Продолжува вербалната војна меѓу Филипче и Платформата „Разговори за иднината во 12:05“ - Канал 5

Македонија

Продолжува вербалната војна меѓу Филипче и Платформата „Разговори за иднината во 12:05“

Опозицискиот лидер Филипче го одби Планот за консолидација и структурни промени во СДСМ на платформата „Разговори за иднината во 12:05“ уште пред офцијално да биде доставен до партијата. 

Продолжува вербалната војна меѓу Филипче и Платформата „Разговори за иднината во 12:05“

На поранешните партиски функционери кои сега се дел од Иницијативата им порача дека требало да предлагаат промени кога биле дел од раководството на СДСМ, а не сега. Ги повика доколку вистински сакале да и помогнат на СДСМ да се приклучат во партиските активнисти за воонредните локални избори во Брвеница, во спротивно им порача да не и попречуваат на партијата. Тврди дека СДСМ е консолидирана, а пратеничката група единствена.

„Ќе ми носеле план, каков план ќе ми носат таков каков што направија они, ич не треба да го носат, еве видовме што направија. Ако знаеа поинаку, зошто не направија поинаку. Тежеле 150 илјади галсови, ни домашните не ги гласаат. Славјанка Петровска пратеничката се прашувам која е причина за ова, да не е изјавата на Мисајловски дека потпишала за 37 милиони евра поскап договор за хеликоптери откако комсијата донела друга одлука. Ако сакаат еве сега имаме локални избори во Брвеница, ќе ги ставиме во распоредот па нека помогнат ако сакаат вистински да помогант, ако не нека ми се тргнат од патот зошто ќе ги згазам како шлепер жаба, да ги потсетам нешто од нивното време“-- Венко Филипче, претседател на СДСМ.

Од Платформата „Разговори за иднината во 12:05“ пак возвратија дека примитивниот речник на Филипче бил доказ дека тој е во паника и го обвинија за политички дил со Мицкоски. Според нив Филипче бил залутан во партијата и не припаѓал на онаа СДСМ која била пример за како што велат, демократска, интелектуална и државничка организација.

- Предлозите за структурни реформи на партијата Филипче ги одбива на невидено. За него сите се виновни за најслабиот резултат на СДСМ во историјата, само тој не е. За него сите се криминалци само тој е чесен. Што се однесува до неговите закани, добронамерно му порачуваме да не се срами на јавна сцена, бидејќи се повеќе личи на лоша копија на неговиот политички гуру и идол.

Од иницијативата најавија и дека не се откажуваат од намерата за структурни реформи на партијата и дека ќе го достават нивнте предлози содржани во таканаречениот План за консолидација до архивата на СДСМ. Платформата на последната дебата доби пооддржка и од опозициската Левица.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Писмена реакција на организаторите на „Разговори за иднината во 12:05“

Во врска со денешната прес конференција на претседателот на СДСМ, Венко Филипче, Организаторите на „Разговори за иднината во 12:05“, ја упатуваат следната писмена реакција:

Писмена реакција на организаторите на „Разговори за иднината во 12:05“

Венко Филипче се повеќе личи на неговиот поранешен работодавец Никола Груевски.

Сиот личен бес го истура врз оние кои мислат поинаку од него. Користи крајно примитивен речник, се служи со подмолни конструкции, лично ги навредува и со сите сили се обидува да дискредитира докажани партиски борци кои и во изминатите две години и сега искрено и чесно сакаат да помогнат за посилен СДСМ.

Да го трошеше истото време за вистинска борба против Христијан Мицкоски и ВМРО-ДПМНЕ, партијата и членството немаше да биде во ваква незавидна состојба. Меѓутоа, нам ни се јасни причините за ваквото негово поведение, тој е во паника дека се одмотува клопчето, излегува на виделина највалканиот политички дил од независноста до денес.

Членството на СДСМ после денешната прес конференција на Венко Филипче низ уште еден пример може да се увери во неговиот авторитарен карактер. Тој е дефинитивно залутан во СДСМ и воопшто не припаѓа на партијата која некогаш беше пример за демократска, интелектуална и државничка организација. Партијата која во минатото беше симбол за пристојност, разумност и политичка чест ја сведоа на инструмент на мала секта чија единствена цел е по секоја цена да се вдомат во пратеничките клупи. Предлозите за структурни реформи на партијата Филипче ги одбива на невидено. За него сите се виновни за најслабиот резултат на СДСМ во историјата, само тој не е. За него сите се криминалци само тој е чесен. Апсурд до апсурд!

Очекуваме од Венко Филипче, пред било кој друг да обвинува за криминал и корупција, да објасни како обвинителот, кој тој лично обвини дека е предложен и избран од власта, токму него го ослободи од обвинение, како поранешен министер за здравство, за пожар во модуларна болница каде изгореа 14 луѓе?

Што се однесува до неговите закани, добронамерно му порачуваме да не се срами на јавна сцена, бидејќи се повеќе личи на лоша копија на неговиот политички гуру и идол.

Без разлика на неговите напори по секоја цена да не спречи, ние сепак во архивата на СДСМ ќе ги доставиме нашите предлози за структурни реформи на партија, во интерес на членството и иднината на Македонија.

ОРГАНИЗАТОРИ НА „РАЗГОВОРИ ЗА ИДНИНАТА ВО 12:05“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Заминувањето на Роналдо предизвика драма во Португалија, се вклучи и премиерот

Кристијано Роналдо го напушти кампот на репрезентацијата на Португалија во Данска во пресрет на натпреварот од Лигата на нации поради судир со новиот селектор Хорхе Жесус. 

Заминувањето на Роналдо предизвика драма во Португалија, се вклучи и премиерот

Ситуацијата ескалира толку многу што во целата приказна се вклучи и португалскиот премиер Луис Монтенегро. Се започна по натпреварот од Лигата на нации против Норвешка. Португалија победи со 2:1, но Роналдо не влезе во игра иако селекторот го повика да се загрева. Тоа беше првпат по 2008 година да не игра на официјален натпревар на португалската репрезентација.

Што се случило?

Хесус по натпреварот објасни дека имал намера да го претстави Роналдо во второто полувреме, но во текот на натпреварот го променил планот. Роналдо по натпреварот веднаш отиде во соблекувалната наместо да ги поздрави навивачите со соиграчите.

Неколку дена подоцна ситуацијата дополнително ескалирала. Роналдо пристигна на тренингот на репрезентацијата, разговараше со Хесус, но не тренираше со остатокот од тимот. Португалската федерација соопшти дека тој требало да одработи индивидуален тренинг, по што се вратил во хотелот.

Тогаш во приказната се вклучи и претседателот на португалската фудбалска федерација, Педро Проенса. Според португалските медиуми, бил организиран разговор меѓу клучни луѓе за да се обидат да се смират тензиите. Сепак, Роналдо доцна синоќа го напушти хотелот во кој престојуваше репрезентацијата, а потоа од Копенхаген замина за Мадрид.

Селекторот се уште смета на Роналдо кој го контактирал на Инстаграм

Сега реагираше и португалскиот премиер. Луис Црна Гора контактирал со челниците на португалскиот фудбал, а според медиумите разговарал и со Хесус и Роналдо и бара целосно расчистување на ситуацијата.

И покрај се, Хесус тврди дека се уште смета на Роналдо. По натпреварот со Норвешка, тој ја отфрли можноста капитенот да биде вкрстен и објасни дека одлуката да не влезе во игра е исклучиво поврзана со развојот на играта. Роналдо на Инстаграм порача: „Во догледно време на сите Португалци ќе им ја кажам вистината за причините за моето заминување“.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Во напредна фаза се активностите на новиот објект во рамки на Спортскиот центар „Јасмин“ во Кавадарци

Во напредна фаза се активностите на новиот објект во рамки на Спортскиот центар „Јасмин“ во Кавадарци. 

Јанчев: Во напредна фаза се активностите на новиот објект во рамки на Спортскиот центар „Јасмин“ во Кавадарци

Проектот постепено добива своја форма на терен.

Новата инвестиција, која се реализира во рамки на Спортскиот центар „Јасмин“, ќе се простира на површина од 1.000 м² во основа, со подрум, приземје и кат, а ќе содржи:

Куглана

Сала за гимнастика

7 апартмани за сместување на спортисти

Проектот е вреден 118.000.000 денари и целосно е финансиран преку Влада – втор повик.

Со оваа инвестиција Кавадарци продолжува да се развива како модерен, активен и спортски ориентиран град!, објави на ФБ градоначалникот Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер