Промоција на првата авторизирана биографија на Дарко Панчев во издание на „Арс Ламина“ - Канал 5

Забава

Промоција на првата авторизирана биографија на Дарко Панчев во издание на „Арс Ламина“

Во книгата е поместен избор од 40 фотографии од приватната архива на Панчев, кои прикажуваат важни моменти од неговата кариера и од неговиот живот. 

Промоција на првата авторизирана биографија на Дарко Панчев во издание на „Арс Ламина“

Првата авторизирана биографија на легендарниот фудбалер Дарко Панчев во идание на „Арс Либрис“(дел од „Арс Ламина – публикации“), чиј автор е доајенот на спортското новинарство Зоран Михајлов, ќе биде промовирана вечер во 19 часот, во книжарницата „Литература.мк“ во „Дајмонд мол“.

Промотори на книгата ќе бидат проф. д-р Љубомир Кекеновски и поранешниот фудбалер и соиграч на Панчев, Васил Рингов, а модератор ќе биде уредничката Бисера Бендевска.

Во долгоочекуваната книга, Михајлов открива познати и помалку познати случувања, факти и анегдоти за Панчев, за неговиот подем, за постигнувањата и за неговата личност, почнувајќи од неговото детство, преку ангажманите во ФК Вардар и ФК Црвена звезда, па сѐ до европската фудбалска авантура. Во книгата се зборува и за животот на Панчев и надвор од зелениот терен...

-Македонската Кобра, како што го знаат нашиот Дарко Панчев лаиците и оние поупатените, го разбранува фудбалскиот свет во своето време и на величествен начин – од Вардар преку Црвена звезда – во 1991 година стигна до титулата прв стрелец на Европа, освојувајќи ја „Златната копачка“ на популарниот „Екип“ и на брендот за спортска опрема „Адидас“. Со 34 постигнати гола и со освоените титули со Звезда – европски и светски клупски првак, и „Сребрена топка“ во изборот на реномираниот француски спортски весник „Франс фудбал“ за втор најдобар играч во Европа, иако според мнозинството од фудбалскиот свет ја заслужил „Златната топка“ – Панчев стана една од најинтересните фудбалски појави, не само на Стариот Континент, туку и во светот, вели Михајлов во книгата.

Во книгата е поместен избор од 40 фотографии од приватната архива на Панчев, кои прикажуваат важни моменти од неговата кариера и од неговиот живот. Публикацијата е збогатена и со искази за Панчев од челниците и легендите на Звезда, од неговите соиграчи, современици, претставници од спортската и од научната фела.

Најславниот и најуспешниот фудбалер на Македонија, Дарко Панчев, е роден на 7 септември во 1965 година, во Скопје. Благодарејќи на неговите голгетерски способности и вродениот рефлекс за скротување на топката во шеснаесетникот, тој се здобива со прекарот Кобра, како што е познат и до денес во фудбалскиот свет. Решетејќи ги мрежите на звучните клубови во Првата југословенска лига како играч на Вардар, успева да стигне до врвот на лигата во сезоната 1986/87 година, по што станува привлечен за клубовите од т.н. „Голема четворка“: српските Црвена звезда и Партизан, и хрватските Динамо Загреб и Хајдук. Но, најбрза во трката за неговиот потпис е белградска Звезда, каде што ќе го достигне зенитот во својата кариера – освојување на тронот на клупска Европа и тоа токму со неговиот победнички погодок во пенал-рулетот против Олимпик Марсеј, и добивањето на „Златната копачка“ и на „Сребрената топка“. Потоа настапува и за гигантот Интер од Милано, за Лајпциг, Фортуна Диселдорф и за Сион, каде што ја завршува својата кариера. Бележити се и неговите настапи за југословенската репрезентација и за репрезентацијата на Македонија по осамостојувањето, станувајќи нејзин прв капитен. Тој е прогласен за Фудбалер на векот во Македонија.

Како што наведуваат од издавачката куѓа, ова е трета книга на неуморниот спортски новинар и коментатор Зоран Михајлов (р. 1945 година) по „Спортски стории: записи, настани и сеќавања“ (издание на „Арс Либрис“) и монографијата за борачот Шабан Сејдиу (коавтор). Во својата 60-годишна кариера присуствувал на најголемите спортски случувања , меѓу кои и на рекордни 15 олимпијади и притоа ги афирмира настапите на македонските спортисти и ја информира македонската јавност за тамошните случувања.

-Оваа биографија што ја подготвував со задоволство, буквално ќе ја долови кариерата на нашиот најдобар фудбалер. Колку тој беше ценет и почитуван од своите колеги, а и од легендите во другите спортови, ќе имате можност да прочитате низ овие редови, што ќе останат како документ за една знаменита македонска личност. Тој беше вистински афирматор на својата земја, затоа што преку него и неговите постигнувања многу луѓе во светот дознаа за Македонија. И до денес, Панчев е единствениот Македонец кој успеал да освои две високи индивидуални признанија во својот спорт, „Златната копачка“ и „Сребрената топка“ – во изборот за најдобар фудбалер на Европа. Затоа, името Дарко Панчев е врежано со златни букви во нашата фудбалска и национална историја, вели Михајлов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со специјалната пратеничка на Обединетото Кралство за Западен Балкан, Карен Пирс

Попладнево во Њујорк, на маргините на Генералното собрание, министерот Муцунски оствари средба со специјалната пратеничка на Обединетото Кралство за Западен Балкан, Карен Пирс.

Средба на министерот Муцунски со специјалната пратеничка на Обединетото Кралство за Западен Балкан, Карен Пирс

Во фокусот на разговорите беа стабилноста, безбедноста и европската перспектива на Западен Балкан, актуелните регионални предизвици, како и натамошното продлабочување на односите меѓу двете земји во рамките на стратешкото партнерство.

Акцентот на средбата беше ставен на реформските процеси, јакнењето на демократските институции, владеењето на правото, сојузништвото во НАТО и заедничкиот придонес кон европската и евроатлантската безбедност.

Соговорниците се осврнаа и на економската соработка, конкретните проекти преку партнерството „влада со влада“ и иницијативите од Берлинскиот процес за поголема регионална поврзаност и економски развој,соопштуваат од МНРиНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Телото на убавата Лариса е најдено распарчено во багажник на автомобил- во Франција е уапсен нејзиниот поранешен

Телото на Лариса Брито дос Сантос (25), бразилска манекенка, беше пронајдено распарчено во багажникот на автомобил на автопатот А8, во близина на Ница, Франција.

Телото на убавата Лариса е најдено распарчено во багажник на автомобил- во Франција е уапсен нејзиниот поранешен

Грозоморното откритие е направено за време на рутинска проверка на автопатот, кога царинските службеници прегледале возило управувано од 29-годишен Французин идентификуван како Матие.

Подоцна се дознало дека возачот на запрениот автомобил бил во врска со манекенката. Против него се поднесени обвиненија, иако тој ги негира обвиненијата, според порталот Кларин.

Телото било непрепознатливо и исечено на парчиња кои биле ставени во различни пластични кеси, скриени во багажникот на автомобилот на поранешниот партнер на жртвата.

Мистериозниот случај добива нови детали како што минуваат деновите. Се дознава дека манекенката испратила порака преку WhatsApp до нејзината мајка, која е во Бразил, предупредувајќи ја дека нејзиното поранешно момче е во нејзината куќа.

„Матие е тука“, наводно ѝ пишала нејзината мајка во неделата. После тоа, секаков контакт со неа беше прекинат, сè додека распарченото тело не беше пронајдено во понеделник. Матие е уапсен и обвинет за фемицид.

Според официјални извори, 29-годишниот Французин има неколку претходни пресуди за кривични дела против безбедноста на патиштата, како и за трговија со дрога. Тој е поврзан со трговија со дрога.

Според Дамиен Мартинели, обвинител во Ница, телото имало повреди што се конзистентни со повреди нанесени од нож, а телото наводно било речиси целосно распарчено.

Пријава за исчезнување

Во текот на неделата, маж кој се претставил како пријател на Брита ја известил полицијата во Ница за исчезнувањето на манекенката, наведувајќи дека отишол да ја бара во нејзината куќа и дека видел маж како заминува оттаму со неколку торби што ги ставал во багажникот на автомобил.

Полициската истрага наводно била започната во недела. Подоцна било потврдено дека станот каде што живеела манекенката неодамна бил исчистен.

На истражителите не им требало долго време да ги поврзат двата настани, идентификувајќи ја мртвата жена како истата жена која била пријавена за исчезната. Возачот, нејзиниот поранешен партнер, беше идентификуван како можен убиец.

Властите наредија обдукција за официјално да се утврди причината за смртта. Бразилската амбасада во Франција го информираше семејството дека постапката е закажана за следниот понеделник.

Од Бразил, каде што веста брзо се прошири, весникот „О Глобо“ објави сведоштва од членовите на семејството на жртвата.

Тие наведуваат дека Лариса имала кратка врска со Матие и дека токму таа ја прекинала врската кога открила дека тој наводно е поврзан со локалниот организиран криминал во областа Ница.

Мајката на жртвата, Лилијан Брито Ногеира, потврди дека по раскинувањето, нејзината ќерка се обидела на секој можен начин да се дистанцира од Матие. Жената истакнала дека откако добила предупредувачка порака, се обидела да стапи во контакт со својата ќерка.

Според неа, еден маж ѝ се јавил и ѝ рекол дека Лариса спие. Кога Лилијан му рекла дека ќе се јави во полиција, Матие наводно го блокирал нејзиниот број. „Во тој момент, тој веќе ја убил мојата ќерка“, рекла таа.

Лариса Брито дос Сантос се преселила во Франција во 2023 година, откако претходно работела во ноќни клубови во Сао Паоло.

Додека била во притвор во Ница и на располагање на истражителите, Матие, според локалниот весник „Нас Матин“, ги негира обвиненијата против него. Сепак, истрагата е сè уште во тек.

Сега, семејството на младата жена во Бразил организирало собирање средства за да ги покрие трошоците за репатријација на нејзиното тело.

„Треба да ја видам ќерка ми“, изјави Лилијан за „О Глобо“.

Тагови: автомобил багажник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Палестинскиот претседател до Трамп: Исполнете ги ветувањата што ни ги дадовте

Палестинскиот претседател Махмуд Абас денеска го повика американскиот претседател Доналд Трамп да ги исполни ветувањата дадени на арапските земји за спречување на раселувањето на Палестинците и анексијата на палестинската земја.

Палестинскиот претседател до Трамп: Исполнете ги ветувањата што ни ги дадовте

Абас го објави ова во претходно снимено обраќање на 81-та сесија на Генералното собрание на Обединетите нации, откако не можеше лично да присуствува на сесијата втора година по ред.

Тој ги повика САД да соработуваат со палестинското раководство и меѓународната заедница за спроведување на решение за две држави врз основа на меѓународното право. Абас рече дека Палестинците го поздравуваат мировниот план на Трамп, но не виделе никаков напредок на терен.

Палестинскиот претседател до Трамп: Исполнете ги ветувањата што ни ги дадовте

Тој, исто така, ги предупреди светските лидери за опасноста од повторување на Накба, масакрот и протерувањето што го претрпеа Палестинците во 1948 година. Палестинскиот претседател рече дека неговиот народ се соочува со еден од најопасните периоди во својата историја, наведувајќи убиства, уништување, глад и обиди за присилно раселување во Појасот Газа.

Абас рече дека секој транзициски период на крајот мора да доведе до повторно обединување на Појасот Газа и окупираниот Западен Брег под една палестинска држава со една легитимна вооружена сила.

Тој, исто така, го обвини Израел дека поседува повеќе од 6 милијарди долари палестински имот и побара негово итно ослободување. Абас ги отфрли, како што ги нарече, казнените мерки што му забрануваат нему и на членовите на палестинската делегација да присуствуваат на Генералното собрание, велејќи дека таквите ограничувања ги кршат обврските на САД како земја домаќин на Обединетите нации.

Тој го повика Вашингтон да ги укине мерките и да му дозволи на палестинското раководство целосно да учествува на состаноците на Обединетите нации.

Тагови: Доналд Трамп палестински

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер