Забава

Производи од грозје на втората „Треил трка за вино и љубов“ во неготинско Долни Дисан

Производи од грозје се дегустираа на втората „Треил трка за вино и љубов“, која денеска се реализираше во неготинското село Долни Дисан.

Дрите Најдова, жителка на Долни Дисан, рече за МИА дека ова е извонреден начин за промоција на регионот на Дисанијата.

- Станува збор за регион што заслужува да биде посетен од домашни и странски гости, поради изобилство од природни убавини и традиционални производи и специјалитети, плод на Тиквешкото поднебје, додаде Најдова.

Трката е во организација на ДЕКОНУС ДООЕЛ-Скопје, со поддршка од Општина Неготино и планинарското друштво „Free hikers“ од Неготино. Организаторите нагласија дека е ова настан, единствен од ваков тип.

- Последниот зимски, а првиот пролетен празник Свети Трифун е идејата од која произлезе оваа трка, чија крајна цел е промоција на винскиот Дисански крај и на Неготино. Инспирацијата, пак, за „Треил трката за вино и љубов“ е по примерот на винските трки во Франција и Италија, замислата е да биде малку забава и повеќе дружење. Трката дава можност да се ужива во природата, во виното и во љубовта и денот да почне со радост. Токму тоа е и мотото: „Стартувај, уживај, радувај се! Во тебе е клучот“, рекоа организаторите.

Оттаму, подвлекоа дека во треил трката не е најважно да стигнеш прв, туку поважно е учесниците да застанат на двете окрепителни станици каде што задолжително ќе мора да дегустираат дел од понудата од локално производство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нарачана анкета во време на паника - Мицкоски и ВМРО немаат одговори за економската катастрофа!

Нарачана анкета во време на паника - Мицкоски и ВМРО немаат одговори за економската катастрофа!

Објавувањето на новата анкета преку медиуми блиски до Орбан не е случајност.

Тоа е јасен показател за паниката која владее во организираната криминална група предводена од шефот на тендерската банда, Христијан Мицкоски.

Нема одговори за катастрофалната состојба во економијата.

Нема одговори за тешкиот живот на граѓаните.

Нема пари во буџетот.

Нема пари ниту за пензии.

Затоа - анкета.

За помалку од две години, Владата на Мицкоски се задолжи за над 2,5 милијарди евра. Кој знае колку скриени кредити се кријат преку јавните претпријатија.

Буџетот е празен, а пари за криминалните, наместени тендери за првите луѓе на Мицкоски почнуваат да недостасуваат.

Затоа сега доаѓаат нарачаните анкети.

Мицкоски на сила ја укина техничката влада.

Сега на сила се обидува да протурка изборен закон кој отвора можност за кражба на гласови.

Во исто време, на сила се обидува да ја протурка Платформата за сопствената иднина – новиот ЗНАМ 2.0.

Сè мириса на предвремени избори.

Сака да го продолжи мандатот затоа што не му се оди на факултет. Таму нема приватни државни авиони за патување на море.

Од сè што е надвор од неговата фотелја, го болат колената.

Го болат уште од клечењето и молењето за власт. Додека клечеше и го лажеше целиот македонски народ.

Кога не кажа дека сите имаат бугарски државјанства и европски пасоши како и приватни фирми во Бугарија.

Само да знаат граѓаните: Орбан исто така објавуваше вакви анкети. Резултатите ги видовме.

Граѓаните ќе победат.

Ќе ја вратиме власта во рацете на народот.

Скопје, 04.07.2026

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски од Бутел: Започна изградба на затворен базен во ООУ „Ацо Шопов“

„Добар ден и од мене.

Убав ден денес, сабота овде во Бутел се почнува нешто ново, базен, се довршува нешто што веќе е започнато, доградбата на училиштето „Ацо Шопов“ и мислам дека сето ова ќе додаде вредност во квалитетот на животот на луѓето од Општина Бутел од овој дел од Радишани.

Чувствувам дека со овие проекти успеваме полека но сигурно да обезбедиме подобри услови за живот на граѓаните во сите општини низ целата територија на државата, тоа значи дека проектот ја постигнал својата цел полека но сигурно ги завршуваме со воведување во работа или поставување камен темелник оние проекти коишто сè уште кои не беа отпочнати, оние коишто се отпочнати ги завршуваме и веќе размислуваме за следната 2027 година да реплицираме слична ваква иницијатива бидејќи навистина се покажа како успешна.

Да му честитам на градоначалникот за посветената работа којашто ја прави овде во Бутел, да се заблагодарам на советниците што ја поддржуваат работата на градоначалникот, на администрацијата во Општина Бутел, на пратеничката којашто доаѓа оттука од Општина Бутел којашто секогаш се бори за проект повеќе, да се заблагодарам на мојата колешка од Владата, министерката за образование и на сите впрочем колеги од Владата коишто го препознаа проектот и даваат голема поддршка за истиот да се реализира во повеќе ресори, проектот на децентрализирање на средства од централниот буџет кон општините. Она коешто можам да го кажам од името на Владата е дека остануваме посветени и во периодот којшто следи на реализирање на проекти и на исправање на сите оние недостатоци коишто за жал во минатото се таложеа.“

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Полицијата запленета голема количина дрога

Во голема полициска акција во Скопје, полицијата открила поголема количина наркотични средства, а две лица се приведени.

Според информациите од МВР, по претходно обезбедена судска наредба бил извршен претрес во стан што го користеле две лица, кои претходно биле лишени од слобода.

При претресот биле пронајдени и одземени околу 11,5 килограми марихуана, 400 грама кокаин, како и амфетамин, екстази, лсд, хашиш масло и халуциногени печурки.

Од МВР информираат дека приведените се задржани во полициска станица, а до надлежното основно јавно обвинителство е поднесена кривична пријава по итна постапка.

Тагови: дрога мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.