Продолжува конзервацијата на охридската црква Св. Богородица Перивлептa - Канал 5

Култура

Продолжува конзервацијата на охридската црква Св. Богородица Перивлептa

По завршувањето на повеќегодишните истражувања и сеопфатни анализи, стручните екипи на Заводот за заштита на спомениците и музеј Охрид почнаа со проектот за конзервација на архитектурата на црквата Св. Богородица Перивлептa во Охрид. Паралелно со овој процес, продолжуваат и истражувачките работи и на фрескоживописот од црквата.

Продолжува конзервацијата на охридската црква Св. Богородица Перивлептa
Како што соопшти Министерството за култура, на почетокот на идниот месец експертите вклучени во конзервацијата на фрескоживописот треба да дојдат во Република Македонија и заедно со македонските конзерватори да го финализираат проектот. По завршувањето со конзервацијата на архитектурата која се планира целосно да биде заокружена до почетокот на летниот период, веднаш ќе се почне и конзервацијата на фрескоживописот. Во меѓувреме изработени се и проектите за конзервација на манастирскиот конак и манастирската камбанарија.

Од Завод и музеј Охрид потенцираат дека целиот процес на вршење на истражувачките работи се одвива во подолг временски период со цел изработување квалитетни проекти.

Координатор на проектот за реставрација и ревитализација на манастирскиот комплекс Св. Богородица е Управата за заштита на културно наследство, а реализатор е Заводот и музеј – Охрид кој во изминатиот период имаше обврска да изведе конзерваторски истражувања, да направи анализи на покривот и прозорците, анализи на оштетувањата на фрескоживописот, присуството на вода, да изработи проекти за дренажниот систем, конзервација на архитектурата на црквата, а беа изведени и археолошки истражувања како и документирање на фрескосликарството.

- Имајќи предвид дека се работи за исклучително значаен споменик, како и заради евидентно лошата состојба на фрескосликарството што во најголем дел е директно поврзана со состојбата на градбата, одлучено е носител на истражувањата и на предлогот за интервенции на архитектурата и фрескоживописот да бидат странски експерти кои имаат искуство во областа на заштитата на недвижното културно наследство, односно на црковното градителство од византискиот период, наведува Министерството.

Одговорен за истражувањата и на предлогот за заштитни интервенции на архитектурата е проф. Алкивиадес Препис, архитект–инженер од Универзитетот Ксанти, Грција. Одговорни за истражувањата и на предлогот за заштитни интервенции на фрескоживописот се Донатела Зари и Карло Џантомаси, меѓународни експерти за византиско фреско сликарство.

Проектот е финансиран од Амбасадорскиот фонд за заштита на културното наследство на Стејт департментот на САД, администриран преку Амбасадата на САД во Скопје. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Швајцарија ги обновува односите со Северна Кореја

Швајцарскиот министер за надворешни работи, Игнацио Касис, во Пјонгјанг се сретна со својата севернокорејска колешка, Чое Сон Хуи.

Швајцарија ги обновува односите со Северна Кореја

Главна тема на разговор беа безбедносните предизвици што влијаат врз Европа и Азија, а посетата на Касис беше организирана по повод официјалното повторно отворање на швајцарската дипломатска канцеларија во Северна Кореја, пренесува Ројтерс.

На платформата „X“, Касис објави дека со министерката Чое разговарал за нормализирање на политичките односи и за обновување на политичкиот дијалог меѓу двете земји. Тој додаде дека разговарале и за безбедносните прашања на Корејскиот Полуостров, како и за пошироките безбедносни предизвици во евроазискиот регион.

Канцеларијата во Пјонгјанг повторно е активна

Швајцарската канцеларија во Пјонгјанг започна со работа на 19 октомври. Таа е поврзана со швајцарската амбасада во Пекинг, која продолжува да ги води сите дипломатски и конзуларни работи со Северна Кореја.

Тагови: Северна Кореја Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вториот круг од вонредните локални избори во Општина Брвеница помина без инциденти

Министерството за внатрешни работи ја информира јавноста дека вториот круг од вонредните локални избори во Општина Брвеница заврши без нарушување на јавниот ред и мир и без регистрирани инциденти.

Вториот круг од вонредните локални избори во Општина Брвеница помина без инциденти

Во текот на целиот ден, МВР преземаше соодветни мерки и активности во рамки на своите надлежности, со цел обезбедување непречено и безбедно одвивање на изборниот процес, заштита на безбедноста на граѓаните и одржување на поволна безбедносна состојба.

Тагови: инциденти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изминатата седмица санкционирани 120 непрописно паркирани возила на територија на општина центар

ЈП Паркинзи на Општина Центар во периодот од 26.10 до 01.11.2026 година, со помош на специјалните возила „Пајак“ отстранија 120 непрописно паркирани возила кои го попречувале нормалното и безбедно одвивање на сообраќајот.

Изминатата седмица санкционирани 120 непрописно паркирани возила на територија на општина центар

За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ во наредниот период ќе продолжи со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

ЈП Паркинзи на Општина Центар

Тагови: ЈП ПОЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер