Производителите на соларни панели од ЕУ бараат заштита од кинеската нелојална конкуренција - Канал 5

Живот

Производителите на соларни панели од ЕУ бараат заштита од кинеската нелојална конкуренција

Кинеските компании во моментов покриваат речиси 80 проценти од глобалното производство на системи за производство на соларна енергија. 

Производителите на соларни панели од ЕУ бараат заштита од кинеската нелојална конкуренција

Во пресрет на утрешниот старт на преговорите меѓу Европарламентот и земјите членки, претставувани од Советот на ЕУ, за Предлог-законот за индустрија со нулто ниво на емисии на штетни гасови, европските производители на соларни панели се заканија дека се подготвени да ги затворат своите погони, доколку Унијата не преземе „итни мерки за спас на секторот“.

Организацијата на производителите на фотоволтаични панели, Европскиот совет за производство на соларна енергија (ЕСМЦ) во писмо упатено до претседателката на Европската комисија, Урсула фон дер Лајен предупреди дека главните производители на модули за фотоволтаици во ЕУ се подготвени да ги затворат производствените линии, доколку навремено не се спроведат „значителни итни мерки“.

Со предложениот закон, Европската комисија предвидува до 2030 година 40 отсто од соларните панели во ЕУ да се произведуваат во Европа, но индустријата наведува дека ваквата цел ќе остане неостварлива доколку не добие поддршка од Унијата, вклучително и откуп на нивните залихи, кои се натрупани во последниве години како резултат на понудата на европскиот пазар на поевтини системи од Кина.

Во рамки на плановите поврзани со Европскиот зелен договор, ЕУ предвидува зајакнување на домашното производство на уреди за производство на енергија од обновливи извори, како соларни панели, турбини за електрани на ветер или топлински пумпи, со цел да се намали зависноста од Кина.

Кинеските компании во моментов покриваат речиси 80 проценти од глобалното производство на системи за производство на соларна енергија.

[Платформата има капацитет да генерира 45 мегавати енергија, со нејзините сончеви панели. Ова доаѓа во време кога Тајланд почна да напредува во постигнувањето на целите за независност од јагле]

Како што јави дописникот на МИА од Брисел, за денеска попладне е најавено дека ЕК ќе излезе со изјава за „Состојбата на соларната индустрија на ЕУ во светлината на нелојалната конкуренција“.

На територијата на ЕУ се инсталирани системи за производство на соларна енергија со вкупен капацитет од околу 56 гигавати, а доколку сака нивно дополнително зголемување во рамки на плановите за декарбонизација на енергетскиот сектор и намалување на зависноста од кинеските модули, Унијата ќе мора да ја поттикне домашната индустрија, која во 2023 година произведе соларни панели со вкупен капацитет од шест гигавати.

Поради ваквата состојба, дел од земјите членки, пред се Германија, предупредија дека доколку значително не се зголеми европското производство на панели, целите за проширување на капацитетите за соларна енергија ќе бидат неостварливи без увоз на модули од трети земји, пред се од Кина.

Но, и покрај малиот обем на домашно производство, европскиот пазар на соларни панели е презаситен со понуди на модули, што резултираше со значителен пад на нивните цени.

Според ЕСМЦ, во магацините и пристаништата ширум ЕУ во залиха стојат меѓу 140 и 170 милиони фотоволтаични модули, доволно за производство на 70 до 85 гигавати енергија, како последица на кинеската хиперпродукција на соларни панели.

[Во Владата денеска ќе бидат потпишани договорите за изградба на фотонапонска електрана по принцип на јавно-приватно партнерство во Осломеј од 100 мегавати. ]

Асоцијацијата тврди дека кинеските компании ги продаваат фотоволтаиците по цени под трошоците на производство, па затоа европските производители не можат да ги продадат своите модули. Од тие причини, ЕСМЦ бара ЕУ да формира посебен фонд за откуп на нивните акумулирани залихи на соларни панели. Тој откуп, според ЕСМЦ, треба да опфати панели со вкупен капацитет од околу 800 мегавати енергија.

Идејата е Европската комисија да создаде нов фонд од околу 200 до 250 милиони евра за откуп на овие панели, според моделот употребен при набавката на вакцини за време на Ковид пандемијата.

Организацијата, исто така, како „последна опција“ би поддржала и воведување тарифи за увозот на соларни панели од Кина, мерка која беше користена во минатото, но, која според експертите во овој сектор, не донесе видливи резултати.

Дополнително, експертите предупредуваат дека со мерки не протекционизам не ќе може да се обезбеди остварување на целите за намалување на температурите на глобалното затоплување за 1,5 до 2 степени.

Според извештај на Заедничкиот истражувачки центар на Европската комисија, кинеските панели што во моментов се продаваат на пазарот во ЕУ се за околу 35 отсто поевтини од фотоволтаиците на европските производители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД признаваат дека поседуваат оружје во вселената, Русија веднаш повикува на забрана

Русија ги повика Соединетите Држави да поддржат меѓународен договор за спречување на трката во вооружување во вселената, откако Вашингтон за првпат јавно потврди дека американската војска поседува оружје во Земјината орбита.

САД признаваат дека поседуваат оружје во вселената, Русија веднаш повикува на забрана

Рускиот заменик-министер за надворешни работи, Сергеј Рјабков, изјави дека Москва смета оти сè уште не е доцна за правно обврзувачки договор со кој би се забранило распоредувањето на офанзивно оружје во вселената.

„Сметаме дека сè уште не е доцна да се создаде средина што би спречила трка во вооружување, која носи зголемен ризик од отворен конфликт во вселената“, рече Рјабков.

САД за првпат јавно потврдуваат дека имаат оружје во орбитата

Руската реакција уследи по првата јавна потврда од американски воени претставници дека САД имаат распоредено оружје во орбитата. Командантот на Американските вселенски сили, Даглас Шис, изјави дека персоналот од тој воен огранок управува со оружје во орбитата способно да ги заштити американските сили од напади што доаѓаат од вселената. Американските претставници не открија за кои системи точно станува збор.

Рјабков рече дека САД не ја известиле Русија однапред за овие капацитети, но дека објавата не претставувала изненадување за Москва. „Ова не е ништо ново за нас. Ние сè ова го следиме, го евидентираме и извлекуваме соодветни заклучоци“, рече тој.

Москва ги обвинува САД и Британија за одолговлекување на договорот

Рјабков тврди дека Русија долго време се залага за договор со кој би се спречила употребата на сила – или закана со употреба на сила – против објекти во вселената. Тој ги обвини САД и другите западни земји, особено Обединетото Кралство, дека со години наоѓаат причини за да избегнат преговори за таков договор.

Од друга страна, американските претставници го претставуваат распоредувањето на своите вселенски системи како одговор на развојот на руските и кинеските антисателитски и други вселенски капацитети, како и како средство за одвраќање и одбрана на американските сили.

Извор: Индекс.хр

Тагови: русија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Николоски- Варнс: Македонија и САД имаат одлични билатерални односи

Заменик претседателот на Владата и министер за транспорт, Александар Николоски, денеска оствари работна средба со Никол Варнс, вршител на должноста, амбасадор на САД во земјава. 

Средба Николоски- Варнс: Македонија и САД имаат одлични билатерални односи

На средбата се разговараше за економската соработка меѓу двете земји и поддршката на САД во делот на реформските процеси на Македонија. Економските врски меѓу двете земји исто така се на високо ниво, а трговската размена бележи позитивен тренд.

Заменик претседателот Николоски, на средбата истакна дека развојните политики на Владата се насочени кон економски развој, токму преку реализација на крупните капитални проекти кои водат кон регионалното поврзување и интеграција.

Тој додаде дека изградбата на автопатите на Коридорите 8 и 10-д се реализираат со одлична динамика согласно предвидените рокови.

Двајцата говорници го поздравија стратешкото партнерство меѓу двете земји, истакнувајќи дека тоа е гарант за обезбедување на стабилност во земјата и регионот.

Македонија и САД имаат одлични билатерални односи, се заклучи на средбата и во насока на истите постои силна подготвеност за унапредување на соработката во области од заемен интерес.

Министерство за транспорт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна рудник за злато во Судан: Загинаа најмалку 67 лица

Најмалку 67 лица загинаа по уривањето на рудник за злато во Судан.

Се урна рудник за злато во Судан: Загинаа најмалку 67 лица

Несреќата се случила во рудникот „Ал-Зара“ во близина на градот Нухуд, во западната провинција Западен Кордофан. Областа е под контрола на паравоените Сили за брза поддршка (RSF), кои од 2023 година се борат против суданската армија, пренесува АП.

Според преживеаните, рудникот се урнал доцна синоќа, а потрагата по голем број рудари сè уште трае. Медицински извори наведуваат дека бројот на жртви може да се зголеми додека продолжуваат операциите за пребарување и спасување. Спасувачките екипи се обидуваат да стигнат до преживеаните и да ги извлечат телата заробени под урнатините.

Рударот Ал-Амин Сулиман потврди дека луѓе сè уште се заробени во рудникот. Еден од преживеаните, Каирал-Сајед Габара, го опиша уривањето како огромно и истакна дека на лице место немало тешка механизација за расчистување на земјата.

Чести несреќи поради ниските стандарди

Судан е еден од најголемите светски производители на злато, но несреќите во рудниците се чести поради слабите безбедносни стандарди.

Слични несреќи се случиле и во последните години. При уривање во 2023 година загинаа 14 рудари, додека во друга несреќа во 2021 година животот го загубија 38 лица.

Извор: Индекс.хр

Тагови: рудник Судан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер