Проектите на Кумановскиот музеј се 70 отсто завршени - Канал 5

Култура

Проектите на Кумановскиот музеј се 70 отсто завршени

Седумдесет проценти од проектите кои се во програмата на Музејот во Куманово се завршени, а голем број се во тек на реализација, изјави министерката за култура Елизабета Канческа-Милевска која денеска имаше средба со вработените во установата, а на Граничниот премин Табановце пушти во употреба сувенирница.

Проектите на Кумановскиот музеј се 70 отсто завршени
Во оваа пригода таа се осврна на динамиката на повеќе проекти од културата во кумановскиот крај. Во делот на археолошките истражувања, кои се во надлежност на Музејот на Куманово, активно се работеше и се завршија системските археолошки истражувања на Кокино. За годинава се предвидени и во Градиште и Младо Нагоричане, каде се пронајдени вредни артефакти. Министерката посочи дека следува процес на конзервација и презентација во Музејот. Информираше дека археолозите до крајот на септември ќе работат на локалитетот Костоперска Карпа во Младо Нагоричане.

- Откриени се две базилики на овој локалитет кои датираат од 5-ти и 6 век.Ова е навистина значаен наод на овие две новооткриени базилики и мислам дека тоа говори за значењето на овој локалитет, изјави министерката. Во септември, додаде таа, ќе продолжи истражувањето на Црквиште во Клечовце и таму ќе се доистражува римската бања и ранохристијанската базилика од 6 век пред наша ера.

Екипите на Кумановскиот музеј, нагласи министерката, активно работат и на конзервација на 72 икони во црквата „Свети Никола“ во Куманово, кој е подолгогодишен проект. Годинава се предвидува целосна конзервација на 25 икони кои се во звршна фаза, следната година ќе продолжат согласно со динамиката околу конзервација на иконите.

Канческа-Милевска при денешната посета информираше и за Кокино и за два проекта кои произлегоа од посетата на премиерот Никола Груевски во кумановскиот регион кога и граѓаните дале свои иницијативи за некои манастирски конаци и цркви.

- Тука се спомна и локалитетот Кокино, кој како еден бренд и како проект кој сакаме доста да го промовираме, се наоѓа во програмата и на Владата и на Министертвото за култура. Ние интензивно работиме околу целокупниот акциски план за Кокин. Покрај истражувањата кои се прават на Кокино, сите оние патеки, таблите кои беа поставени, имаме еден акциски план околу уредување на целиот простор околу Кокино. Започнат е и процесот на експропријација во тој дел, тука ќе имаме голем број пропратни содржини на самиот локалитет, ќе се отвори и еден музеј, сувенирница, ќе имаме и други многу интересни содржини кои се ставени во тој план, рече министерката.

Соопшти дека следната недела на седница на Владата, Министертсвото за култура ќе го достави акцискиот план и по неговото прифаќање од Владата, рече таа, ќе биде информирана и јавноста и ќе почне целосно уредување на просторот околу локалитетот Кокино. Најави дека следната година ќе има и голема меѓународна конференција со придружни културни содржини на самиот локалитет, со цел тој да се промовира.

Во однос на санација на манастирот Карпино, посветен на Пресвета Богородица, таа информираше дека увид бил направен од екипи на Националниот конзерваторски центар, Музејот на Куманово и Министертвото за култура.

- Таму е доста руиниран конакот, така што ние за следната година преку нашата програма ќе издвоиме средства за Националниот конзерваторски центар за изработка на проект за целосна рестарвација на конакот. Во делот на црквата, исто така, следната година ќе се доврши конзервацијата на фрескоживописот, еден дел е завршен, останува уште еден дел и ќе се започне со конзервација на иконостасот, изјави Канческа-Милевска.

Приоритетно за овој манастирски комплекс, рече таа, е да се направи патот во должина од 6 киломтери. Градоначалникот на општина Старо Нагоричане прифатил да го направи патот до манастирскиот комплекс. Додека се прави патот, Министерството преку надлежната институција ќе го работи проектот за да може по објавувањето на тендерот за рестарвација на конакот да има пристапен пат за да се однесе машинеријата која ќе треба да биде поставена.

Канческа-Милевска денеска информираше и за санација на конакот на манастирот „Света Богородица“ во месноста Забел во Старо Нагоричане, за кој подвлече дека е значаен споменик на културата од 19 век.

- Црквата е во добра состојба, тука нема потреба од никаква интервенција, а во делот на конакот, следната година во програмата на Министертвото ќе се одобрат средства за изработка на проект за веднаш да се пристапи кон реставрација на конакот на овој манастир, рече министерката.

Информираше и за проектот за обнова на фасадите на старите градски јадра и спомениците на култура. Во Куманово ќе се работи на две фасади - на Занаетчискиот дом на градскиот плоштад и фасадата на спортскиот објект Соколана. Првата е планирано да заврши следната година, а другата фасада е во план за 2017 година.

За следната година е во план и целосно реставрирање и уредување нова поставка во Спомен-куќата на Христијан Тодоровски Карпош, проект кој е и во програмата и на Владата.

- Бидејќи имотно-правните работи се завршени, очекуваат овие неколку дена да го добијат и имотниот лист за да се префрли во владение на Музејот на Куманово. Уште до крајот на годинава ќе биде објавен тендерот, така што следната година веднаш ќе се пристапи кон целосно уредување, и на екстериерното и ентериерното уредување на овој значаен споменик на културата, рече министерката.

На барање на музејот, додаде таа, до крајот на годинава ќе заврши санација на покривната конструкција на објектот на Кумановскиот музеј каде што се сместени трите поставки - историската, етнолошката и археолошката. Покрај тоа, Министерството за култура ќе продолжи да ги поддржува и проектите на музејот од ликовната и музејската дејност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нов пораз без постигнат гол на најдобрата репрезентација во Лигата на нации

Фудбалската репрезентација на Македонија со уште еден пораз  без постигнат гол ја заврши октомвриската серија во Лигата на нации. 

Нов пораз без постигнат гол на најдобрата репрезентација во Лигата на нации

Нашата репрезентација загуби со 3-0 од Швајцарија во Луцерн и остана без бодови по четирите одиграни натпревари во овој циклус.

Резултатот можеби е превисок ако се земе предвид текот на натпреварот, но Швајцарците беа максимално ефикасни во казнувањето на македонските грешки. Ридер, Манзамби и Ндоје погодија за домашниот тим, кој не блескаше, но знаеше како да го искористи секој наш пропуст.

Македонија добро го отвори натпреварот и не изгледаше инфериорно против фаворитот. Првата закана дојде од Швајцарија во десеттата минута, кога Ндоје шутираше од работ на шеснаесетникот, но Димитриевски сигурно одбрани.

Нашиот тим возврати во 20. минута. Андреј Стојчевски се најде во добра позиција и шутираше со глава, но топката заврши над голот на Мвого.

Швајцарија повторно се закани преку Сиеро во 28. минута, но неговиот удар од далечина не ја погоди целта. Две минути подоцна Ридер имаше идеална можност за погодок, но Димитриевски го спречи.

Кога Македонија го држеше ритамот и изгледаше дека може да замине на пауза со позитивен резултат, следеше кобната 43. минута.

Алиоски ја врати топката кон Муслиу, но нашата одбрана не реагираше навреме. Ридер го искористи подарокот, ја одзеде топката и со сигурен удар го совлада Димитриевски за 1-0.

Јакин веднаш реагираше на почетокот на второто полувреме и ги внесе Манзамби и Јашари. Со свежината во тимот, Швајцарија доби поголема контрола, а Македонија сè потешко доаѓаше до противничкиот гол.

Во 50. минута Елведи се закани, но Димитриевски одбрани. Пет минути подоцна Јашари имаше можност да го проигра Амдуни, но акцијата пропадна поради лошото додавање.

Седлоски се обиде да промени нешто по еден час игра со влегувањето на Гаштаров и Омерагиќ. Сепак, Македонија не успеа да се врати во натпреварот.

Во 74. минута стигна вториот гол. Манзамби се одлучи на удар од околу 25 метри, а Димитриевски не успеа добро да интервенира. Топката заврши во мрежата за 2-0.

Конечниот резултат беше поставен во 81. минута. Гаштаров направи непотребна грешка пред нашиот шеснаесетник и ја загуби топката, а Ндоје немилосрдно казни за 3-0.

Во Луцерн повторно се покажа дека против вакви противници и најмалите грешки можат да бидат прескапи.

ШВАЈЦАРИЈА – МАКЕДОНИЈА 3-0 (1-0)

Термоплан Арена, Луцерн. Гледачи: 15.730. Судија: Едгарс Мајцевс (Летонија). Стрелци: Ридер 43’, Манзамби 74’, Ндоје 81’ (Швајцарија). Ж. Картони: Елези (Македонија)

ШВАЈЦАРИЈА: Мвого, Бричги, Елведи, Аканџи, Родригез (70’ Атекаме), Фројлер, Сиеро (46’ Јашари), Соу (46’ Манзамби), Ридер, Амдуни (70’ Ботели), Ндоје (86’ Санчес).

Селектор: Мурат Јакин

МАКЕДОНИЈА: Димитриевски, Стојчевски, Муслиу, Зајков, Алиоски, Елези (70’ Костадинов), Барди (82’ Станковски), Елмас, Дориев (59’ Гаштаров), Митровски (82’ Миовски), Растодер (59’ Омерагиќ).

Селектор: Гоце Седлоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сончево и релативно топло време

Утрото ќе биде ведро и студено, а во текот на денот сончево и релативно топло време со мала до умерена локална облачност.

Сончево и релативно топло време

Според Управата за хидрометеоролошки работи денеска ќе дува слаб до умерен ветер од јужен правец. Минималната температура ќе биде во интервал од -3 до 8, а максималната ќе достигне од 22 до 28 степени.

Во Скопје, сончево и релативно топло со мала облачност. Ќе дува слаб ветер од променлив правец. Минималната температура ќе се спушти до 2, а максималната ќе достигне до 26 степени.

ВРЕМЕТО ВО НАРЕДНИТЕ ДЕНОВИ

Во четврток утрото ќе биде постудено, а во текот на денот ќе преовладува сончево време со мала до умерена облачност. Во петок и во деновите од викендот времето ќе биде променливо облачно со повремени врнежи од дожд кои наместа ќе бидат пообилни. Локално врнежите ќе бидат поројни, проследени со појава на ретки грмежи. Утринските температури ќе бидат во пораст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 7. октомври 2026 година

Дневен хороскоп за среда, 7. октомври 2026 година. 

Дневен хороскоп за 7. октомври 2026 година

Вага 24.9.-23.10.

Љубов

До лилчноста што ја сакате ќе се обидете да дојдете со помош на гастрономски специјалитети . Веројатно е излегување на вечера со морско мени.

Кариера

Ќе се снаоѓате балансирајќи меѓу барањата на другите и своите планови и желби. Ќе успеете да најдете некаква средина.

Здравје

Не се нервирајте.

Шкорпија 24.10-22.11.

Љубов

Веројатно ситуацијата ќе ве наведе на тоа максимално да е фокусирате на партнерот. Ќе размислувате како да продолжите заедно.

Кариера

Доколку договарате нова работа или проект, почекајте со одлуката барем до попладневните часови , зашто тогаш се ќе ви биде појасно.

Здравје

Намален имунитет и енергија. Одморете се.

Стрелец 23.11.-21.12.

Љубов

Можно е со својата љубов малку да го задушувате партнерот. Дозволете му малку повеќе слобода.

Кариера

Вашите шефови на една , вие на друга страна . Сепак , не станува збор за судир , туку за различни методи до истата цел.

Здравје

Не играјте отворено .

Јарец 22.12.-20.1.

Љубов

Денеска вашите пријатели ќе ве поттикнуваат и инспирираат за љубов.

Кариера

На некои вашите заслуги во работата нема да бидат целосно јасни , па ќе мора малку повеќе да се докажувате. Ќе бидете креативни и успешни.

Здравје

Вежбајте гимнастика.

Водолија 21.1.-19.2.

Љубов

Денеска би можеле убаво да се забавувате , доколку излезете на место каде што име уметнички содржини. Игнорирајте ги фалбаџиите.

Кариера

На работното емсто ќе се озборува , а лажните приказни ќе бидат главните настани. Не обрнувајте внимание на ништо од тоа , туку работете она што требате.

Здравје

Останете будни и подготвени за промени.

Риби 20.2.- 20.3.

Љубов

Откако ќе одработите дел од ,,домашните работи” , повторно ќе се свртите кон партнерот или кон личноста од работното место која ве сака.

Кариера

Не сте свесни пред какви можности се наоѓате. Освен што можете да покренете голем број новини , тука се и стабилните работи.

Здравје

Подобро отворете ги очите.

Овен 21.3-20.4.

Љубов

Пртед вас е ден во кој одлично ќе ги поврзете своите внатрешни потреби со луѓето околу вас.

Кариера

Контактите и комуникациите со лица од странство се засилуваат. Денеска ќе преговарате околу некои детали.

Здравје

Ниту заморот не ве запира.

Бик 21.4- 20.5.

Љубов

Ќе бидете настроени во целост да се впуштите во вашите фантазии , а вашите врски со љубовната реалност ќе се намалат.

Кариера

Денеска уметниците меѓу вас би можеле добро да работат. Другите ќе имаат пречки , не во идеите , туку во реализацијата.

Здравје

Можни се илузии.

Близнаци 21.5.-21.6.

Љубов

Ќе настојувате саканата личност да ја наведувате на дневните тековни работи и така да ја приближите до реалноста.

Кариера

Ќе има некаква реорганизација на работното место . Новините се однесуваат на условите за работа , колегите , услугите и слично.

Здравје

Продолжете со новите здрави навики.

Рак 22.6-22.7.

Љубов

Оние кои биле на чекор до вљубување, денеска конечно ќе сфатат дека сакаат и поотворено ќе тргнат кон таа насока.

Кариера

Нови периоди им следуваат на вработените во спортски , педагошки и забавбни дејности , а другите остануваат креативни.

Здравје

Дотерајте се.

Лав 23.7-22.8.

Љубов

Друштвеноста и отвореноста денеска ќе бидат вашите главни квалитети. Оние кои уште се сами , ќе успеат набрзина да остваруваат контакти.

Кариера

Ќе се мерат вашите заслуги во работата. Истовремено ви доаѓаат прекрасни идеи полни со креативност.

Здравје

Прошетајте се на свеж воздух.

Девица 23.8.-23.9.

Љубов

Фантазијата денеска ќе ви работи стотка на час. Некои во саканата личност ќе видат нешто што таа воопшто не е. Можни се нереални проценки.

Кариера

Ќе бидете способни да реагирате брзо и тактично. Ќе успеете да помагате и да читате меѓу редови таму каде што никој нема да може.

Здравје

Ова е ден на вашата сестраност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер