Продолжуваат тензиите во Ормускиот теснец – иранската морнарица заплени неколку трговски бродови - Канал 5

Свет

Продолжуваат тензиите во Ормускиот теснец – иранската морнарица заплени неколку трговски бродови

Двајца хрватски и четворица црногорски морнари се во посадата на еден од двата трговски брода кои беа запленети од Иран во Ормускиот теснец.

Продолжуваат тензиите во Ормускиот теснец – иранската морнарица заплени неколку трговски бродови

Се работи за танкерот „Франческа“ кој пловел под панамско знаме, а кое по пресретнувањето од чамците на револуционерната гарда бил одвезен на иранското крајбрежје, заедно со грчкиот брод Епаминодас, од чие грабнување, Техеран објави видео снимка, чија автентичност не е потврдена. Драматичните случувања во клучниот нафтен проток, кој формално е под американска блокада, само потврдуваат дека Иран нема намера да крене раце од теснецот, а за кој денеска се пофали дека ги примил првите приходи од воведените бродски такси. Експертите стравуваат дека дипломатското статус кво, со кревко примирје и без формален договор се заканува да стане новото нормално.

-Ако ова е новото нормално, не сум сигурен дека е одржливо за која било земја. Она што Исламската Република го научи од оваа криза е дека имаа способност да го нарушат глобалните економии преку нарушување на глобалната трговија. Иранците имаат една предност. Нивната економија е во беспомошна состојба. Значи, тие живеат во еден вид примитивни економски услови. , изјави Реј Такет, економски аналитичар за Блумберг.

Проценките се дека во регионот на Ормускиот теснец се заробени околу 20 илјади морнари, кои војната ги затекна на танкерите и два месеца се заглавени без можност да го продолжат транзитот. Последните случувања ја искачија цената на нафтата на 104 долари за барел, шест долари повеќе од вчера, како резултат и на пропадната нова рунда преговори меѓу САД и Иран. Белата куќа не прецизира до кога ќе трае вчера продолжениот прекин на огнот од страна на Трамп, кој прв пат го прогласи на неодредено време.

-Знам дека имаше некои анонимни извештаи дека можеби има рок од 3-5 дена. Тоа не е вистина. Претседателот не постави рок. На крајот, тој ќе го диктира распоредот. Тој великодушно му понуди малку флексибилност на режимот, кој е целосно обезличен од операцијата „Епски бес“. Очигледно има многу внатрешни поделби. Ова е битка меѓу прагматичарите и тврдокорните во Иран, а претседателот Трамп сака унифициран одговор. , изјави Каролин Левит, портпаролка на Белата куќа.

Случувањата во Ормускиот тесенц се совпадна и со смената на првиот човек на американската морнарица, Џон Фелан, чии причини Пентагон официјално не ги наведе.

Тагови: брод Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче на литургија во Лешочкиот манастир

Филипче синоќа беше во Лешок.

Филипче на литургија во Лешочкиот манастир

Претседателот на СДСМ Венко Филипче синоќа беше во Лешок, каде го посети лешочкиот манастир и црквата „Свети Атанасиј“, во пресрет на празникот Успение на Пресвета Богородица – „Голема Богородица“ Филипче и претставници на СДСМ, присуствуваа на литургијата, а по богослужбата се сретна и со митрополитот тетовско-гостиварски Јосиф.


Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Редовна дератизација, дезинфекција и дезинсекција во сите училишта во Карпош

 Лиценцирана фирма која ја ангажираше Општина Карпош, спроведе редовна акција за дезинфекција, дезинсекција и дератизација во сите основни училишта на територија на локалната самоуправа. 

Редовна дератизација, дезинфекција и дезинсекција во сите училишта во Карпош

Кабинетите, училниците, тоалетите и холовите беа соодветно третирани со цел да се обезбеди потребната заштита, безбедност и подобрување на хигиенските услови.

Во таа насока беа опфатени сите училишни простории, со цел да се обезбеди чиста и безбедна средина при одвивање на образовниот процес. Активноста овозможи целосно отстранување на штетни честички и вируси, со што се гарантира хигиенска сигурност и заштита на здравјето на учениците и наставниот кадар.

Со оваа иницијатива Општина Карпош го подигнува нивото на заштита на здравјето на учениците и наставниот кадар, сакајќи да создаде средина во која воспитно-образовниот процес ќе се одвива непречено и безбедно.

ОПШТИНА КАРПОШ

Тагови: Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: За Филипче секоја нова можност за Македонија е повод за ширење паника во јавноста

Филипче и СДС изгледа имаат проблем со се што може Македонија да ја направи помодерна, посилна и поконкурентна држава.

ВМРО-ДПМНЕ: За Филипче секоја нова можност за Македонија е повод за ширење паника во јавноста

Немаат аргументи, па за секој нов проект следува истото сценарио на создавање хаос, ширење страв и паника и обиди јавноста да се убеди дека секоја промена е закана.

Филипче повторно излезе јавно со категорични ставови за евентуалната изградба на дата-центри во Македонија, како неговото мислење само по себе да е доволен аргумент.

А можеби дополнително го нервира и фактот што иницијативата против дата-центрите во Пехчево не помина, затоа што зад неа стоеше нивен човек. Кога ни тоа не успеа, следуваше ново ширење паника во јавноста.

Македонија треба да се развива, да привлекува инвестиции, да создава модерна инфраструктура и да станува современа и богата држава. Тоа секако треба да се прави со почитување на законите, заштита на животната средина и највисоки стандарди за заштита на граѓаните.

Но за Филипче очигледно ни тоа не е доволно. Наместо факти, стручни анализи и аргументирана дебата, повторно има обиди секоја можност за развој да се претвори во нова причина за страв и паника.

На Македонија и треба развој и визија, не политичката хистерија на Венко Филипче, секогаш кога нешто може да ја направи помодерна и посилна.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер