Живот

Прогласен е за најсреќен човек на светот- Марио веќе 25 години живее на крузери (ВИДЕО)

Кубанецот Марио Салседо, кој веќе 25 години живее на крузери, неодамна откри како постојаното крстарење влијаело на неговото здравје.

Меѓу морнарите е познат како „Супер Марио“, а претходно признал дека троши преку 100.000 долари годишно на патувања, како и дека е најсреќниот човек на светот.

Салседо тврди дека поминувал само 15 дена годишно на копно и дека со текот на времето развил бизарна болест.

„Моите нозе никогаш повеќе нема да бидат исти. Толку многу се нишам што не можам да одам по права линија. Премногу сум навикнат да бидам на бродови и ми е многу поудобно отколку на копно“, објасни тој.

За што се работи? Елејн Ворен, основач и извршен директор на туристичката агенција „The Family Cruise Companion“, вели дека најверојатно станува збор за MdDS (Mal de debarquement).

„Кога поминувате толку многу време на море, може да се случат неочекувани работи, особено со вашето тело. Се прилагодува на постојаното движење и лулање на бродот, па затоа многумина развиле синдром на „морски нозе“. Толку се навикнуваат на нежното лулање што одењето по копно им изгледа чудно“, вели таа.

Експертите велат дека симптомите на MdDS можат да исчезнат по 24 часа, да траат со месеци или дури со години.

Што се однесува до Салседо, тој неодамна го заврши своето 1000 патување. Истакнува дека работи по пет часа дневно на бродовите за крстарење, а во остатокот од времето ужива.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам.

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес.

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.