Проект “Безбедно домување” во Кисела Вода - Канал 5

Проект “Безбедно домување” во Кисела Вода

​Општина Кисела Вода започнува со реализација на проектот „Безбедно домување“, кој има за цел надминување на предизвиците со кои се соочуваат управителите на згради, куќните совети и заедниците на станари.

Проект “Безбедно домување” во Кисела Вода

На неодамна одржаната работна средба со претставниците на куќните совети и заедниците на станари, на која покрај градоначалничката Бети Стаменкоска Трајкоска и општинските инспекциски служби присуствуваше и претседателот на Регулаторната комисија за домување, Никола Затуроски, беше отворен отворен дијалог за сите потреби, предизвици и секојдневни проблеми од оваа сфера со кои се соочуваат граѓаните. Во фокусот на тогашната дискусија беа дефинирани неколку основни приоритети: редовната проверка и одржување на станбените и заедничките делови, противпожарната безбедност и проодноста на евакуациските патишта, брзата реакција и навременото пријавување оштетувања, како и почитувањето на Законот за домување.

Со цел институционално и ефективно надминување на отворените прашања во оваа сфера, отвораме специјална електронска адреса: [email protected]. Преку овој наменски канал ја унапредуваме директната комуникација со општинските инспекциски служби, овозможувајќи им на граѓаните, управителите и куќните совети уште поблиска соработка. Нашата цел е преку доследно почитување на законските можности, права и обврски, заеднички да воведеме поголем ред и сигурност во секој станбен објект.

-На минатонеделниот работен состанок со куќните совети и Регулаторната комисија за домување, ги детектиравме клучните предизвици, со јасна цел како локална самоуправа заедно со инспекциските служби да започнеме сеопфатен процес за ставање ред и надминување на сите отворени прашања во оваа сфера. Преку овој проект им овозможуваме на граѓаните и управителите директна комуникација со општинските инспекциски служби за побрза реакција на терен, со цел преку почитување на законските можности, права и обврски да обезбедиме поголема сигурност и ред за сите наши жители - изјави градоначалничката Бети Стаменкоска Трајкоска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си Џинпинг го нарече Путин „стар пријател“ пред средбата со Трамп

Кинескиот претседател Си Џинпинг го нарече рускиот претседател Владимир Путин „стар пријател“ на средбата во Кина, пред Самитот на Азиско-пацифичките лидери.

Си Џинпинг го нарече Путин „стар пријател“ пред средбата со Трамп

Двајцата разговараа за војната во Украина, енергетската соработка и односите со САД. Си се обидува да одржи деликатна рамнотежа меѓу односите со Москва и Вашингтон.

Во четврток, Си и Путин треба да имаат историска трилатерална средба со американскиот претседател Доналд Трамп.

Руските медиуми средбата веќе ја оценуваат како дипломатска победа за Путин. Трамп денеска ќе отпатува за Кина од Филипините, каде присуствуваше на Самитот на Азиско-пацифичкиот регион.Таму се сретна со индискиот премиер Моди, австралискиот премиер Албанезе и јапонската премиерка Такаичи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Собранието ќе ги продолжи прекинатите опозициски пратенички прашања

Собранието на денешната 130.седница ќе продолжи со одржувањето на опозициски прашања, кои беа прекинати на 12 ноември по бараните паузи од пратеници од опозицијата.

Собранието ќе ги продолжи прекинатите опозициски пратенички прашања

Претседателот на собранието, Африм Гаши на брифингот со новинарите во понеделник се осврна на дилемите за прекинатата седница за опозициски пратенички прашања. Потенцира дека постоеле разни толкувања на деловникот во однос на тоа дали паузите треба да се пресметуваат во предвидените два часа за поставување прашања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно со температура до 21 степен

Времето денеска според УХМР ќе биде променливо облачно со повремени локални врнежи од дожд а максималната температура ќе достигне од 17 до 21 степен.

Променливо облачно со температура до 21 степен

Променливо облачно со повремени локални врнежи од дожд. Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 4 до 11, а максималната ќе достигне од 17 до 21 степен.

Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 2, а максималната ќе достигне до 19 степени.

ВРЕМЕТО ВО НАРЕДНИТЕ ДЕНОВИ

Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до петок ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h). Од сабота температурите ќе бидат во опаѓање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер