Живот

Продолжува растот на хотелски резервации преку онлајн платформите во ЕУ

Најпопуларни региони според бројот на резервирани ноќевања преку онлајн платформите во првиот квартал од 2023 година биле областа на француските Алпи.

Во текот на вториот квартал од 2023 година преку платформите за краткорочно изнајмување сместувачки капацитети, како „Ербиенби“, „Букинг“, „Експедија Груп“ или „ТрипАдвајзор“, биле извршени резервации за речиси 153 милиони ноќевања во хотели или преноќевалишта на територијата на ЕУ, што претставува раст за 15,8 отсто во споредба со истото ланско тримесечје.

Според податоците на Европската статистичка служба – Евростат, во секој од трите месеци од вториот овогодишен квартал биле регистрирани рекорден месечен број на резервирани ноќевања преку онлајн платформите. Така во април биле резервирани рекордни 46,7 милиони ноќевања, што претставува раст од 19,5 отсто на годишно ниво, во мај - 47,6 милиони, што е за 22,6 проценти повеќе од истиот месец во 2022 година, а во јуни 58,7 милиони ноќевања, односно 8,4 отсто повеќе во споредба со ланскиот јуни.

Како што јави дописникот на МИА од Брисел, во првите шест месеци од 2023 во ЕУ биле регистрирани 237 милиони ноќевања резервирани преку онлајн платформите за изнајмување објекти за сместување, што претставува раст за 18,8 проценти во споредба со првата половина од минатата година, кога имало 199 милиони резервации, како и за 22,6 отсто повеќе од предпандемиската 2019 година, кога бил резервирани 193 милиони ноќевања.

Најпопуларни региони според бројот на резервирани ноќевања преку онлајн платформите во првиот квартал од 2023 година биле областа на француските Алпи со 5,2 милиони ноќевања, пред и шпанските Канарски Острови со пет милиони и покраината Андалузија во јужна Шпанија со 4,3 милиони онлајн резервирани ноќевања.

Во првите 20 најпопуларни региони според бројот на ноќевања резервирани преку онлајн платформите во првите три месеци од годинава по пет биле од Франција и Шпанија, по три од Италија и Португалија, два од Австрија и по еден од Полска и Унгарија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинаа во украински напад кај Москва

Најмалку пет лица загинаа, а десет се повредени во украински напад со дрон врз склад во близина на Москва, соопшти гувернерот на московската област, Андреј Воробјов.

Нападот предизвикал голем пожар во индустриски објект во Новоселки, околу 70 километри јужно од Кремљ. Според украинските медиуми, цел на нападот бил магацин поврзан со компанијата „Вајлдберис“, која Киев ја обвинува дека обезбедува логистичка поддршка за руската армија. Во текот на ноќта биле погодени и складишта на компанијата во регионите Санкт Петербург и Твер. Mеѓувреме, Русија продолжи со воздушни напади врз Украина. Во нападите врз Миколаев, Суми и други украински градови загинаа најмалку четири лица, меѓу кои и деца, а повеќе лица се повредени.

Тагови: напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница на главниот штаб за кризи: Водата во Гостивар останува забранета за употреба

Водата во Гостивар се уште не е безбедна за пиење и останува да се користи исклучиво за технички потреби.

Ова денеска го соопшти министерот за внатрешни работи Панче Тошковски по седницата на Главниот штаб за управување со кризи. На состанокот било одлучено во наредниот период да се интензивираат контролите на квалитетот на водата, се додека не се добијат три последователни исправни микробиолошки анализи. До тогаш, жителите ќе продолжат да добиваат флаширана вода, а според Тошковски, досега се дистрибуирани речиси 600 илјади литри. Во меѓувреме, продолжува хиперхлорирањето на водоводниот систем. Тошковски вели дека присуство на хлор е регистрирано на сите контролни точки, што е показател дека дезинфекцијата се одвива успешно. Паралелно се испира примарната мрежа, за што упати и апел граѓаните да ги отвораат чешмите за да се исчисти и секундарната водоводна мрежа во домовите.

Од ЈП „Водовод и канализација“ велат дека бактеријата Proteus mirabilis ( проетус мирабилис), која беше пронајдена во дел од примероците, е очекувана поради застојот на водата во системот за време на целосната забрана за користење.

Во меѓувреме, Министерството за здравство информира дека вчера биле регистрирани 78 прегледи, шест помалку од претходниот ден. За споредба, на 18 јули, кога беше врвот на кризата, биле евидентирани 650 прегледи. Според здравствените власти, во овој момент состојбата е стабилна, а бројот на пациенти постепено се намалува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов круг преговори меѓу Либан и Израел во Рим

Во Рим денеска почнa седмиот круг преговори меѓу Либан и Израел со посредство на САД, насочен кон спроведување на рамковниот договор постигнат во јуни.

Разговорите се фокусирани на постепено повлекување на израелските сили од јужен Либан, распоредување на либанската армија во ослободените подрачја и решавање на преостанатите гранични прашања. Либанската влада соопшти дека работи на договор што би довел до целосно повлекување на израелските сили, додека Вашингтон нагласува дека процесот мора да се одвива постепено за да се избегнат нови безбедносни ризици. Преговорите во Рим ќе траат до 6 август и треба да постават основа за поширок мировен и безбедносен договор меѓу двете земји.

Тагови: Израел Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.