Промовиран извештајот „Профил на детската популација во Република Македонија“ - Канал 5

Живот

Промовиран извештајот „Профил на детската популација во Република Македонија“

Државниот завод за статистика и УНИЦЕФ го промовираа извештајот „Профил на детската популација во Република Македонија“ во кој за првпат во една публикација се собрани сите достапни статистички податоци за децата во земјата.

Промовиран извештајот „Профил на детската популација во Република Македонија“

На денешната панел-дискусија, учесниците покренаа прашања за тоа колку е важно националните чинители да ја подобрат способноста за собирање, толкување и изработка на расчленети податоци за децата и креирање политики за деца базирани на докази.

„Политиките и програмите за деца што се потпираат на податоци може да влијаат врз буџетските одлуки што водат кон заштеда на трошоци и оптимално искористување на ресурсите за секое дете“, рече Патриција ДиЏовани, претставничка на УНИЦЕФ.

„Со координирана работа на сите чинители заедно, податоците може да ги употребиме во корист на децата. За добри политики за деца, потребни се добри податоци. Развивањето политики чија цел е унапредување на детската благосостојба налага солидна база на информации за повеќе домени од животот на децата, вклучувајќи го физичкото и менталното здравје, социо-емоционалниот развој, учењето и образовните резултати“, нагласи претставничката на УНИЦЕФ.

Марина Мијовска, советничка во Државниот завод за статистика, рече дека во иднина соработката со УНИЦЕФ, како и сознанијата за меѓународните практики во оваа област, може да отворат нов правец во развојот на статистиката и да овозможат достапност на податоци за децата на едно место.

Иако во земјата постојат податоци за децата, тие се расштркани и се наоѓаат во различни институции, честопати јавно се недостапни и се во необработена форма.

Публикацијата „Профил на детската популација во Република Македонија“ ги обединува податоците за децата од Пописот од 2021 година и административните податоци изработени од државните институции за низа области, вклучително и за деца во алтернативна грижа; деца кои примаат социјална помош и услуги; а меѓу другото и детски бракови и раѓања кај малолетни мајки. Извештајот обезбедува податоци собрани на едно место за состојбата на децата, како и увид во идните трендови, со цел да ѝ се помогне на владата при изработка на политики засновани на докази.

Оваа иницијатива е еден од многуте напори осмислени за поддршка на земјата во исполнување на нејзините обврски во спроведувањето на Конвенцијата за правата на детето. Последните Заклучни согледувања за Македонија објавени од Комитетот на Конвенцијата за правата на детето ја истакнаа потребата од сеопфатен, расчленет и сигурен механизам за собирање

податоци меѓу секторите. Исто така, таму се повикува на меѓусекторска координација во процесот на формулирање, следење и евалуација на политиките и програмите за деца.

УНИЦЕФ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски призна дека тој гони и апси

„Вие бркате, затворате, тие ги пуштаат на слобода.“

СДСМ: Мицкоски призна дека тој гони и апси

Ова го рече премиерот Христијан Мицкоски, коментирајќи ги одлуките на Врховниот суд за Ласкарци и Јакимовски.

Како еден премиер да брка и да затвора?

Како еден премиер да гони?

Ова е уште еден јасен доказ дека обвинителството работи по налог на Мицкоски.

Тој повеќе ниту се крие.

Тоа го кажува јавно – на телевизија, во Собранието, каде сака.

Премиерот не е обвинител.

Премиерот не е судија.

Премиерот не е полициски инспектор.

Но Мицкоски јавно признава дека „тие“ бркаат и затвораат, а „другите“ (повторно тие) пуштаат.

Тоа значи само едно:

Обвинителството, судовите, АНБ и полицијата се под негова контрола.

Правдата е селективна.

Институциите се инструмент на политичка волја.

Кога сакаат – гонат.

Кога сакаат – се оградуваат.

Кога сакаат – пуштаат, затвораат.

Ова е владеење на една организирана криминална група што ги зароби институциите и јавно се фали со тоа.

СДСМ бара итно враќање на независноста на обвинителството и судството.

Премиерот не смее да гони и да апси.

Законот мора да важи еднакво за сите – не според наредба од владината фотелја.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Психолошка креативна работилница во ООУ „Војдан Чернодрински“

Во ООУ „Војдан Чернодрински“, се реализираше психолошка креативна работилница на тема „Мојот внатрешен чувар“, наменета за учениците од II-б одделение. 

Психолошка креативна работилница во ООУ „Војдан Чернодрински“

Целта на работилницата беше учениците да го препознаат стравот како природен заштитен сигнал на телото, да ги забележуваат телесните реакции при вознемиреност, како и да усвојат едноставни техники за смирување и начини за барање поддршка.

Преку приказната за ежето Боцко, активноста „Семафор за сигурност“ и практични вежби, учениците учеа дека храброста не значи отсуство на страв, туку способност да се препознае стравот, да се реагира соодветно и да се донесе правилна и безбедна одлука. Во рамки на работилницата, учениците изработија цртежи под наслов „Мојата картичка за храброст“, преку кои ги претставија знаците на вознемиреност, начините кои им помагаат да се смират, како и личностите од кои би побарале помош кога им е потребна. Работилницата ја реализираше училишниот психолог Наталија Наумовска Велковска, со цел преку креативни и интерактивни активности учениците да стекнат корисни знаења и вештини за препознавање и справување со сопствените емоции.

Преку реализација на вакви активности, ООУ „Војдан Чернодрински“ придонесува кон развивање на емоционалната писменост, самодовербата, чувството на сигурност и социјално-емоционалните вештини кај учениците.

ОПШТИНА КАРПОШ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп симулираше положување заклетва со приврзаниците: „Ако не излезете на гласање, ќе одите во пеколот“

Со апел до Републиканците да излезат масовно на изборите за Конгресот на трети ноември и соочен со можноста да го загуби мнозинството во двата дома, американскиот претседател Трамп ја заокружи дводневната конвенција во Далас.

Трамп симулираше положување заклетва со приврзаниците: „Ако не излезете на гласање, ќе одите во пеколот“

Тој приреди необична сцена во салата, симулирајќи положување заклетва со присутните.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер