Свет

Проколнатата јахта однесе уште еден живот- загина нуркач додека ја ваделе од дното на морето

Минатогодишната трагедија кај Сицилија, кога суперјахтата „Бајезан“ потона во ненадејна бура и однесе во смрт девет лица, вклучувајќи го и нејзиниот сопственик, британскиот тајкун Мајк Линч, го шокираше светот.

Минатогодишната трагедија кај Сицилија, кога суперјахтата „Бајезан“ потона во ненадејна бура и однесе во смрт девет лица, вклучувајќи го и нејзиниот сопственик, британскиот тајкун Мајк Линч, го шокираше светот, а сега проколнатата јахта одзеде уште еден живот.

Нуркач од оперативниот тим кој ја извлекува суперјахтата на британскиот милијардер Мајк Линч, која потона покрај северниот брег на Сицилија минатиот август, загина во несреќа, соопшти полцијата, пренесе Гардијан.

Несреќата се случила вчера додека нуркачот сè уште бил под вода. Полицијата не ја открила точната причина за смртта.

Според локалните медиуми, нуркачот бил триесет и деветгодишен Холанѓанец кој работел за компанија специјализирана за вакви потфати.

Бродовите за извлекување на јахтата од морето пристигнале на локацијата во близина на пристаништето Портичело, во близина на Палермо, каде што „Бајезијан“ потонала.

Седум од 22 патници на јахтата загинаа во несреќата минатото лето, вклучувајќи го и 59-годишниот Линч и неговата 18-годишна ќерка Хана.

Меѓу загинатите беа членот на меѓународниот одбор на „Морган Стенли“, Џонатан Блумер (70), неговата сопруга Џуди (71), американскиот адвокат Крис Морвило и неговата сопруга Нед, како и готвачот Рекалдо Томас.

Петнаесет патници успеаја да се качат на чамец за спасување, вклучувајќи ја и сопругата на Линч, Анџела Бакарес.

Причината за потонувањето на јахтата сè уште се истражува, бидејќи поморските експерти тврдат дека јахта како „ Бајезиан “ требало да издржи ненадејна бура и не можела да потоне толку брзо.

Операцијата за спасување на јахти ја водат компаниите „TMC Marine“, „Hebo“ и „SMIT Salvage“ со поддршка на италијански специјалисти.

Околу 70 луѓе од цела Европа пристигнаа на Сицилија и учествуваат во напорите за спасување на јахтата.

Тагови: суперјахта нуркач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Кос најави нови правила за проширување на ЕУ – постепена интеграција, построги проверки и нова методологија

Светот се промени, а проширувањето мора да се промени со него.

Еврокомесарката за проширување, Марта Кос, ги претстави клучните елементи за сеопфатната реформа за проширување, која треба да биде усвоена на 30-ти септември. Планот кој Кос го презентирала на Конференцијата на амбасадори во Загреб, а чија содржина писмено ја објави Европската Комисија предвидува постепена итеграција, построги проверки на земјите кандидати и нова методологија. За Кос за да им се каже добредојде на нови членки, клучно е да се постигне консенсуз за четири столба, внатрешни реформи, демократски заштитни мерки, методологија на проширување и транзициски мерки. Во говорот на Кос доминираат прашањета како Унијата да се заштити од можноста една земја да ги блокира сите други или да отстапи од демократските стандарди, како искуствата со Унгарија, што сугерира на идејата новите земји членки одреден период да немаат право на вето.

-Мора да бараме поамбициозни начини за постепена интеграција. Но, Прво треба да го разбереме влијанието што новодојденците можат да го имаат. А кога влијанието може да биде штетно за нашите земји-членки, мора да дејствуваме за да ги заштитиме нивните интереси. Мора да се осигураме дека нема да дозволиме да влезат тројански коњи. Ниту денес, ниту за 10 или 20 години од сега. , изјавила Кос во Загреб.

Во мисија на која треба да ги чуе ставовите на сите земји членки и за проширувањето, денеска тргна првиот човек на Европскиот Совет, Антонио Кошта на таканаречената „тура низ главните градови“, на која во наредните недели ќе се сретне со лидерите на сите земји членки. Прва дестинација му беше Братислава и средба со словачкиот премиер Фицо.

Поддршката за Западен Балкан, Молдавија и Украина на нивниот пат до членство во ЕУ е инвестиција во Европската, но и словачката безбедност и просперитет. Ние треба да продолжиме да работиме со кандидатите врз основа на процес на заслуги и почитувајќи ги сите подеднакво. , изјави Антонио Кошта, претседател на Европскиот Совет

Во изминатиот период на маса беа ставени неколку нон пејпери, како постепено членство со одредени бенефити, пристап до единствениот европски пазар и статус на привилегиран набљудувач, во кој многумина препознаа членство од втор ред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Кружниот тек на Северен булевар во завршна фаза [☑️]

Кружниот тек на Северен булевар во завршна фаза [☑️], објави на Фејсбук, градоначалникот на Кавадарци, Митко Јанчев.

Денес на кружниот тек на Северен Булевар се реализираа завршните активности – се обележуваше хоризонталната сообраќајна сигнализација и се поставуваа сообраќајните знаци. Со асфалтирани 5.300 м², проектот е во својата финална фаза и наскоро кружниот тек ќе биде целосно ставен во функција.

Продолжуваме со работа до целосна реализација! [🏗️], стои во објавата на првиот човек на Кавадарци, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Владата донесе одлука од денеска до 30 септември трговците да ги намалат цените за 10 до 15 проценти за училишниот прибор

Во пресрет на почетокот на учебната година, владата донесе одлука од денеска до 30 септември трговците да ги намалат цените за 10 до 15 проценти за училишниот прибор.

Дополнително трговците се задолжуваат покрај новата, на производите да ја прикажат и старата цена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.