Промовиран романот „Сенка на галебовата карпа“ од Драгица Лазаровска - Канал 5

Култура

Промовиран романот „Сенка на галебовата карпа“ од Драгица Лазаровска

„Сенка на галебовата карпа“ е насловот на романот од авторката Драгица Лазаровска од Пехчево што попладнево беше промовиран во кино салата при Домот на култура „Јане Сандански“ во Пехчево, во организација на Матична библиотека „Кочо Рацин“.

Промовиран романот „Сенка на галебовата карпа“ од Драгица Лазаровска


Промотор на книгата, од роднокрајната авторка Лазаревска, беше Габриела Костадиновска која истакна дека делото е богато со автобиографски моменти.

- Книгата е сплет на еден роман и две новели чија тема е поврзана со љубовта, но и болката што произлегува од таа љубов. Читајќи ја книгата дојдов до заклучок дека многу автобиографски елементи од животот на ова писателка можат да се пронајдат. Болката и тагата што како нераскинлив дел со години наназад ја пратат во животот и предизвикуваат такви емоции што таа веднаш ги преточува на хартија. Драгица е силна жена која и покрај сѐ што ѝ се случи и она што го доживеа, сепак, знае како да се носи со сите тие разочарувања, со сета таа болка што ѝ го пара срцето, истакна Костадиновска.

Авторката Лазаревска се заблагодари на спонзорите кои и помогнаа ова дело да го виде светлото на денот.

- За мене ова е многу значаен ден, бидејќи дел од мене е втакен во овие зборови, во овие страници. Животот никогаш не ме милувал, но барем ме облагодарил со способност и умешност да ги преточам моите мисли и чувства во страници и зборови кои ќе ви зборуваат и ќе ви отворат нови видици, рече Лазаревска.

Драгица Лазаревска е родена 1944 година во село Велгошти-Охридско, а се преселила да живее во Пехчево водена од љубовта кон сопругот. Овој роман е нејзино второ објавено дело. Првата книга поезија „Да ја немав песната“ е објавена во 2010 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“ каде обвинети се Артан Груби и Перпарим Бајрами

Денеска продолжува рочиштето  за предметот „Државна Лотарија“. Меѓу обвинетите се поранешниот прв вицепремиер Артан Груби и поранешниот директор на Државна Лотарија, Перпарим Бајрами, како и уште шест лица.

Продолжува судењето за „Државна Лотарија“ каде обвинети се Артан Груби и Перпарим Бајрами

Тие се товарат за злоупотреба на службената положба и овластувања при набавка на видеолотариски терминали.

Според обвинението, со незаконско постапување на државната компанија ѝ била нанесена штета од околу 596 милиони денари, односно 9,7 милиони евра.

Сите обвинети досега се изјаснија дека не се чувствуваат виновни.Бајрами на судењето се појави откако претходно беше во бегство, а притворот му беше заменет со гаранција во недвижен имот вредна над 1,1 милион евра.

На Груби кој исто така беше во бегство пред судењето, му беше укинат домашниот притвор, но останува без пасош и со други мерки на претпазливост.

Тагови: Државна лотарија Артан Груби Основен кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието го усвои амандманот со кој се брише членот 13 од измените на Законот за јавните набавки

Собранието го усвои амандманот со кој се брише членот 13 од измените на Законот за јавните набавки.

Собранието го усвои амандманот со кој се брише членот 13 од измените на Законот за јавните набавки

Спорната одредба се однесуваше на мандатите на претседателот и членовите на Државната комисија за жалби по јавни набавки.Со предложените измени се овозможуваше нивно повторно именување без јасно ограничување на бројот на мандати.

Досегашното законско решение предвидуваше мандат од пет години, со право на уште еден избор.Тоа значи дека членовите можеа да ја извршуваат функцијата најмногу десет години.

Претседателката Гордана Сиљановска-Давкова одби да го потпише указот за прогласување на законот токму поради оваа одредба.Таа оцени дека новата формулација е правно непрецизна и остава простор за неограничен број реизбори.Амандманот за бришење на членот го поднесоа пратениците на ВМРО-ДПМНЕ.

Од владејачкото мнозинство образложија дека со ова се прифаќаатзабелешките на претседателката.

Од СДСМ реагираа дека и тие претходно предложиле исто решение.Опозицијата побара законот да биде повлечен и да се организира јавна расправа за новите измени.За законските измени беа поднесени вкупно 2.158 амандмани.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер