Продолжува судењето за пожарот во „Пулс“, се очекува произнесување за вина и воведни зборови на одбраната - Канал 5

Македонија

Продолжува судењето за пожарот во „Пулс“, се очекува произнесување за вина и воведни зборови на одбраната

 Во судницата во Идризово денеска продолжува судењето за пожарот во дискотеката „Пулс“ во Кочани, во кој загинаа 63 лица, меѓу кои и деца, а над 200 беа повредени.

Продолжува судењето за пожарот во „Пулс“, се очекува произнесување за вина и воведни зборови на одбраната

Судењето треба да продолжи со произнесување на вина и воведни зборови на одбраната, откако на изминатото рочиште обвинителството во воведниот говор порача дека се бара одговорност по име и презиме за тоа кој дозволил, кој молчел и кој не ја спречил трагедијата во ноќниот клуб.

Обвинителот Борче Јанев на првото рочиште за трагичниот пожар истакна дека се бара одговорност по име и презиме, а општеството мора да се соочи со болната вистина и да извлече легитимни одговори за тоа кој дозволил, кој молчел и кој не спречил, бидејќи, како што рече, се бара правда не како утеха или одмазда, туку како последица на незаконитост. „Не е важно само кој го запалил огнот, важно е кој имал кофа вода и не ја истурил“, рече Јанев, нагласувајќи дека катастрофата не е резултат само на пиротехниката, туку на години институционален молк, пропусти и недостиг од контрола кои го претвориле клубот во „смртоносна стапица“.

Обвинителот нагласи дека доказите ќе покажат оти клубот „Пулс“ бил смртоносна стапица уште од самиот почеток.

-Доказите кои ќе бидат изведени ќе покажат дека без никакви дилеми злоделото во овој настан не е и не може да биде само казнивото дејствие на активација на пиротехниката, злодело е и самото постоење на овој објект толку години. Клубот „Пулс“ отсекогаш бил безбедносна смртоносна стапица, буре барут. Никулците на оваа невидена катастрофа биле одамна изникнати и сите пресудлови за тоа одамна поставени. Доказите ќе покажат дека опасноста која демнела со години никој од овие обвинети не сакал да ја погледне и види, меѓутоа требало, морале и биле должни да ја видат и спречат, порача Јанев.

Во овој настан нема случајности, порача Јанев, нагласувајќи дека постои јасно дефиниран кривично правен образец на непостапување кој само поради тешките настапени последици не дозволуваат коментар во несериозен контекст.

-Никој од обвинетите не видел основа за реакција затоа што и другиот пред него тоа не го направил. Нема да видите доказ за било какви дејствија преземени од некој од обвинетите кои би дале поинаков тек на настанот. Нема никакво отстапување од веќе пројавените и долготрајно повторувани еднобразни облици на непостапување. Од овој индолентен бирократски канал и рутина никој не излегол. Доказите ќе покажат дека каузалниот тек на настанот е непрекинат, сѐ до настапување на последицата, порача Јанев.

Сите обвинети, нагласи Јанев, како службени лица само го наследувале и го прифатиле молкот како службен протокол. Вака создадениот преплет од кривичноправни дејствија, како резултат на негрижа, толерирање и игнорирање на сите безбедносни закани и опасности, според Обвиниетлството, директно се согледува во самата настапената последица на 16 март 2025 година.

[Основниот кривичен суд Скопје на почетокот на денешното судење за трагедијата во дискотеката „Пулс“ во Кочани одлучи постапката за овој предмет да се спои со постапката против сопственикот на]

Трагедијата од 16 март 2025 година, според Обвинителството, е резултат на систематска негрижа и игнорирање на безбедносните закани: дискотеката функционирала без противпожарен систем, со затворени прозорци, лесно запаливи и токсични материјали и само еден излез за евакуација, додека во критичната вечер бил дозволен неконтролиран влез на над 600 гости, меѓу кои и деца по полноќ, без проверки за опасни средства. Настапот на групата ДНК бил претходно договорен со употреба на пиротехника, а вградените материјали – особено сунѓерот на плафонот – при согорување ослободиле смртоносни гасови, што во услови на недоволни излези довело до загуба на млади животи и катастрофални последици.

Судењето се одвиваше под засилени безбедносни мерки. Покрај обвинетите, во судницата беа присутни и роднини на настраданите во несреќата, претставници на обвинителството и на одбраната, домашни и странски новинари.

Осум месеци по несреќата, на обвинителна клупа седнаа 37 обвинети од кои 34 физички и три правни лица. Меѓу нив има сопственици на локали, управители, инспектори, поранешни градоначалници, членови на обезбедување и државни службеници.

Обвинети се Дејан Јованов, Митко Стојанов, Михаил Јованов, Гроздан Милковски, Милка Едровска, Тодор Јованов, Огњан Георгиев, Љупчо Стаменков, Николчо Гоцев, Ратко Димитровски, Николчо Илијев, Љупчо Папазов, Јане Јанчески, Лазар Захариев, Ивица Грозданов, Мартин Горгиев, Стојанчо Димитријев, Шабан Салиу, Аднан Џафероски, Беким Максути, Џеват Селами, Љупчо Грнчиштанов, Ваљон Сараќини, Крешник Бектеши, Џеваир Камбери, Шовкет Хазари, Зоран Николовски, Беким Хаџиу, Арлинда Касапи, Миле Ампов, Блашка Ефтимова, Весна Кузмановска, Емил Митев, Размена Чекиќ-Дуровиќ, „ММММ КАФЕ“ ДООЕЛ Кочани, РУБИКОН СЕКЈУРИТИ СОЛУШНС, ВЕНЦИ ПРОЕКТ ДООЕЛ Кочани.

[Состојбата на пациентите од пожарот во Кочани, според последните информациии од Министерството за здравство, е стабилна. Од вкупно 20 што беа критични, 10 се во потешка состојба, но се надвор]

Покрај главниот процес за трагедијата во дискотеката „Пулс“ во Кочани, има и посебна постапка против полицајци. Тие се сомничат дека во текот на повеќе од една деценија давале лажни уверувања и дозволувале дискотеката да работи без исполнети безбедносни услови. Дел од нив се веќе во притвор, а други се под мерки на претпазливост. Се товарат за „тешки дела против општата сигурност“ како соизвршители, бидејќи со нивните пропусти директно придонеле за создавање на услови во кои се случи трагедијата.

Истовремено, изминатата недела Обвинителството соопшти дека е поведена постапка против група вработени во УЈП, кои се сомничат за мито и злоупотреби поврзани со истиот случај. Биле извршени претреси на нивните домови и работни места, а обвинителството истражува дали тие имале улога во прикривање или олеснување на незаконското работење на дискотеката.

На 16 март 2025 година, за време на настап на групата „ДНК“ во дискотеката „Пулс“ во Кочани, избувна пожар во кој загинаа 63 лица, а над 200 беа повредени. Во објектот имало над дозволениот број посетители, меѓу кои и малолетници, а пиротехнички средства биле активирани без дозвола. Објектот работел незаконски повеќе од една деценија, без минимално-технички услови, со реконструкции без дозволи и без систем за противпожарна заштита.

Судењето го води судијката Диана Груевска Илиевска, а обвинителството ќе биде застапувано од тим од 15 јавни обвинители.

Пред почетокот на првото рочиште Судијката Груевска Илиевска порача дека ќе бара дисциплина од сите странки и присутни во судницата, нагласувајќи дека за секое непотребно одлагање ќе следува санкција.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Путин за санкциите на ЕУ: Кој на друг јама му копа, сам во неа пропаѓа

Рускиот претседател Владимир Путин на самитот на земјите извознички на гас во Москва изјави дека обидите за исфрлање на Русија од светскиот пазар на гас ги зголемуваат трошоците за потрошувачите .

Путин за санкциите на ЕУ: Кој на друг јама му копа, сам во неа пропаѓа

Рускиот претседател Владимир Путин на самитот на земјите извознички на гас во Москва изјави дека обидите за исфрлање на Русија од светскиот пазар на гас ги зголемуваат трошоците за потрошувачите и дека Европската Унија ѝ штети на сопствената индустрија и општествен систем со откажување од руските извори на енергија.

„Сите обиди за исклучување на Русија имаат сериозни последици. Прво на сите, трошоците за странските крајни потрошувачи на гас, компаниите, претпријатијата и домаќинствата растат. Токму ова го гледаме во Европа, која самата нанесува удар на својата индустрија и општествена сфера со откажување од руските извори на енергија и раскинување на долгорочните договори“, рече Путин.

„Кој копа јама на друг...“

Потоа рускиот претседател цитираше поговорка за да ја опише европската енергетска политика. „Имаме една изрека: Не копај јама на друг бидејќи самиот ќе паднеш во неа. Токму ова им се случи на земјите од Европската Унија“, рече тој.

Путин нагласи дека Русија останува еден од клучните учесници на светскиот пазар на гас. Според него, Русија има најголеми потврдени резерви на природен гас во светот и е втор најголем производител.

Путин рече дека глобалната побарувачка за гас ќе продолжи да расте и ги повика земјите извознички да го зголемат производството, да инвестираат во нови наоѓалишта и да ја прошират инфраструктурата за преработка, транспорт и течен природен гас.

Според податоците што ги презентираше, минатата година светската потрошувачка на гас се зголеми за 1,2 проценти, на околу 4,2 трилиони кубни метри. Тој процени дека до средината на векот би можела да достигне околу 5,5 трилиони кубни метри годишно. Тој ги наведе долгорочните договори како еден од неговите приоритети, за кои тврди дека им обезбедуваат на клиентите стабилност на снабдувањето, а на производителите безбедност потребна за големи инвестиции.

Тој ја спомена и соработката со САД

Путин, исто така, рече дека Русија ја разгледува можноста за соработка со американски партнери во гасниот сектор, откако САД се откажаа од санкциите. Тој не даде повеќе детали за можните проекти или компании што би учествувале во таквата соработка. Ги покани членовите на Форумот на земји извознички на гас на поинтензивни консултации во кризни ситуации со цел порано да се препознаат ризиците за светскиот пазар.

Како меѓу проблемите, тој ги наведе геополитичките тензии, прекините на транспортните правци, ограничувањата на пристапот до технологија и нападите врз енергетската инфраструктура. Претставници на 12-те членки на Форумот на земјите извознички на гас, вклучувајќи ги Русија, Иран, Катар, Алжир, Обединетите Арапски Емирати, Египет, Либија, Нигерија и Венецуела, учествуваат на самитот во Москва.

Членовите заедно имаат приближно 70 проценти од докажаните резерви на природен гас во светот. Тие сочинуваат околу 38 проценти од светското производство, 42 проценти од извозот на гас и приближно 47 проценти од глобалниот извоз на течен природен гас.

ЕУ постепено го забранува рускиот гас

Путин ги повика членовите да градат соработка врз основа на сопствените технологии, со отворена трговија и почитување на интересите на производителите и купувачите. Тој го наведе ОПЕК+ како пример за координација на енергетскиот пазар, но рече дека на пазарот на гас му се потребни сопствени механизми.

Порано оваа година, Европската унија усвои регулативи за постепено елиминирање на увозот на руски гас. За долгорочни договори, забраната за увоз на руски течен природен гас (LNG) треба да се применува од 1 јануари 2027 година, а увозот на гас преку гасоводи од 30 септември 2027 година.

Рускиот вицепремиер Александар Новак на маргините на самитот изјави дека Москва е подготвена повторно да ги зголеми испораките до европските земји доколку тие го сакаат тоа. Тој додаде дека во меѓувреме, Русија развива инфраструктура кон пазарите каде што потрошувачката на гас расте.

Тагови: Владимир Путин санкции

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мбапе откако предизвика огромен скандал: Им се извинувам на Кинезите (ВИДЕО)

„Во неодамнешното интервју, реагирав на слика, монтажа од мојата слика. Мојот коментар беше непромислен и сега разбирам дека повреди многу луѓе во Кина и во кинеските заедници низ целиот свет.“

Мбапе откако предизвика огромен скандал: Им се извинувам на Кинезите (ВИДЕО)

„Им се извинувам на сите што беа вознемирени од моите зборови. Апсолутно не ми беше намера. Имам длабоко почитување кон кинескиот народ и нивната историја. Навистина ми е жал.“ Вака реагираше Килијан Мбапе откако коментираше за виралната монтажа во која беше прикажан како поранешниот кинески лидер Мао Це Тунг дека е диктатор.

Кинеската државна телевизија CCTV ги прекина емитувањата на шпанската Ла Лига откако видео од Килијан Мбапе зборува за фотомонтажа на која е прикажан како поранешниот кинески лидер Мао Це Тунг стана вирално на интернет. Реакцијата не запре само на телевизиските емитувања. Најмалку три големи кинески компании објавија прекин на соработката со ѕвездата на Реал Мадрид.

Според кинескиот портал The Paper, кој се повикува на извори од државната телевизија China Media Group, CCTV веќе престана да го емитува шпанското првенство и натпреварите поврзани со Мбапе во понеделник вечерта. Во исто време, рекламите и промотивните материјали со неговиот лик беа отстранети.

Сè уште не е познато колку долго ќе трае суспензијата. Исто така, ова е одлука на државната телевизија, а не забрана за сите емитувања на шпански фудбал во Кина. Ла Лига има и посебен договор со дигиталната платформа Мигу, која ги поседува правата за сите 380 лигашки натпревари по сезона.

Што рече Мбапе?

Целата контроверзност започна откако на социјалните мрежи се прошири клип од разговор во кој Мбапе зборува за интернет шеги на негова сметка.

Францускиот напаѓач беше прашан која фотомонтажа со неговиот лик е најсмешна. Тој одговори дека е особено забавен од онаа во која неговото лице е надредено на телото на човек за кој мислел дека е кинескиот диктатор. Додаде дека често користи таква слика во комуникацијата со пријателите.

Потоа видеото прикажува фотомонтажа во која лицето на Мбапе е надредено на телото на Мао Це Тунг, водач на Кинеската комунистичка револуција и основач на Народна Република Кина. Важно е да се нагласи дека Мбапе не го кажал името на Мао. Идентитетот на историскиот лидер произлегува од прикажаната фотографија.

Мао Це Тунг владеел со Кина од 1949 година до неговата смрт во 1976 година. Неговото владеење било обележано со големи политички кампањи, репресија и масовни жртви, но тој сè уште има исклучително важна позиција во официјалниот кинески политички наратив.

Кинеските спонзори ги раскинаа своите договори

Реакцијата брзо се прошири на кинеските компании што го користеа ликот на Мбапе во рекламните кампањи. Производителот на пијалоци Донгпенг, компанијата за млечни производи Менгниу и производителот на сирење Милкграунд објавија прекин на соработката со францускиот фудбалер.

Донгпенг рече дека е против однесување што ги навредува националните чувства и дека веднаш ги прекинува сите форми на соработка со Мбапе. Менгниу издаде слична изјава, наведувајќи политика на нулта толеранција за зборови и постапки што ги навредуваат чувствата на кинескиот народ.

Ова се компании што го користеа Мбапе во големи маркетиншки кампањи. Неговото лице се појави на пакувањата на производите, автобусите и рекламите во кинеските градови. Во една реклама на Менгниу, тој се појави заедно со Лионел Меси.

Кинеската социјална мрежа Xiaohongshu, позната меѓународно како RedNote, исто така објави. Објави отстранување на промотивна содржина поврзана со Мбапе, но нагласи дека нивната договорна соработка завршила во декември 2024 година.

Реагираше и кинеското Министерство за надворешни работи

Контроверзноста стигна и до кинеското Министерство за надворешни работи. Портпаролот Гуо Џиакун изјави дека зборовите и постапките што ги повредуваат чувствата на кинескиот народ ќе наидат на општо противење од страна на кинеското општество. На социјалната мрежа Weibo, меѓу најпопуларните теми беа раскинувањето на договорите за спонзорство и повиците за бојкот на францускиот фудбалер.

Французинот така се најде во сериозна комерцијална и медиумска контроверзност поради кратка изјава за интернет фотомонтажа. Последиците досега одат подалеку од неговите лични договори за спонзорство, бидејќи кинеската државна телевизија одлучи да ги прекине емитувањата на натпреварувањето во кое игра неговиот Реал.

Тагови: Килијан Мбапе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Киану Ривс доби улога во филм, што се подготвува над 30 години

Киану Ривс ќе глуми во новиот акционен филм на Нетфликс „Maelstrom“, во кој ќе го замени Алан Ричсон, ѕвездата од серијата „Reacher“. 

Киану Ривс доби улога во филм, што се подготвува над 30 години

Ричсон го напушти проектот од причини кои сè уште се непознати, објавува Just Jared. Филмот ќе го режира Жауме Колет-Сера, познат по филмовите „Carry-On“, „Non-Stop“ и „Danger from the Deep“.

Заплетот следи федерален маршал кој е задолжен да ја заштити свршеницата на трговец со оружје кој одлучил да сведочи против своите соработници. Во текот на една опасна ноќ, моќен ураган ја прекинува комуникацијата и го спречува пристигнувањето на засилување, додека луѓето на трговецот со оружје ја напаѓаат куќата каде што се кријат. Поради оваа премиса, филмот е опишан како „Умри машки во средината на ураган“.

Проектот е стар повеќе од 30 години

„Maelstrom“ има долга историја на развој која датира од 1993 година, кога сценариото првично беше напишано за студиото Warner Bros. Првата верзија ја напиша покојниот Грегори Фицпатрик, додека сегашната верзија на сценариото ја потпиша Марк Бјанкули.

Ривс има уште неколку проекти во тек, вклучувајќи го научно-фантастичниот филм „Трес“ и „Забавниот систем е во пад“. Порано оваа година беше објавено дека е во преговори да глуми во филм кој комбинира играна анимација и ЛЕГО. Ричсон, во меѓувреме, продолжува да глуми во серијата на Амазон „Ричер“.

Тагови: Киану Ривс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер