Здравје

Променето нивото на дозволени остатоци од никотин во чаевите и зачините во ЕУ

Европската унија на предлог на Евркомисијата усвои Регулатива за измена и дополнувања на правилата за максималните дозволени нивоа на остатоци од никотин во одредени производи, како чаеви, зачини и цимет.

Станува збор за измени на Регулативата за максималните нивоа на остатоци на пестициди во храната и добиточната храна од растително и животинско потекло, во делот кој се однесува на максималните нивоа на остатоци (МНО) на никотин.

Со измените се предвидува од 22 февруари 2026 година максималните нивоа на остатоци на никотин во чаевите од досегашните 0,5 да се намали на 0,4 милиграми на килограм. Ваквото решение се базира на нови информации од Ирска дека сегашното дозволено ниво на никотин во чаевите „не ја одразува точно изложеноста на ирските деца и довело до преценување на ризикот“.

Кај зачините од семиња и овошје, пак, досегашното ниво од 0,02 милиграми на килограм се зголемува на 0,05, врз основа на нови информации од референтните лаборатории на Европската унија, кои оценуваат дека максималното ниво на остатоци од 0,05 милиграми на килограм „може да биде посоодветно за зачините“.

Во случај на циметот, каде дозволеното максимално ниво на остатоци изнесуваше 0,07 милиграми на килограм, сега тоа се зголемува на 0,2 милиграми на килограм. Оваа одлука е донесена врз основа на специфични податоци што неодамна биле доставени до Комисијата, кои укажуваат дека во кората, коренот, пупките и цветовите на циметот може да се појават остатоци на никотин на многу повисоки нивоа од оние утврдени со Регулативата на ЕУ.

Измените и дополнувањата на Регулатива, усвоени вчера, се објавени во денешното издание на Службениот весник на ЕУ, со што официјално стапуваат во сила.

Шоу биз

Фото: Деколтетот на Емили

Една од најубавите жени на светот, 32 годишната манекенка Емили Ратајковски неодамна присуствуваше на настанот „The King's Trust Global Gala“ во Њујорк, а за таа прилика избрала смел стајлинг.

Како што може да се види од фотографиите, атрактивната манекенка на гламурозниот настан блеснала во свилен фустан во беж боја со едноставен крој и длабоко деколте, кое ги истакна нејзините бујни гради.

Благодарение на оваа облека, Емили беше ѕвезда на црвениот тепих.

Забава

Фото: Нова провокација од екс девојката на фудбалерот Дос Сантос

Старлетата Аманда Тривизас се најде на насловните страници на сите медиуми во светот благодарение на „случајната“ интимна објава на мексиканскиот фудбалер Џонатан дон Сантос.

По „случајуната“ експлицитна објава атрактивната Аманда стана многу популарна на Инстаграм.

По серијата провокативни фотки со кои редовно ги радува своите следбеници, Аманда сега се надмина себе си.

На нејзиниот Инстаграм профил се појавија нови, никогаш пожешки слики!

Фудбал

Челси повторно тргнува по Виктор Осимен

Фудбалскиот клуб Челси е заинтересиран за напаѓачот на Наполи и нигериски репрезентативец Виктор Осимен, објавија денеска италијанските и британските медиуми.

Осимен (25) е член на Наполи од 2020 година, а со клубот од Неапол има договор до 30 јуни 2026 година, а минатото лето интерес за него покажаа Пари Сен Жермен и Барселона.

Италијанските медиуми пренесуваат дека претставници на Челси започнале преговори со раководните лица на нигерискиот напаѓач, како и со раководството на Наполи.

-Воспоставени се контакти помеѓу Челси и Наполи. Оттаму планираат да му платат на Осимен меѓу 80 и 90 милиони евра и да го испратат Ромелу Лукаку и уште еден помлад играч во Наполи, тврди извор близок до челниците на „сините“ за „Скај Спортс“.

Осимен со Наполи ја освои титулата во Серија „А“, а оваа сезона одигра 29 натпревари и постигна 16 голови.