Продолжува студентскиот бунт во Србија - Канал 5

Балкан

Продолжува студентскиот бунт во Србија

Вучиќ категорично отфрла можност за можност за формирање преодна Влада.

Продолжува студентскиот бунт во Србија

Барањата не се исполнети – ова е одговорот на српските студенти по оставката на премиерот Милош Вучевиќ. За денеска најавени се нови протести и блокади, а оставките на премиерот и градоначалникот на Нови Сад според нив, немаат никаква врска со нивната цел. За денеска предвиден е собир пред српската инженерска комора за која велат дека е од суштинско значење за нивните барања, а за утре пак, најавена е 90 километарска „прошетка“ кон Нови Сад, со порака „На чекор од правдата“.

-Народот и понатаму е огорчен и генерално оставките беа само еден дел од барањата. / Тие оставки треба да се продолжат и понатаму, има многу, многу луѓе кои треба да дадат оставки и за сето тоа да одговараат. / Доцна е (за оставки), премногу доцна. Нема што да се разговара, предоцна е, готово помина возот. / Значи не е важна веста дека тие дале оставки / Кривична одговорност за секој од нив, тоа го бараме.

Вучевиќ кој вчера поднесе неотповиклива оставка, порача дека тоа го прави со цел да се смири смират страстите и да се врати дијалогот во општеството. Со него, во оставка е и целата влада, а српскиот претседател Вучиќ во ново вонредно обраќање истакна дека на маса се две опции, избори или состав на нова влада, дилема која рече дека ќе се реши во следните 10 дена, но категорично отфрли можност за формирање на преодна влада.

-Преодна влада одма да ви кажам дека нема да има, бидејќи тоа не зависи од било каков притисок, од било што. Да подарувам власт, ниту на пленумите, ниту на опозициските партии не ми доаѓа ни на памет, а тоа зависи само од мене. - Александар Вучиќ – Претседател на Србија

За поранешната премиерка и актуелна спикерка на српскиот парламент Ана Брнабиќ избори се единствено решение иако како што и самата вели, прашање е колку тие би ја разрешиле ситуацијата. За опозицијата пак, нема избори без преодна влада.

-Јас мислам дека би било демократски да имаме избори, затоа што очигледно тие (опозицијата) немаат легитимитет. Од друга страна, во овој момент е прашање дали изборите нешто би решиле. - Ана Брнабиќ – Претседателка на собранието на Србија

-Нема слободни и демократски избори без преодна влада. Тие покажаа дека не се во состојба да обезбедат функционирање на институциите и затоа е неопходно да се воспостави преодна влада.- Милош Јовановиќ – Коалиција „Надеж“ и Мирослав Алексиќ – Народно движење за Србија

Ситуацијата се следи и во Брисел. Од ЕУ велат дека со внимание ја следат внатрешно-политичката ситуација во Србија. Од таму додаваат дека се загрижени за инцидентите и повикуваат на дијалог, но во исто време потсетуваат и на правото на слободен протест.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Струмица, пронајдени оружје и муниција, лишено од слобода едно лице

На 21.08.2026 во 06:30 часот во Струмица, полициски службеници од СВР Струмица го лишија од слобода Ѓ.Р.(58) од Струмица. 

Претрес во Струмица, пронајдени оружје и муниција, лишено од слобода едно лице

При претрес во неговиот дом, извршен со судска наредба, биле пронајдени пиштол „Црвена застава“ калибар 9 мм, 187 парчиња муниција за пиштол, 40 парчиња муниција за пушка, две рамки за пиштол и една воздушна пушка, за кои постои основано сомнение дека неговиот син Д.Р.(33) ги поседувал без документација.

Запознаен е јавен обвинител од Основното јавно обвинителство Струмица, а по документирање на случајот ќе биде поднесен кривична пријава.

Тагови: оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности СВР Штип и СВР Скопје

На 21.08.2026 на Градскиот стадион во Штип, во пресрет на фудбалски натпревар, Отсекот за превенција при СВР Штип спроведена кампања „Навивај безбедно за нашиот клуб“.

Превентивни активности СВР Штип и СВР Скопје

Активноста насочена кон подигнување на свеста кај навивачите и сите посетители за значењето на спортското и фер навивање и на тој начин да се придонесе за создавање безбедна спортска атмосфера, спречување на нарушувања на јавниот ред и мир, насилство, недолично однесување и други инциденти пред, за време и по завршувањето на натпреварот. Во непосреден контакт со граѓаните, посебен акцент беше ставен на одговорното однесување на младите навивачи и почитувањето на упатствата од организаторите и полициските службеници.

На 21.08.2026 во вечерните часови на подрачјето на општина Зрновци, полициски службеници од ОВР Кочани реализираа соседска патрола, при што беа остварени повеќе средби со граѓани на кои беше дискутирано за повеќе области од секојдневното живеење, безбедноста на младите, спречување на меѓуврсничко насилство, одржување на стабилтен јавен ред и мир и други.

Денеска (22.08.2026), полициски службеници од Одделението за превенција при СВР Скопје во соработка со претставници на Дирекцијата за заштита и спасување, на подрачје на Полициското одделение Мирковци – општина Чучер Сандево реализираа превентивна активност за заштита од пожари. Притоа, во разговор со жителите беше потенцирано дека е потребна континуирана соработка со надлежните институции и задолжително пријавување на несовесно однесување, како што се фрлање и палење ѓубре, палење на стрништа, палење оган на отворен простор и во близина на шумски појаси, фрлање на отпушоци и слично, со цел брза и навремена реакција на институциите. Покрај тоа, граѓаните беа информирани и за законските одредби и санкции особено во поглед на законскaта регулатива која го опфаќа делото „Предизвикување општа опасност“, регулирано во Кривичниот законик по член 288, со што се предвидува казна затвор од шест месеци до пет години. За време на активноста на жителите им се делеше пропаганден материјал за заштита од пожари.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претреси на повеќе локации во Тетово и Гостивар, пронајдени дрога, оружје и муниција

Лишени од слобода повеќе лица.

Претреси на повеќе локации во Тетово и Гостивар, пронајдени дрога, оружје и муниција

На 21.08.2026, полициски службеници од СВР Тетово го лишија од слобода С.Б.(41) од с.Лешок, тетовско. При претрес во неговиот дом и помошни простории, извршен со судска наредба, биле пронајдени и одземени карабин 7 мм со оптички нишан, пиштол „ЦЗ“ 9мм со празни рамки, воздушна пушка 5,4 мм со оптички нишан, како и куршуми од различен калибар.

На 21.08.2026 околу 20:21 часот, полициски службеници од ОВР Гостивар ги лишија од слобода А.М.(39), Д.М.(26), Б.С.(37), Р.Р.(66), Б.А.(37) и Р.В.(72), сите од Гостивар и Н.Л.(65) од Скопје, постапувајќи по претходна пријава дека во с.Куново, гостиварско има нарушување на јавниот ред и мир со истрели од огнено оружје. На местото се пронајдени чаури, а по извршените претреси во неколку нивни викенд куќи во село Куново биле пронајдени и одземени повеќе парчиња огнено оружје (ловечки карабини, ловечки пушки, пиштол) и поголема количина муниција.

На 21.08/22.08.2026 година во периодот од 22:30 до 01:30 часот, полициски службеници од СВР Тетово во координација со САЕ „Тигар“ и Единицата за службени кучиња, врз основа на судска наредба, извршија претрес во куќа и барака-работилница во Тетово, користени од П.М. (36). Во работилницата се затекнати три лица - Л.С.(19) и двајца 16 - годишни малолетници, при што кај Л.С. и едниот малолетник се пронајдени бела прашкаста материја, марихуана и две дигитални ваги. Дополнително, во објектот беа пронајдени кутии со бела прашкаста материја и парични средства во различни валути и апоени, по што лицата се лишени од слобода.

По целосно документирање на случаите, во координација со јавен обвинител ќе бидат поднесени соодветни пријави.

Тагови: оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер