Пројковски: „Соларис“ ќе биде важен столб во историјата на МНТ - Канал 5

Култура

Пројковски: „Соларис“ ќе биде важен столб во историјата на МНТ

Вечерва е голем празник и важен ден за Македонскиот народен театар. Нашите заложби изминатиот период да се промовираме со естетика и да се наметнеме како еден театарски центар на европската театарска мапа вечерва се потврдува, рече директорот на МНТ Дејан Пројковски на прес-конференција пред премиерата на „Соларис“ во австриската престолнина, како копродукциски проект со фестивалот-домаќин „Виенер фествохен“.

Пројковски: „Соларис“ ќе биде важен столб во историјата на МНТ
„Соларис“ е меѓу петте главни премиери на фестивалот. Светската премиера на оваа претстава во режија на Украинецот Андриј Жолдак, како и двете репризи утре и задутре, ќе биде во централната сала на комплексот MuseumsQuartiers (MQ) која има места за 820 гледачи.
- Мислам дека по вечерашната премиера „Соларис“ ќе биде важен столб во историјата на МНТ и претстава која ќе ни влее верба дека се движиме по вистинскиот пат. Зашто да се биде дел од главната програма со едно светско режисерско име како што е Жолдак е само доказ за креативниот капацитет и енергија кои ги носи ансамблот на МНТ, рече Пројковски.
Копродукцијата со „Виенер фествохен“ е финансиска и секаде каде што понатаму ќе гостува „Соларис“ ќе биде претставуван како копродукција. За скопската премиера во септември веќе има најавено претставници од фестивали кои ќе дојдат да ја гледаат, како од Даблин и Мелбурн, кои разговарале и за земање на двете претстави на Жолдак со МНТ („Електра“ и „Соларис“). Пројковски соопшти и дека следната година МНТ ќе влезе похрабро и посмело.
- Во преговори сме со водечки имиња од германскиот и од италијанскиот театар. Имаме идеи за копродукции. Ова е почеток на еден убав период на МНТ, рече Пројковски и се заблагодари на Министерството за култура зашто има разбирање за нивната идеја - МНТ да прерасне во важен театарски центар во Европа.
Режисерот со богата меѓународна кариера и со специфична театарска естетика, Андриј Жолдак, како и директорот на МНТ, смета дека треба да се има храброст, креативна фантазија и издржливост за да се влезе во вакви големи проекти кои бараат голем напор и голема верба.
За „Виенер фествохен“ рече дека е еден од најголемите фестивали кој селектира продукции кои носат теми од животот, политика и уметноста. Учеството на Македонија го смета за важна страница во нејзината културна историја и за нејзината промоција и е среќен што МНТ и Пројковски како претставници од новата генерација театри на Источна Европа и Балканот се во официјалната програма и ќе играат на централната сцена.
Не може да ги предвиди реакциите на публиката по вечерашната премиера, одговори Жолдак на прашањето какви му се очекувањата.
- Не знам што да очекувам. Ја знам Германија, често имам претстави пред германската публика, пред австриската имав пред 11 години на фестивалот со адаптација на роман од Солжењицин, но не ги знам реакциите сега зашто времињата се менуваат. Овој фестивал е многу буржуоаски, со многу културни настани, влезниците не се евтини, рече режисерот.
За новата продукција со МНТ меѓу другото рече дека е како добриот стар стил во филмовите на Тарковски и Бергман, дека во неа нема забава туку сенки и темнина, свесност за проблемот што е насекаде во западна Европа, загубата во вербата во Бог.
Дејан Лилиќ, кој го игра ликот на Крис Келвин, исто така, неодреден во очекувањата од премиерата.
- Никогаш не ми било потешко да кажам што очекувам од една претстава. Имам преку 60 претстави и никогаш не сум бил со толку прашалници како ќе биде тоа прифатено од другата страна, не зашто мислам дека е лоша претставата, туку зашто е сосема различно и ново ова што го правиме во однос на сценските елементи, мизансценот, начинот на игра и како е тоа претставено. Сигурен сум дека многу ќе ги допре претставата, на некои луѓе можеби воопшто нема да им се допадне, но впрочем зошто би била уметноста еднаква за сите, не е математика, рече Лилиќ. Додаде дека претставата не враќа од едно време во друго и тоа само преку внатрешните чувства и емоции на еден човек.
- А тој човек сме сите ние. Крис Келвин е огледало во кое сите може да се препознаат. Сите ние внатре си го имаме нашиот космос во кој треба да трагаме и да си ги бараме нашите работи, истакна Лилиќ.
Дарја Ризова, која го игра ликот на Реја, зборуваше за втората соработка со Жолдак по улогата во „Електра“.
- Предизвик е да се работи со Андриј, секогаш се повеќе се учи од него. Психички и физички е напорен процес, како и „Електра“. Како млад актер за мене беше голема работа што ми се случи да влезам во таков оган со Жолдак, за „Електра“ и сега, по толку краток период, повторно да се соочам со него. Не научи дека ништо не е невоможно и дека се што сакаме можеме да го покажеме на сцената, да да ги откриеме во себе темните, скриени страни кои можеби никогаш не си мислел дека ги имаш и сега си свесен за тоа, рече Ризова.
Нивните ликови од детството ги играат две деца – 10-годишната Калина Трипкова и 12-годишниот Дарио Ефтимовски кои на прес-конференцијата рекоа дека се среќни што учествуваат со актери професионалци и велат не им било тешко.
Во актерската екипа се и Александар Ѓорѓијоски, Славиша Кајевски, Драгана Левенска, Александар Михајловски, Софиа Насевска-Трифуновска и Арна Шијак.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

На Бугарија ѝ се заканува политички земјотрес по трагедијата- опозицијата бара оставка од владата на Радев

Сообраќајна несреќа на автопатот Тракија во Бугарија, во која загинаа 12 лица, а 50 беа повредени, предизвика политички реакции откако беше откриено дека камерите и системите за надзор снимиле опасно густа магла два часа пред трагедијата.

На Бугарија ѝ се заканува политички земјотрес по трагедијата- опозицијата бара оставка од владата на Радев

Опозицијата тврди дека властите имале доволно време да реагираат, но не ги презеле потребните мерки, поради што сега бара оставка од премиерот и министрите, пренесува БНТ.

Тешката сообраќајна несреќа се случила рано наутро на автопатот Тракија, во близина на раскрсницата Зимница, каде што се судриле десетици автомобили и камиони поради исклучително лоша видливост.

Според официјалните бројки презентирани од министерката за здравство Катја Ивкова, во сообраќајната несреќа животот го загубиле 12 лица, додека 50 повредени лица се лекуваат во болници.

Меѓу тешко повредените е и лекар од Детската болница „Света Анастасија“ во Бургас, што го потврди и директорот на оваа здравствена установа, д-р Благомир Здравков.

Поради големиот број повредени, започната е обемна спасувачка и медицинска операција.

Поголемиот дел од пациентите, 27 од нив, беа сместени во болниците во Сливен, 12 беа префрлени во здравствените установи во Јамбол, додека седум беа лекувани во две болници во Бургас.

Властите, исто така, предвидоа можност најтешко повредените да бидат префрлени со авион во Софија, каде што ќе продолжат со лекувањето. Бугарскиот премиер Румен Радев го прогласи 11 ноември за ден на жалост.

Камерите предупредија на опасноста неколку часа пред несреќата

По трагедијата се постави прашањето за одговорноста на надлежните институции, бидејќи, според експертите и опозицијата, густата магла не беше изненадување.

Георги Галабов од Институтот за безбедност во сообраќајот рече дека камерите на Агенцијата за патна инфраструктура (API) регистрирале спуштање и постепено згуснување на маглата на оваа делница околу два часа пред несреќата.

Според него, интерактивниот систем испратил предупредување до надлежната институција за влошување на временските услови, додека камерите истовремено ги снимиле возилата што се движат со голема брзина и покрај драстично намалената видливост.

Галабов нагласи дека имало доволно време за преземање превентивни мерки.

Меѓу можните решенија, тој ги наведе третирањето на патот за да се спречи формирање мраз, привремено или етапно затворање на ризичниот дел за два до три часа, како и испраќање полициски патроли за регулирање на сообраќајот.

Опозицијата бара оставка од премиерот, се подготвува гласање за недоверба

Трагедијата предизвика жестоки реакции и во бугарскиот парламент, каде што претставниците на опозициската партија ГЕРБ побараа оставка од премиерот Румен Радев и надлежните министри.

Потпретседателот на партијата Даниил Митов, поранешниот регионален министер Николај Нанков и Теменушка Петкова ги обвинија властите за неактивност и обид за префрлање на одговорноста, најавувајќи дека ќе започнат консултации и ќе собираат потписи за гласање за недоверба на владата.

Митов ги отфрли тврдењата на министерот за внатрешни работи Иван Демерџиев дека нема врска помеѓу системот на Агенцијата за патна инфраструктура и Министерството за внатрешни работи.

Тој истакна дека размената на податоци во реално време функционира преку Националниот координативен центар за безбедност во сообраќајот.

Николај Нанков тврдеше дека информациите за густа магла стигнале до Центарот за ситуации на Агенцијата за патна инфраструктура еден ден пред несреќата, додека камерите покажале исклучително лоша видливост најмалку еден час пред судирот.

Тој ги обвини властите дека не го обезбедиле соодветно патот, наведувајќи дека патот не бил третиран од мраз и дека режимот на зимско одржување не бил воведен дури ни до 10 ноември.

Нанков, исто така, посочи на проблемите во одржувањето на патната инфраструктура. Според него, августовската наредба го ограничила тековното одржување на патиштата, вклучително и сигнализацијата и ознаките, додека договорот од 2020 година за поставување 40 електронски информативни табли на автопатот „Тракија“ бил раскинат две години подоцна, без да биде завршена работата.

Теменушка Петкова ги обвини премиерот и владата дека ги манипулирале наодите од ревизорскиот извештај на Сметковната комора со цел да ја префрлат одговорноста за лошата состојба на патиштата на претходната влада.

Истрагата за околностите на трагедијата и одговорноста на надлежните служби ќе биде клучна за утврдување како се случила една од најсериозните сообраќајни несреќи во Бугарија.

Тагови: Бугарија Румен Радев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Шокантен пресврт во Фолксваген: Кинеска технологија во 75 проценти од европските модели

Со децении, кинеските производители на автомобили купуваат европска технологија и учат од западните компании, но сега ситуацијата е целосно обратна. 

Шокантен пресврт во Фолксваген: Кинеска технологија во 75 проценти од европските модели

Германскиот автомобилски гигант „Фолксваген“ сериозно разгледува план за опремување на дури 75 проценти од своите идни модели за европскиот пазар со електронска архитектура развиена во Кина.

Предлогот е лично поддржан од шефот на брендот Томас Шефер, а проектот би ги вклучил повеќето нови модели под брендовите „Фолксваген“, „Шкода“ и „Купра“, вклучувајќи ги и идните електрични „Голф“, „Пасат“ и „Шкода Ењак“.

Во овој случај, не станува збор за промена на класичната механичка платформа, суспензија или мотор, туку за електронскиот мозок и нервен систем на возилото што ги поврзува сите компјутери, сензори, мултимедијални екрани и безбедносни системи. Главната причина за овој пресврт се огромните финансиски заштеди.

Технологијата развиена во соработка со кинеската компанија „Икс-пенг“ овозможува намалување на бројот на електронски контролни единици за околу 30 проценти, што драстично го поедноставува производството и би можела да заштеди на концернот помеѓу четири и пет милијарди евра, а во исто време да ги реши годините на проблеми и доцнења во сопствениот софтверски оддел.

Конечната одлука сè уште не е официјално усвоена бидејќи новата архитектура прво мора да претрпи строги прилагодувања на европските закони за безбедност и заштита на лични податоци, што би можело да одземе дел од планираните финансиски придобивки.

Сепак, самиот факт дека најголемиот европски производител сериозно планира да набави кинески електронски решенија за автомобили наменети за европски клиенти е најдобар доказ за тоа колку неповратно се променила распределбата на моќта на светскиот пазар.

Тагови: фолксваген

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Од депонија до огромен мега парк на 86.000 м² во Карпош

Градоначалникот на Град Скопје, Орце Ѓорѓиевски, истакна дека со силна динамика се уредува новиот мега парк во Карпош на местото на децениската огромна дива депонија.

Ѓорѓиевски: Од депонија до огромен мега парк на 86.000 м² во Карпош

- Таму каде што со години се трупаше смет, ќе растат дрвја. Таму каде што граѓаните гледаа грда слика, ќе има зеленило, спорт и детска смеа. Сите се сеќаваме на огромната дива депонија во Карпош. На наталоженото ѓубре, на негрижата но и на празните ветувања дека конечно ќе биде исчистена. Денес, зборуваат делата. Работата се одвива со силна динамика, расчистуваме наталожениот смет и оваа површина ја претвораме во огромен мега парк, ново место за одмор, рекреација и дружење. Наскоро, ова место ќе ја добие својата целина. На 86.000 м² ќе има зеленило, дрвја, веќе се поставува урбаната опрема и осветлувањето, спортски терени и фитнес-зони, пешачки зони, како и сопствена хидрантска мрежа. Простор за првите детски чекори, за младите и нивните спортски предизвици, за семејните прошетки и за спокојните мигови на нашите највозрасни сограѓани – изјави Ѓорѓиевски.

Градоначалникот Ѓорѓиевски нагласи дека создавањето нови паркови е меѓу неговите највисоки приоритети, како и дека за само една година се подигнати и уредедени околу 200.000 квадратни метри нови зелени површини низ цело Скопје.

- Ова е површина што им ја враќаме на граѓаните и на природата, со јасна определба Скопје да биде позелен и поубав град за живеење. Продолжуваме со истата решителност. Скопјани заслужуваат да ја гледаат промената во своето маало, на својата улица, пред својот дом. Повеќе зеленило. Повеќе простор за живот. Повеќе причини да се гордееме со нашиот град. Скопје се сака со дела – рече Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер