна ликовна изложба, но, вели, составена од слики од зборови, а клучниот збор е, вели, Македонија.

- Еден збор кој симболизира се за нас е зборот Македонија и се што тој го напишал е директно врзано со тој еден збор кој предизвикува толку многу асоцијациии во толку многу области, во толку многу периоди што вие фактички гледате уште колку многу луѓе како Ацо и идни ќе создаваат дела инспирирани од тој еден магиски збор, кој за нас значи опстанок, постоење, а за тие околу нас значи загроза... За жал, голем дел од светот има проблем со постоењето на Македонија, вели Велиновска и посочи меѓу другото дека Станковски е еден од оние кои уште од почетокот се сомневаше дека ЕУ е проект во која треба да влеземе.

За авторот Станковски „оазата на мирот“ на Глигоров е вистинскиот правец во кој треба да се движи Македонија или „Швајцарија на Балканите“ на Ванчо Михаилов, но вели со македонска нација и унитарна држава.

- За Македонија оазата на мирот, еквидистанцата или Швајцарија на Балканите е една добра позиција на неутралност. Прво би го растеретила Балканот со една тампон зона, која би била неутрална, од друга страна самите ние би избегнале да бидеме проголтани од тие големи системи како ЕУ и НАТО, пред се НАТО кој од етички аспект е злосторничка организација, а ЕУ е една административна бескрајно заморна организација, која како и СФРЈ пропадна, се предвидува едно такво пропаѓање, вели Станкоски.

„Мојата македонска приказна“ ја издаде Првата независна издавачка куќа во Македонија - „Ѓурѓа“, која оваа година одбележува 30 години постоење, како прв наслов во новата едиција „Мацедонише цуштенде“ (Македонски состојби).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер