Шоу биз

Продуцентката Дана Еден најдена мртва во хотелска соба во Атина

Израелската продуцентка и добитничка на „Еми“ награда, Дана Еден е пронајдена мртва во хотелска соба во Атина на 53-годишна возраст, објави „Холивуд репортер“ (The Hollywood Reporter).

Таа беше најпозната по шпионската трилер серија „Техеран“ којашто се прикажува на „Епл ТВ“ (Apple TV).

Причината за смртта сè уште не е потврдена, а грчките полициски службеници соопштија дека во овој миг станува збор за можно самоубиство, врз основа на првичните докази и сведоштва и пронајдените лекови. Еден била во Грција за снимањето на четвртата сезона од гореспоменатата ТВ-серија. Продуцентската куќа „Дона и Шула продакшнс“ ја потврди смртта на продуцентката.

Според наводите, на нејзиниот врат се видени и модринки, што отворило поинакви сомнежи. Се појавија и гласини дека ирански агенти биле вмешани во овој случај.

„Продуцентската куќа сака да разјасни дека гласините за смрт од криминална или националистичка природа се невистинити и неосновани“, се наведува во објавата на социјалните мрежи.

Израелскиот јавен радиодифузер Кан во официјално соопштение изјави: „Жалиме за смртта на нашата колешка и партнерка во долга низа продукции, серии и програми во Израелската јавна радиодифузна корпорација - Дана Еден. Дана беше меѓу високите личности во израелската телевизиска индустрија и одигра централна улога во создавањето и режирањето на некои од најистакнатите и највлијателни продукции на корпорацијата. Нејзиното професионално и лично наследство ќе продолжи да ја обликува израелската телевизија уште многу години.“

Грчката полиција наведува дека телото на 52-годишната жена е пронајдено откако нејзиниот брат не успеал неколкупати да ја исконтактира. Властите наредија обдукција за да се утврди причината за смртта. Се проверуваат и снимки од безбедносните камери и сведочења од вработени во хотелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Софија Вергара во секси фустан на 54 роденден

Најплатената телевизиска актерка на свето, атрактивната Колумбијка, Софија Вергара летово ги бодреше фудбалерите на Светското првенство, но и покрај нејзината поддршка турнирот заврши за колумбиската репрезентација.

Со намера да им стави крај на фотките во боите на Колумбија, Софија одлучи да објави нешто многу посекси и елегантно.

Сексапилната Софија објави фотографии на кои позира во долг, шарен фустан со интригантен исечок кај градите.

Овој пат, таа имаше посебна причина за славење: го одбележуваше својот 54-ти роденден.

Фустанот привлече најголемо внимание, секако поради истакнатите облини на Софија, фустанот ги истакна сите атрибути на „жешката“ Колумбијка.

Тагови: Софија Вергара

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајкова од Собранието: Доста со ПР-театар, да ги спасиме првите 4 милиони евра на граѓаните!

„Изборот на Парламентот денеска е едноставен, дали ќе ги гласаме само техничките забелешки на ОБСЕ и ОДИХР или ќе дозволиме граѓаните да изгубат 4 милиони евра.

Никој здраворазумен политичар не би дозволил граѓаните да изгубат 4 милиони евра“, вели во својата видео изјава претседателката на Либерално-демократската партија (ЛДП) и пратеничка во Собранието, Моника Зајкова.

Зајкова посочува дека ЛДП уште минатата недела предупредила дека е доста од меѓусебни политички расправии и ценкања и побарала веднаш да се стават во процедура измените на Изборниот законик кои што се однесуваат исклучиво на забелешките на ОБСЕ и ОДИХР.

„Тука не станува збор за никакви црвени линии, станува исклучиво збор за договорени технички работи, врз кои што Македонија треба да добие пари од Европската Унија. Понатаму, до 2028 година има време за дебата помеѓу политичките партии да ги усогласат останатите црвени линии по однос на измените на Изборниот законик“, изјави претседателката на ЛДП, Зајкова и ги повика колегите пратеници да гласаат за техничките забелешки на ОБСЕ и ОДИХР и да им обезбедат 4 милиони евра на граѓаните.

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран поднесе жалба до Советот за безбедност на ОН

Иран официјално поднесе жалба до Советот за безбедност на Обединетите нации (СБОН), обвинувајќи ги САД за систематско кршење на Меморандумот за разбирање од Исламабад, потпишан минатиот месец.

Во писмо упатено до генералниот секретар на ОН, Антонио Гутереш, и претседателот на Советот за безбедност, Зенон Нгаи Муконг, постојаниот претставник на Иран во ОН, Амир Саид Иравани, изјави дека САД, како што тврди Техеран, почнале да ги поткопуваат неговите одредби речиси веднаш по потпишувањето на договорот, објави „Прес ТВ“.

На 17 јуни, Иран и САД потпишаа Меморандум за разбирање кој предвидува траен прекин на непријателствата на сите фронтови и продолжување на преговорите за конечен договор во рок од 60 дена.

Според толкувањето на Иран, документот предвидува дека Иран ќе ја преземе одговорноста за управувањето и безбедноста на пловидбата низ Ормутскиот теснец.

Во жалбата, Иравани наведе 42 случаи на наводни прекршувања на договорот од неговото потпишување, вклучувајќи ги воените напади на САД на иранска територија, ограничувањата за продажба на иранска нафта, воспоставувањето алтернативна поморска рута низ Ормутскиот теснец и поддршката за Израел во конфликтите во Либан.

Иранскиот амбасадор особено го истакна Член 5 од меморандумот, за кој тврди дека ја потврдува надлежноста на Техеран врз утврдувањето на безбедното минување низ Ормутскиот теснец.

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.