Облогата наречена МАП-1 (повеќестепен антимикробен полимер) ефикасно убива до 99,9 проценти од високо заразните вируси, како што се оние што предизвикуваат сипаници, заушки, рубеола, како и бројни бактерии и некои спори.

Неговата ефикасност е потврдена и кај микроорганизмите отпорни на лекови во две теренски студии спроведени во болницата „Коулон“ и во Дом за стари лица.

Научниците велат дека бројот на бактерии отпорни на лекови на завесите на Одделот за интензивна нега на болницата Kлолон е намален за околу 98,7 проценти последните три недели.

Спрејот МАП-1, кој ги штити површините од коронавирус, е по цена од осум евра за шише во Хонг Конг.

МАП-1 е дизајниран од тим експерти на ХКУСТ, предводени од Џунг Кинг Луна, професор на Катедрата за хемиско и биолошко инженерство и Катедрата за животна средина и одржливост, и им биле потребни десет години.

Проф. Џунг вели дека облогата е ефективна до 90 дена и обезбедува трајна заштита и дезинфекција на површината од загадување со микроби. Производот е наменет за употреба на различни површини, вклучувајќи метал, бетон, дрво, стакло, пластика, како и ткаенини, кожа и текстил, без да се менува изгледот на користениот материјал.

Во согласност со техничките стандарди за дезинфекција, објавени од Националната здравствена комисија во Кина, докажано е дека супстанцијата е нетоксична, безбедна за кожата и животната средина, а може да се користи и во рачни пакувања за средства за дезинфекција,во бои и облоги, како и филтри за прочистување на воздухот и водата и во производство на заштитни облеки и хируршки маски.

Во обид да придонесат глобално во борбата против епидемијата на „ковид-19“, научниците на ХКУСТ во соработка со нивниот индустриски партнер Чиафуа Индустрија Лимитид (ЦИЛ), применија паметна обвивка на површини во над 70 домови за постари лица, градинки и основни и средни училишта . Тестиран е и во трговски центри, училишни автобуси, цркви и спортски сали.

„Оваа супстанција може да се распрсне на јавни места како што се автобуси и лифтови. Овие локации честопати се допираат, што овозможува брз пренос на вирусот“, рече Џозеф Кван, еден од истражувачите на ХКУСТ.

Спрејот е составен од милиони нанокапсули со средства за дезинфекција кои се ефикасни во деактивирање на бактериите, вирусите и спорите дури и откако ќе се исушат, вели Кван.

Тој додава дека ефективноста на МАП-1 е засилена со полимери чувствителни на топлина кои се распаѓаат во контакт со човечка кожа и испуштаат дезинфициенс, за разлика од конвенционалните средства за дезинфекција, како што се алкохолот и белилото.

Производот е законски одобрен за масовна употреба во февруари по клиничките испитувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.