Промоција на „Живот вреден за живеење“ - Канал 5

Култура

Промоција на „Живот вреден за живеење“

Мимоза Петревска Георгиева и Емилија Георгиевска Наневска се автори на книгата „Живот вреден за живеење“, во издание на „Или-Или“, која ќе биде промовирана денеска во Скопје.

Промоција на „Живот вреден за живеење“

Книгата е составенa од 15 лични приказни на родители, сестри/браќа на деца и младинци со пречки во развојот, а илустрирана е со фотографии на Драги Неделчевски.

Промотори на изданието ќе бидат писателот Гоце Смилевски и психологот Каролина Костадиновска.

Авторките Георгиевска Наневска (психолог, предавач на универзитетите „Сафолк“ и „Сент Луис“ во Мадрид) и Петревска Георгиева (новинарка во „Нова Македонија“) се мајки на девојчиња со посебни потреби, додека авторот на фотографиите Неделчевски од Тетово, е татко на момче со церебрална парализа.

Според издавачот, книгата опфаќа исповеди на членови на најтесното семејство за нивните најблиски со различни видови попречености (Даунов синдром, церебрална парализа, аутизам и други ретки болести), кои произлегуваат од различни социјални, верски и етнички контексти и ќе мотивира многумина во прифаќањето и споделувањето на нивните искуства.

- Книгата има и едукативен и терапевтски карактер. Покрај описот на дијагнозата и секојдневјето на детето, родителите пишуваат за терапиите, социјалните и семејните односи, интегрирањeто во градинка/ училиште, самогрижата и нивните начини на справување, a даваат и сугестии за тоа како може да се подобрат условите за живеење на овие деца кај нас. Во книгата се застапени и дел од децата со попреченост со кои се направени куси разговори, со цел да се чуе и нивниот глас, наведуваат авторите.

Книгата е поддржана од Министерството за култура на РМ, компании и голем број пријатели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дрон погоди нуклеарна електрана во Русија- итно се огласи МААЕ

Меѓународната агенција за атомска енергија (МААЕ) соопшти дека дрон удрил во ладилна кула во нуклеарната централа Курск во Руската Федерација.

Дрон погоди нуклеарна електрана во Русија- итно се огласи МААЕ

Се наведува дека електраната работела во времето на нападот, но нејзиниот режим на работа не се променил и немало пожар.

Генералниот директор на МААЕ, Рафаел Гроси, изјави дека сите напади врз нуклеарните постројки се „неприфатливи бидејќи можат да ја загрозат нуклеарната безбедност, без оглед каде се случуваат“.

Генералниот директор Гроси, исто така, го повтори својот повик за максимална воена воздржаност за да се спречи ризикот од нуклеарна несреќа.

Тагови: дрон електрана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

Порано оваа година, една компанија во покраината Зеланд во Холандија отпушти жена поради закана дека ќе убие колешка.

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

„Подобро да не ја сретнам, бидејќи ќе ја средам“, рекла жената, по што била отпуштена.

Сепак, Окружниот суд на Зеланд и Западен Брабант пресуди дека отказот без претходна најава е престрога казна за заканата и ѝ наложи на компанијата да ѝ исплати на жената повеќе од 10.000 евра.

Жената почнала да работи во финансиската администрација на организацијата на почетокот на 2024 година. Во февруари 2026 година, таа била суспендирана поради, како што рекол работодавачот, лоши резултати.

Таа била обвинета за вознемирување, заплашување и намерна саботажа и поткопување на колегите. Таа имала конфликт со колешката поради озборувања, објавува NL Times.

По суспензијата, жената морала да му го предаде компјутерот на ИТ менаџерот, кој ја испратил до излезот. На излегување, таа рекла: „Подобро да не ја сретнам, бидејќи ќе ја фатам. Можеш да ѝ го кажеш тоа“.

Работодавачот верувал дека жената се осврнува на колешката со која се расправала. Таа била отпуштена веднаш поради таа изјава, врз основа на тоа дека станува збор за „сериозна закана за насилство“.

Отпуштената вработена се обратила на суд, тврдејќи дека таквата казна е прекумерна и неоправдана. Таа изјавила дека нејзината изјава не се однесува на некое конкретно лице и дека била емоционално вознемирена бидејќи суспензијата дошла како целосно изненадување за неа.

Работодавачот, од друга страна, тврдел дека заканувачката изјава не била изолиран инцидент и дека колегите и клиентите претходно се жалеле на нејзиното однесување.

Окружниот суд Зеланд-Западен Брабант пресуди во корист на жената. Судот утврдил дека нејзината изјава била „заканувачка и неприфатлива“ и дека нејзиното објаснување дека не мислела на некој конкретен колега не било веродостојно. Сепак, судот ги зел предвид олеснителните околности.

Судијата сметала дека е „разбирливо“ што жената била вознемирена од суспензијата и дека ја дала заканувачката изјава „во жештината на моментот“.

Судот, исто така, не ги зел предвид претходните жалби за нејзиното однесување, бидејќи тие не биле наведени како причина за отпуштањето. Покрај тоа, работодавачот не можеше да докаже дека овие жалби некогаш биле покренати до жената.

Затоа, судот го поништи отказот со моментално дејство.

Жената не сакаше да се врати на работа бидејќи во меѓувреме веќе нашла друга работа, па судот ѝ наложи на компанијата да ѝ исплати повеќе од 10.000 евра. Оваа сума вклучува законска отпремнина од речиси 2.700 евра, отказен рок од повеќе од 4.300 евра и дополнителни 3.500 евра за неоправдано отпуштање.

Жената побара 47.000 евра отштета, но судот ѝ досуди значително помал износ бидејќи наскоро нашла нова работа, па нејзините финансиски загуби биле ограничени.

Тагови: колешка отказ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Кристијано Роналдо продолжува да игра за Португалија

Кристијано Роналдо (41) ја продолжува својата репрезентативна кариера. 

Кристијано Роналдо продолжува да игра за Португалија

Новиот селектор на Португалија, Жорге Жесус, го вклучи во својот прв состав за четири натпревари од Лигата на нации, со што се стави крај на неизвесноста околу иднината на Роналдо со националниот тим по Светското првенство во 2026 година.

Португалија ќе игра против Велс на 24 септември во Лисабон, ќе ја посети Норвешка три дена подоцна, ќе игра во Данска на 1 октомври, а овој репрезентативен циклус завршува на 4 октомври со уште еден натпревар против Норвешка, овој пат во Порто. Португалија влегува во новото издание на натпреварувањето како бранител на титулата во Лигата на нации.

По елиминацијата на Португалија од Шпанија во осминафиналето на Светското првенство, Роналдо потврди дека тоа е неговото последно Светско првенство, но потоа не го објави крајот на неговата репрезентативна кариера. По турнирот, Роберто Мартинез ја напушти селективната функција и беше заменет од Жесус, кој веќе работеше со Роналдо во Ал Наср. Ројтерс објави дека Роналдо постигна 29 гола во 33 настапи под негово водство минатата сезона.

Жесус веќе објави дека смета на Роналдо

Жесус јасно стави до знаење на презентацијата во јули дека нема намера да го отпише капитенот на Португалија само поради неговите години. „Додека игра и има услови за повик, ќе го повикам, во одредени граници и под условите што ги сметам за најдобри за националниот тим“, рече Жесус тогаш. Тој додаде дека Роналдо „никогаш нема да биде проблем“ за него или за националниот тим.

Денешниот попис ги потврди неговите зборови. Роналдо се најде меѓу напаѓачите заедно со Фабио Силва, Франсиско Тринкао, Франсиско Консеисао, Гонсало Рамос, Жоао Феликс, Педро Нето и Рафаел Леа.

За 41-годишниот напаѓач започнува уште еден репрезентативен циклус, овој пат под тренерот со кого веќе соработуваше во Саудиска Арабија. Жесус е договорно обврзан со Португалија до 2030 година, кога Португалија ќе биде еден од домаќините на Светското првенство, но Роналдо веќе изјави дека Светското првенство во 2026 година му било последно.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер