Продолжува состанокот на Историската комисија

Продолжува состанокот на Историската комисија, за аналитичарите секое решение со Софија мора да се врзе исклучително со крајот на пристапниот процес.

Во Скопје денеска продолжува втората од предвидените пет средби за оваа година на Заедничката комисија за историски и образовни прашања меѓу Македонија и Бугарија. На дневен ред се забелешките дадени од бугарската страна за средовековниот период за нашите учебници по историја за седмо одделение, откако беа разгледани македонските забелешки за бугарските учебници за шестто одделение.

Копретседавачот од македонска страна во заедничката македонско-бугарска Комисија, Драги Ѓоргиев за МИА изјави дека работата на Комисијата се одвива во позитивна атмосфера и доколку така продолжи, според него, ќе дојде до приближување на ставовите.

Во однос на прашањето за Гоце Делчев, кое се дискутира од аспект на заедничкото чествување, Ѓорѓиев за МИА вели дека тоа ќе се отвори на овој состанок, доколу остане време.

Бугарскиот премиер Кирил Петков вчера го повтори ставот, изнесен на состанокот во понеделникот во Софија на шефовите на влади на земјите-членки на НАТО од Југоисточна Европа, на кој присустуваше и македонскиот премиер Димитар Ковачевски, дека очекува во најскоро време заедничката историска комисија на Северна Македонија и Бугарија да излезе со резултати.

– Колку што сум информиран, напредокот е огромен. Се радувам, дека кога од двете страни има дух да работиме заедно, се постигнуваат успеси, рече Петков пред новинарите за време на посетата на Благоевград. Според него, има неколку клучни аспекти – кога ќе се отворат архивите и говорот на омразата, што сме направиле како механизам против тоа.

Петков додаде дека е важно што ќе биде ставено во потенцијалната преговарачка рамка, како на пример дали Уставот на Македонија ќе ги вклучува правата на Бугарите и дали ЕУ ќе сака да биде гарант за тоа.

Во понеделникот, Петков рече дека има добри вести во однос на работата на историската Комисија и извести оти е постигнат напредок за важни историски личности во разговорите за надминување на разликите.

Ковачевски, пак, во Софија тогаш рече дека историчарите работат независно од политичкиот дијалог и од другите работни групи што работат на други прашања.

– На нашиот состанок тука во Софија, токму во оваа просторија, тие беа тука и кажаа дека ќе ја забрзаат својата работа и штом дојдат до заклучоци врз основа на нивната историска методологија тогаш можат да ја споделат со другите, изјави Ковачевски.

Институтот за демократија (ИДСЦС) и Институтот за европска политика (ЕПИ) вчера излегоа со став дека какво и да е решението со Бугарија, мора да се врзе исклучиво со крајот на пристапниот процес на земјава во ЕУ.

– Македонската држава не треба да престане да разговара со Бугарија, но исто така никогаш не смее да поддржи преговарачки процес со ЕУ, кој ќе стане основа на разнебитување на нашата државност, загрозувајќи ја внатрешната и регионалната стабилност кон несогледливи последици. Обврските кои ќе ги преземе неповратно ќе ја определат нашата иднина и улога во ЕУ. Треба да сме свесни дека со прифаќањето на бугарските барања, тие стануваат дел од пристапниот договор на државата со ЕУ, ако и кога ќе дојде тој момент, се вели во документот на ИДСЦС и ЕПИ насловен „Бугарското вето на македонските евроинтеграции: Какво јаболко може да загризе Македонија" кој, како што наведуваат, има за цел да ја информира општата и политичка јавноста и да го изостри нејзиниот фокус за суптилностите кои евентуалниот компромис со Бугарија мора да ги земе предвид.

Според двете тинк-тенк организации, во контекст на засилениот дијалог меѓу владите на двете земји, се наметнува потреба да и ги воочат на јавноста црвените линии преточени низ конкретни, а не декларативни принципи и решенија кои политиката мора да ги испочитува за да обезбеди трајно, вистинско и одржливо решение на проблемот со Бугарија.

Во однос на македонските црвени линии, наведуваат, недозволиво е внесување механизам за следење или спроведување на Договорот во преговорите (преку Преговарачката рамка). Во ваков случај, според нив, тој механизам би станал услов за текот на преговорите и процесот би се претворил во диктат од страна на Бугарија за исполнување услови кои немаат никаква врска со правото на Европската Унија.

Инаку, претходниот состанок на Комисијата се одржа во Софија и тој беше првиот оваа година, но и првиот по заедничката седница на владите на Македонија и Бугарија на 25 јануари во Софија, со која и почна имплементирањето на новиот пристап кои го зацртаа Ковачевски и Петков во обидите да се реши спорот меѓу двете земји. Се формираа четири работните групи – за економија, трговија и иновации, за инфраструктура, транспорт и поврзување, за европска интеграција и зелени политики и за култура, наука и образование, кои имаат интензивни состаноци, а петтата група, всушнот е историската Комисија, која продолжи со својата и работа и се обидува да го следи забрзаното темпо на останатите работни групи.

Во соопштението по последниот состанок во Софија беше наведено дека тој поминал во конструктивна атмосфера, а тогаш членовите на Комисијата, како што беше наведено, ја потврдиле посветеноста за одржување активен дијалог.

Според најавите, во текот на 2022 година би требало да се одржат пет средби на Комисијата. Досега Историската комисијата има дадено препораки до владите во Скопје и Софија за заедничко чествување на пет личности – Цар Самоил, браќата Кирил и Методиј и Свети Климент и Свети Наум Охридски.

Ли: Австралија треба да ги остави настрана несогласувањата со Кина

Премиерот на Кина, Ли Кечијанг денеска вети нова двојка џиновски панди за зоолошка градина и ја повика Австралија да ги остави настрана несогласувањата со Пекинг.

Ли доцна синоќа пристигна во главниот град на сојузната држава Западна Австралија, Аделаида. Во Западна Австралија се произведува најголемиот дел од австралиското вино извезено во Кина, откако во март беа укинати царините, поради кои беше прекината трговијата во 2020 година.

Посета на Ли во Австралија е фокусирана на дипломатијата на пандите, обновувањето на трговските и дипломатските врски откако Кина ги рестартираше односите во 2022 година. Билатералните односи помеѓу Пекинг и Канбера беа нарушени за време на деветгодишното владеење на претходната конзервативна австралиска администрација.

Шефицата на австралиската дипломатија, Пени Вонг истакна дека посетата на Ли е резултат на „двегодишната многу фокусирана и трпелива работа на оваа влада за стабилизирање на односите и отстранување на бариерите во трговијата“.

- Ќе соработуваме кога можеме, нема да се согласуваме кога треба и ќе работиме на заштита на нашите национални интереси, посочи Вонг.

Ли синоќа по пристигнувањето во Австралија потенцира оти односите помеѓу Кина и Австралија по период на подеми и падови се вратиле на правиот пат.

- Историјата докажа дека заемното почитување, барањето заеднички јазик и ставањето настрана разликите, како и заемно корисната соработка се вредни искуства во развојот на кинеско-австралиските односи, наведе Ли.

Додека премиерот на Австралија, Ентони Албанез најави дека со Ли ќе разговара за неодамнешните судири меѓу воените сили на двете земји во Јужно Кинеско Море и Жолто Море.

Ли во Австралија допатува од Нов Зеланд, а неговата турнеја низ регионот ќе заврши во Малезија.

Зеленски: Путин нема да стави крај на војната

 Киев утре ќе одржи мировни преговори со Русија ако Москва се повлече од целата украинска територија, изјави претседателот на Украина, Володимир Зеленски по завршувањето на дводневната мировна конференција во Швајцарија.

- Но, Владимир Путин нема да стави крај на војната. Затоа, мораме да го спречиме со какви било средства, било воени или дипломатски. Западната помош не беше доволна за да се добие војната, но самитот покажа дека меѓународната поддршка за Украина не слабее, посочи Зеленски.

Прво реми на ЕУРО2024, Данска и Словенија одиграа 1-1

Данска и Словенија го одиграа вечерва првиот натпревар на ЕВРО2024 кој заврши без победник, ремизирајќи 1-1 во воведниот натпревар во групата Ц.

Данска, на дуелот во Штутгарт кој од трибините го следеа 60.449 гледачи, поведе во 17 минута со голот на Ериксен.

Словенија избегна стартен пораз во групната фаза со голот на Јанжа во 77 минута.

Првото коло во групата Ц ќе биде комплетирано вечерва со дуелот меѓу Англија и Србија.

притисни ентер