Промоција на поетска збирка од Сеида Бегановиќ - Канал 5

Култура

Промоција на поетска збирка од Сеида Бегановиќ

Во Галеријата на Младинскиот културен центар вечер ќе биде промовирана поетската збирка „За жените кои немаат куќа и три обични дена“ од Сеида Бегановиќ.

Промоција на поетска збирка од Сеида Бегановиќ
Според Елизабета Шелева, која ќе ја промовира книгата, поезијата на Бегановиќ е вистински предизвик за читателот.

- Храбро и возбудливо четиво, во кое рака под рака одат горчливата исповедност и надмоќната философска дистанцираност; ранливата кревкост на жената и отровниот цинизам на супериорната, самоиронична „мажевна“ мудрост; духовитата игра на зборови, метафори и идиоми, смислата за хумор, воопшто и неочекуваниот, од заседа излезен „калкулус на болката“, самотијата, напуштеноста, предавството од страна на другите..., истакнува Шелева.

Покрај неа, за изданието на промоцијата ќе зборува и поетот Владимир Мартиновски, а стихови ќе читаат Елена Митреска, Снежана Стојчевска, Ѓоко Здравевски, Владимир Мартиновски и авторката Бегановиќ.

Сеида Бегановиќ (Зеница, Босна, 1961) завршила студии по филозофија и социологија на Филозофскиот факултет во Сараево. Живее и работи во Скопје како слободен уметник. Објавува поезија и проза (раскази и романи), а работела како новинар, драматург и преведувач (македонски, полски, руски, англиски јазик).

Нејзината поезија и проза е преведувана на англиски, полски, руски, украински, македонски, албански и турски јазик. Има објавено повеќе наслови: „Индекс на изговори“ (поезија, 2004), „Интервју со сината куќа“ (роман, 2007), „Граничници“ (поезија, 2009), „Албум на совршените мигови“ (роман, 2010).

Поетската книга „За жените кои немаат куќа и три обични дена“ ја доби наградата „Книжевен мост“ на Друштвото на писателите на Македонија за 2014 година за автори кои пишуваат на малцинските јазици./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево за време на викендот со температури од 0 до 20 степени

Утре времето ќе биде сончево со умерена локална облачност, соопштуваат од УХМР.

Сончево за време на викендот со температури од 0 до 20 степени

МАКСИМАЛНА ТЕМПЕРАТУРА

4 Попова Шапка, 8 Крушево, 11 Берово, 12 Прилеп, 14 Претор, Крива Паланка, 15 Битола, Охрид, Тетово, Штип, 16 Зајчев Рид, Виница, Велес, Скопје Петровец, 17 Кавадарци, 18 Демир Капија, Струмица, Гевгелија.

КОЛИЧИНА НА ВРНЕЖИ за изминатите 9 часа во (l/m2)

1 Штип.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно, наместа со повремени локални врнежи од дожд. Дуваше слаб до умерен, повремено засилен ветер од северен правец. Во вечерните часови ќе има услови за повремени локални врнежи од дожд.

ВРЕМЕТО УТРЕ

Сончево со умерена локална облачност. Ќе дува слаб до умерен ветер од северен правец. Минималната температура ќе биде во интервал од 0 до 7, а максималната ќе достигне од 13 до 20 степени.

Во Скопје, сончево со мала до умерена локална облачност. Ќе дува слаб до умерен ветер од северен правец, Минималната температура ќе се спушти до 5, а максималната ќе достигне до 18 степени.

ВРЕМЕТО ВО НАРЕДНИТЕ ДЕНОВИ

Следува период на стабилно и релативно топло време со променлива облачност во текот на денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Нашата програма е остварена речиси 90 проценти, а Кавадарци се развива со нови милионски инвестиции

„Нашата програма е остварена речиси 90 проценти, а Кавадарци се развива со нови милионски инвестиции“ .

Јанчев: Нашата програма е остварена речиси 90 проценти, а Кавадарци се развива со нови милионски инвестиции

„Нашата програма е остварена речиси 90 проценти, а Кавадарци се развива со нови милионски инвестиции“ — вака градоначалникот Митко Јанчев му одговори на советникот Круме Богевски од Левица, на обвинувањата на последната седница, за слаба буџетска реализација.

Најавени се нови трговски објекти и фабрички капацитети, како и проширување на Генералниот урбанистички план, објави на ФБ градоначалникот Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: По 30 години чекање - за само пет месеци работа, булеварот „Борис Трајковски“ е пред завршување

Градоначалникот на Град Скопје, Орце Ѓорѓиевски, денеска направи увид во градежните активности за изградба на булеварот Борис Трајковски.

Ѓорѓиевски: По 30 години чекање - за само пет месеци работа, булеварот „Борис Трајковски“ е пред завршување

Градоначалникот на Град Скопје, Орце Ѓорѓиевски, денеска направи увид во градежните активности за изградба на булеварот Борис Трајковски и истакна дека дека до крајот на годината, скопјани по 30 години чекање ќе добијат целосно завршен, модерен и безбеден булевар.

- За рекордно време, пред предвидениот рок, ставаме крај на децениската сообраќајна голгота на една од најважните скопски артерии. Дадов збор дека нема да дозволам мојот народ повеќе да живее со лажни ветувања. Денес, делата говорат. Повеќе од 100.000 граѓани ќе добијат нов, модерен и безбеден булевар за полесно секојдневие, помалку метеж и повеќе време со своите семејства. Даден збор. Исполнето ветување – изјави Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер