Промовиран Зборник за Конзулска Битола и културните врски меѓу Македонија и Србија - Канал 5

Култура

Промовиран Зборник за Конзулска Битола и културните врски меѓу Македонија и Србија

Претседателот на Македонската академија на науките и уметностите (МАНУ) академик Владо Камбовски денеска во Битола го промовираше Зборникот трудови на тема „Конзулска Битола и историските, современите и идните културни и уметнички врски меѓу Република Македонија и Република Србија“.

Промовиран Зборник за Конзулска Битола и културните врски меѓу Македонија и Србија
Станува збор за публикација со трудовите од истоимениот меѓународен научен собир што минатата година се одржа во Битола, а на кој учествуваа 63 претставници од академскиот и јавниот живот на двете држави.

- Темата одговара на отворањето на една нова страница на односите меѓу народите на Балканот. Ова е време кога ние со обрасците од 19 или 20 век неможеме да се соочиме со предизвиците на новото време. 21-от век бара отвореност. Науката и уметноста се најпогодени да прескокнат било какви граници, да прескокнат напластоци од минатото и да ја отворат живата комуникација меѓу луѓето и народите во потрагата по заедничка иднина, посочи академик Камбовски.

Науката и уметноста треба да ја засилат својата мисија на поставување на мостови на разбирање и соработка меѓу балканските народи кои ќе се најдат во европското семејство, нагласи академик Камбовски на промотовниот настан.

- Битола низ вековите од секогаш била космополитски град. Битола во себе ги спојува времињата, државите и народите од овие простори и целата таа различност ја држи во една природна хармонија. Битола по својот дух како град кој посебно бил изразен во времето на конзулска Битола, а денес се враќа времето на конзулска Битола, може да понесе еден таков цивилизациски мултикултурен товар и да го издржи како предност. Мултикултурната традиција на Битола претставува една константа на градот и со тоа привлечно делува и за науката зголемувајќи го интересот за вакви научни средби, а од нив пак, за нас особено е важна иднината бидејќи ние таа иднина ја гледаме како заедница на сите балкански народи кои ќе се најдат во европското семејство, односно ЕУ и во НАТО како народи помеѓу кои нема да постојат административни или државни граници, туку народи помеѓу кои ќе постои слободен проток на идеи и капитал, истакна Камбовски на промоцијата во Битола.

Издавач на Зборникот на трудови е почесниот Конзулат на Република Србија во Република Македонија и во него се поместени трудовите на еден академик, 38 доктори на науки како и други профили на лица кои директно придонесуваат во соработката на двете држави.

- Културата е една од најголемите цивилизациски придобивки. Од памтивек па до ден-денес, највисоките умствени дострели почиваат на културата како свесен начин на себенегување и себеодгледување, се разбира во нешто подобро отколку претходното. Затоа културата е алфа и омега на поединецот, семејството и општеството на сите цивилизации и затоа убеден сум дека и наредниот 6 по ред научен собир ќе биде предизвикувачки, а ќе се организира во првата половина од 2015 година, посочи почесниот српски конзул во Битола, Силјан Мицевски.

Според градоначалникот на Битола Владимир Талески научениот собир и публикуваните зборници претставуваат генератор на можности, отвораат нова соработка и обезбедување свежина во релациите на културно, стопанско и друго поле./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп сака да ја припои Венецуела кон САД : Имаат многу нафта (ВИДЕО)

Американскиот претседател Доналд Трамп денеска изјави дека Венецуела би можела да стане 51-ва сојузна држава на САД, повикувајќи на поблиска соработка меѓу двете земји во нафтениот сектор. 

Трамп сака да ја припои Венецуела кон САД : Имаат многу нафта (ВИДЕО)

Тој дури и предложи Венецуела да има гувернер наместо претседател.

„Сакам да и се заблагодарам на Венецуела, со која нашите односи станаа многу, многу добри, одлични“, рече Трамп на предизборниот митинг во Корпус Кристи, Тексас, одржан пред изборите за американскиот Конгрес.

„Имаат многу нафта“

Трамп објави дека првите милиони барели бесплатна венецуелска нафта пристигнале во САД како дел од договорот меѓу двете земји. Според него, ова е историско достигнување што им овозможува на САД да контролираат голем дел од светските резерви на нафта.

„Оваа историска победа ни дава контрола врз огромен дел од светското снабдување со нафта“, рече Трамп. Тој додаде дека венецуелската нафта ќе се преработува во рафинериите во Тексас, вклучувајќи ги и оние во Корпус Кристи.

Трамп, исто така, тврдеше дека американските инвестиции создаваат работни места во Венецуела во обем што беше незамислив пред само една година.

„Ние вадиме многу нафта за себе, многу. Венецуела ќе стане просперитетна земја и кој знае? Можеби наскоро ќе стане просперитетна 51-ва држава. Можно е“, рече Трамп.

Американскиот претседател потоа го повтори предлогот, овојпат директно зборувајќи за промена на политичкиот статус на Венецуела.

„Ајде да го направиме тоа. Направете ја 51-та држава. И наместо претседател, ќе одржиме избори за гувернер. Што е со тоа? Знаете, тие имаат многу нафта“, рече Трамп.

САД го соборија Мадуро во јануари

Изјавите на Трамп доаѓаат по големите политички промени во Венецуела. Американските сили го фатија тогашниот претседател Николас Мадуро во јануари, а Вашингтон оттогаш воспостави тесна соработка со преодната влада предводена од Делси Родригез.

САД и Венецуела потпишаа договор во август со кој на Вашингтон му се овозможи пристап до дел од огромните нафтени резерви на Венецуела. Белата куќа го наведе како најголемиот договор за нафта во историјата, а Трамп тврди дека првите испораки ќе бидат бесплатни за американските даночни обврзници.

Трамп не објасни како Венецуела може да стане американска федерална држава, ниту најави конкретни чекори кон нејзиниот пристап во САД.

Тагови: Венецуела Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Очигледно вечерва во СДС на смена е Фрчковски

Очигледно вечерва во СДС на смена е Фрчковски, па објавуваат неразбирливи и дезориентирани содржини.

ВМРО-ДПМНЕ: Очигледно вечерва во СДС на смена е Фрчковски

Очигледно вечерва во СДС на смена е Фрчковски, па објавуваат неразбирливи и дезориентирани содржини, но сепак да ги потсетиме како се започна..., објавија ВМРО-ДПМНЕ на ФБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Осуден убиец избегал преку дупка во оградата на затворот во Тенеси- украл камион и исчезнал

28-годишен осуден убиец кој отслужува доживотна казна избегал од затвор во Тенеси во неделата навечер, искачувајќи се низ дупка во затворската ограда, крадејќи камион и возејќи се во непознат правец.

Осуден убиец избегал преку дупка во оградата на затворот во Тенеси- украл камион и исчезнал

Властите во Тенеси велат дека тој сè уште не е фатен и дека потрагата по него е во тек, објави CNN.

Околу 23:30 часот на 25 октомври, вработените во Северозападниот поправен комплекс дознале дека Џејкоб Морли е исчезнат, соопшти Одделот за корекции на Тенеси.

Морли беше осуден на доживотен затвор откако беше прогласен за виновен за убиство од прв степен, тешка кражба, уништување или менување докази, избегнување апсење и вандализам.

Снимките од безбедносните камери подоцна покажаа дека Морли „ја пробива периметарската ограда“ и го напушта објектот во затворска униформа, соопшти одделот. Сè уште не е јасно како успеал да избега низ оградата.

Видео добиено од Бирото за истраги на Тенеси го покажува Морли како краде бел пикап Форд Ф-350 од 2008 година со регистарски таблички од Тенеси околу 1 часот наутро на 26 октомври, соопшти агенцијата.

Противпожарната служба Хорнбек, која се наоѓа на околу 15 милји од Северозападниот поправен комплекс, соопшти дека снимила видео на кое се гледа како Морли го вози украдениот камион покрај зградата на противпожарната служба околу 1:18 часот наутро.

Морли е вториот затвореник кој избегал од притворот на Одделот за корекции во Тенеси во изминатата недела.

Морли беше осуден за убиство од прв степен за убиството на Коди Бирчфилд, кој првично беше пријавен за исчезнат во февруари 2022 година, соопшти канцеларијата на шерифот на округот Картер.

Телото на Бирчфилд беше пронајдено во кутија под домот на Морли, неколку недели откако исчезна, објави Асошиејтед Прес.

Според властите, Морли бил и во бегство од полицијата во потера што заврши во Северна Каролина откако полицајците го пронајдоа во неговиот дом во 2022 година.

Бирото за истраги на Тенеси го стави Морли на својата листа на најбарани бегалци и нуди награда до 2.500 долари за информации што довеле до негово апсење.

Според Одделот за корекции на Тенеси, во Северозападниот поправен комплекс може да се сместат до 1.776 машки затвореници.

Тагови: Тенеси убиец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер